• ROLANA cosmetic ຈາກໃຈສູ່ໃຈມອບໃຫ້ຄົນລາວ.

ໂດຍ: Admin Mahason 21 ກັນຍາ 2017 (00.00 ນ.) Read : 568

ທຸລະກິດການສ້າງຜະລິດຕະພັນເພື່ອຄວາມງາມ ກາຍເປັນອີກໜຶ່ງທຸລະກິດທີ່ພວມເຕີບໃຫຍ່ໃນຕະຫຼາດປັດຈຸບັນ ໃຜໆກໍສາມາດເປັນເຈົ້າຂອງຜະລິດຕະພັນຄີມທາໜ້າໄດ້ພຽງແຕ່ມີເງິນກ້ອນໜຶ່ງໄປຊື້ແບຣນມາຂາຍ, ບາງລາຍກໍໄດ້ຮັບກຳໄລງາມໆຈາກການຈຳໜ່າຍຜະລິດຕະພັນຕົ້ນທຶນຕ່ຳທີ່ໃຊ້ແລ້ວເຫັນຜົນໄວ ແຕ່ເປັນອັນຕະລາຍແກ່ຜູ້ບໍລິໂພກ ມີຜູ້ບໍລິໂພກຫຼາຍຄົນໄດ້ຮັບຄວາມເດືອດຮ້ອນຈາກການໃຊ້ຜະລິດຕະພັນສະກິນແຄ ແລະເຄື່ອງສຳອາງທີ່ບໍ່ໄດ້ຄຸນນະພາບ ສົ່ງຜົນສະທ້ອນຕໍ່ຜິວໜ້າໃນໄລຍະຍາວນານ ດ້ວຍບັນຫານີ້ຈຶ່ງເປັນຈຸດປະກາຍຄວາມຄິດໃຫ້ຊາຍໜຸ່ມຜູ້ໜຶ່ງຕ້ອງລຸກຂຶ້ນມາເຮັດຫຍັງບາງຢ່າງ. 

ລັດສະກອນ ວໍລະຈັກ ບັນດິດໜຸ່ມໄວ 24ປິ ສຳເລັດການສຶກສາຈາກປະເທດຫວຽດນາມ ສາຂາວິທະຍາສາດອາຫານ ແລະເທັກໂນໂລຢີ ເຈົ້າຂອງຜະລິດຕະພັນບຳລຸງຜິວ ຍີ່ຫໍ້ ROLANA. ລັດສະກອນໄດ້ກ່າວວ່າ ຫຼາຍຄັ້ງທີ່ພົບເຫັນຄົນໃກ້ໂຕປະສົບກັບບັນຫາແພ້ຄີມເຖື່ອນທີ່ບໍ່ໄດ້ມາດຕະຖານ ແລະມີສານອັນຕະລາຍ ຈຶ່ງກາຍເປັນຄວາມຄິດລິເລີ່ມທີ່ຢາກມີຜະລິດຕະພັນເບິ່ງແຍງສຸຂະພາບຜິວທີ່ມີຄຸນນະພາບ ບວກກັບຕົນເອງກໍມີຄວາມຮູ້ທີ່ກ່ຽວຂ້ອງໃນສາຂາທີ່ຮ່ຳຮຽນມາ ແລະເຄີຍມີປະສົບການໃນວົງການຄວາມສວຍຄວາມງາມມາກ່ອນ. 

ຕົ້ນປີ2015 ຈຶ່ງໄດ້ເລີ່ມຈ້າງທີມວິຊາການມາວິໄຈ ແລະຜະລິດຄີມ ໂດຍມີການທົດລອງ ແລະພັດທະນາສູດຫຼາຍຫຼົບຫຼາຍຕ່າວ ຈົນມາເຖິງເດືອນມີນາປີ 2017 ຈຶ່ງກາຍມາເປັນຜະລິດຕະພັນບຳລຸງຜິວໜ້າ ພາຍໃຕ້ຍີ່ຫໍ້ ROLANA ອອກວາງຈໍາໜ່າຍຢ່າງເປັນທາງການ. ໃນເບື້ອງຕົ້ນຜະລິດຕະພັນມີ 2 ຊະນິດຄືຄີມບຳລຸງຜິວກາງຄືນ Freshy Face Radiant natural night cream ແລະເຊຣຳ Serum Whitening Skin Rejuvenation ໂດຍການນຳເອົາສານສະກັດທຳມະຊາດທີ່ມີຄຸນນະພາບສູງນຳເຂົ້າຈາກຢູໂຣບ ທີ່ມີປະສິດຕິພາບໃນການບຳລຸງຜິວໃຫ້ແຂງແຮງຈາກພາຍໃນສູ່ພາຍນອກ 

ສູດດັ່ງກ່າວແມ່ນຖືກພັດທະນາມາເພື່ອຜິວພັນຂອງຄົນລາວໂດຍສະເພາະ. ຫົວໃຈສຳຄັນຂອງຜະລິດຕະພັນແມ່ນເນັ້ນໜັກຄວາມປອດໄພ ມີການກວດສອບຄຸນນະພາບມາດຕະຖານສາກົນ ແລະຜ່ານການຢັ້ງຢືນຈາກອົງການອາຫານ ແລະຢາ. ແປງ ຄຸນສົມບັດຂອງຜະລິດຕະພັນແມ່ນ ຊ່ວຍຫຼຸດຝ້າ, ກະ, ເມັນ; ຫຼຸດເມັດສີເມລານິນໃນຜິວ, ຟື້ນຟູຜິວຄ້ຳເສຍໃຫ້ກະຈ່າງໃສ, ກະຊັບຮູຂຸມຂົນ, ຫຼຸດຮິ້ວຮອຍ, ຊ່ວຍໃຫ້ຜິວແຂງແຮງສຸຂະພາບດີຂຶ້ນ. ກວ່າ 90%ຂອງຜູ້ໃຊ້ແມ່ນມີຄວາມເພິ່ງພໍໃຈ. ແຕ່ຈຸດພິເສດກໍຄືທາງແບຣນຈະເປັນຜູ້ເລືອກເຟັ້ນລູກຄ້າ ພ້ອມທັງໃຫ້ຄຳປຶກສາກ່ຽວກັບບັນຫາຜິວພັນຕື່ມອີກ. 

ປັດຈຸບັນ ROLANA ໄດ້ມີການຈັດຈໍາໜ່າຍໃນຫຼາຍປະເທດ ທັງລາວ, ໄທ, ຫວຽດນາມ ແລະຈີນ ສະເພາະໃນປະເທດລາວແມ່ນມີຕົວແທນຈຳໜ່າຍຫຼາຍກວ່າ 30ຕົວແທນ. ໃນອີກບໍ່ດົນນີ້ທາງແບຣນຈະມີຜະລິດຕະພັນໃໝ່ໃນການກໍຄືໂຟມລ້າງໜ້າທີ່ເໝາະສຳລັບທຸກສະພາບຜິວ ພິເສດກໍແມ່ນຜູ້ທີ່ມີບັນຫາສິວອອກວາງຈຳໜ່າຍ. ສຳລັບແຜນການໃນຕໍ່ໜ້າທາງແບຣນຕັ້ງໃຈທີ່ຈະພັດທະນາ ແລະສ້າງຜະລິດຕະພັນດູແລຜິວພັນຄົບວົງຈອນ 

ພ້ອມດຽວກັນກໍຕ້ອງຮັບມືກັບຄວາມທ້າທາຍຂອງຕະຫຼາດເຄື່ອງສຳອາງໃນປັດຈຸບັນ ແຕ່ພວກເຮົາກໍເຊື່ອວ່າ ROLANA ຈະໄດ້ຮັບຄວາມໄວ້ວາງໃຈຈາກຜູ້ໃຊ້ ກາຍເປັນແບຣນທີ່ສາມາດສ້າງຊື່ສຽງໃຫ້ກັບຄົນລາວໄດ້ໃນອະນາຄົດ. ຫາກທ່ານໃດສົນໃຈສັ່ງຊື້, ເປັນຕົວແທນຈຳໜ່າຍ ຫຼືສອບຖາມຂໍ້ມູນເພີ່ມຕື່ມຂອງຜະລິດຕະພັນ ROLANA ສາມາດຕິດຕໍ່ໄດ້ທີ່ www.facebook.com/rolanaworld.



ທີ່ມາ:
  • ແທັກທີ່ກ່ຽວຂ້ອງ