• Carlsberg Sports Bar ເອົາໃຈຄົນມັກກີລາ

ໂດຍ: ສີເປື້ອນມື 04 ມິຖຸນາ 2019 (14.16 ນ.) Read : 225

ໃນວັນທີ 01 ມິຖຸນາ 2019 ທີ່ຜ່ານມາ ໄດ້ມີການເປີດໂຊນ Carlsberg Sports Bar in Vientiane ຢ່າງເປັນທາງການ ຢູ່ທີ່ຊັ້ນ 1 ຂອງຮ້ານອາຫານ ຊັນທາຣາ (SunTara Escape) ນະຄອນຫຼວງວຽງຈັນ. ໃຫ້ກຽດເຂົ້າຮ່ວມໄດ້ແກ່: ທ່ານ ອິນທີ ເດືອນສະຫວັນ ເຈົ້າຂອງຮ້ານ ຊັນທາຣາ ແລະທ່ານ ມິເກລ ໂອເລີມານ ຜູ້ອໍານວຍການດ້ານການຂາຍ ແລະການຈັດຈໍາໜ່າຍ ບໍລິສັດ ເບຍລາວ ຈໍາກັດ ພ້ອມດ້ວຍບັນດາແຂກທີ່ຖືກເຊີນຢ່າງຫຼວງຫຼາຍ.

ຈຸດປະສົງຂອງການເປີດ Carlsberg Sports Bar Vientiane ແມ່ນເພື່ອເອົາໃຈຜູ້ທີ່ມັກຮັກໃນເລື່ອງຂອງວົງການກີລາທຸກປະເພດ ບໍ່ວ່າຈະເປັນບານເຕະລະດັບໂລກ, ລີກຕ່າງໆໃນຕ່າງປະເທດ, ໃນລາວ ໂດຍສະເພາະແມ່ນ ບານເຕະ ທີ່ກໍາລັງເປັນທີ່ນິຍົມໃນບ້ານເຮົາ. ເຮັດໃຫ້ຜູ້ທີ່ມັກຮັກກີລາໄດ້ມາພົບປະສັງສັນກັນ ດ້ວຍບັນຍາກາດການເບິ່ງບານເຕະແບບໄດ້ອັດທະລົດທີ່ສຸດ ບວກກັບສຽງເພງຈາກດີເຈປະຈໍາຮ້ານ ທີ່ພ້ອມຈະບັນເລງທຸກສຽງເພງໃຫ້ທຸກທ່ານໄດ້ເພີດເພີນກັບການມ່ວນຊື່ນໃນທຸກຄໍ່າຄືນ. Carlsberg Sports Bar ແຫ່ງນີ້ ເປັນການຮ່ວມມືກັນລະຫວ່າງຮ້ານອາຫານ ຊັນທາຣາ ແລະບໍລິສັດ ເບຍລາວ ຈໍາກັດ ເຊິ່ງໄດ້ເປີດໃຫ້ບໍລິການແລ້ວຕັ້ງແຕ່ວັນທີ 01 ມິຖຸນາ 2019 ເປັນຕົ້ນໄປ. ຢ່າລືມ!ຄົນທີ່ມັກຮັກໃນກີລາບໍ່ຄວນພາດ.




ທີ່ມາ:
  • ຮູບພາບ