• ປື້ມ “ເສັ້ນທາງແຫ່ງຊີວິດ” ສະບັບພາສາອັງກິດ

ໂດຍ: ສີເປື້ອນມື 03 ມິຖຸນາ 2019 (18.11 ນ.) Read : 158

ວັນທີ 22 ພຶດສະພາ 2019 ຜ່ານມາ ໄດ້ມີການຈັດງານເປີດໂຕ ປື້ມນະວະນິຍາຍປະຫວັດສາດເລື່ອງ ເສັ້ນທາງແຫ່ງຊີວິດສະບັບພາສາອັງກິດຢ່າງເປັນທາງການ ທີ່ຮ້ານອາຫານ ຂອບໃຈເດີ ນະຄອນຫຼວງວຽງຈັນ. ໃຫ້ກຽດເຂົ້າຮ່ວມໂດຍ ທ່ານ ຈັນທີ ເດືອນສະຫວັນ ນັກປະພັນເລື່ອງ ເສັ້ນທາງແຫ່ງຊີວິດ, ທ່ານ ອິນທີ ເດືອນສະຫວັນ (ລູກຊາຍ), ທ່ານ ນາງ ໂດມີນິກ ເລີ ຣຸກ ຜູ້ຮຽບຮຽງ ພ້ອມດ້ວຍແຂກຖືກເຊີນ ແລະມວນຊົນຢ່າງຫຼວງຫຼາຍ.

ສຳລັບປື້ມນະວະນິຍາຍເລື່ອງ ເສັ້ນທາງແຫ່ງຊີວິດ ຫຼື The Path of Life ສະບັບພາສາອັງກິດ ຊຶ່ງຖືເປັນປື້ມເຫຼັ້ມທຳອິດຂອງລາວທີ່ຖືກນຳມາແປເປັນພາສາຕ່າງປະເທດ. ຈຸດປະສົງຂອງການແປກໍແມ່ນ ເພື່ອຢາກຖ່າຍທອດເນື້ອໃນຂອງປຶ້ມ ເສັ້ນທາງແຫ່ງຊີວິດ ໃຫ້ທົ່ວໂລກໄດ້ຮັບຮູ້ ແລະເຂົ້າໃຈກັບເລື່ອງລາວທີ່ເກີດຂຶ້ນໃນປຶ້ມຫົວນີ້ ເຊິ່ງມີຕໍານານເກົ່າແກ່ສົມຄວນ ເຊິ່ງໄດ້ຊ່ຽວຊານໃນດ້ານການແປພາສາມາຊ່ວຍຮຽບຮຽງ ເພື່ອເຮັດໃຫ້ປຶ້ມຫົວດັ່ງກ່າວສົມບູນຍິ່ງຂຶ້ນ. ຖືວ່າເປັນອີກບາດກ້າວໜຶ່ງຂອງປຶ້ມ ເສັ້ນທາງແຫ່ງຊີວິດ ທີ່ຈະໄດ້ກະຈາຍໄປທົ່ວທຸກມຸມໂລກ ອັນສ້າງຊື່ສຽງໃຫ້ຜູ້ຂຽນ ກໍຄື ທ່ານ ຈັນທີ ເດືອນສະຫວັນ ແລະປະເທດຊາດ.




ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ