• ສຶກ​ສາ​ທິ​ການ-ກິ​ລາ​ເມືອງ​ເຊ​ໂປນ ຈັດ​ພິ​ທີ​ມອບ-ຮັບໂຮງ​ຮຽນ​ອະ​ນຸ​ບານ​ອຸ​ດົມ​ສຸກຫຼັງ​ໃໝ່

ໂດຍ: ສີເປື້ອນມື 21 ພຶດສະພາ 2019 (14.13 ນ.) Read : 216

ໂຮງຮຽນອະນຸບານອຸດົມ ສຸກເມືອງເຊໂປນແມ່ນເລີ່ມ ລົງມືການກໍ່ສ້າງແຕ່ວັນທີ 20 ພະຈິກ 2018 ຫາວັນ ທີ 15 ກຸມພາ 2019 ແມ່ນ ສໍາເລັດ100%, ເປັນອາຄານ ຊັ້ນດຽວ ຈໍານວນ1 ຫລັງ 3 ຫ້ອງ ພ້ອມຫ້ອງນໍ້າຕິດແປະ, ຂະໜາດອາ​ຄານກວ້າງ8 ແມັດ, ຍາວ21ແມັດ, ຫ້ອງ1 ຍາວ 7 ແມັດ, ກວ້າງ 6 ແມັດ, ມຸງດ້ວຍ ກະເບື້ອງ,ຝາກໍ່ດ້ວຍດີນຈີ່, ພື້ນປູດ້ວຍກາໂລ ຊຶ່ງໄດ້ຮັບການສະໜັບສະໜູນທຶນຊ່ວຍເຫລືອລ້າຈາກບໍລິສັດຊັນເປ ເປີ້ໂຮນດີ້ງລາວຈໍາກັດ ແລະ ບໍລິສັດດາວສະຫວັນຈໍາກັດ ມູນຄ່າການກໍ່ສ້າງທັງໝົດ 481 ລ້ານກວ່າກີບ, ສ່ວນວັດຖຸອຸປະ ກອນຕ່າງໆໃນການກໍ່ສ້າງ ແມ່ນບໍລິສັດຮັບຜິດຊອບເອງ ທັງໝົດ. ດັ່ງນັ້ນ ມາໃນວັນທີ 15 ພຶດສະພາ 2019 ທີ່ຜ່ານມາ, ຢູ່ໂຮງຮຽນດັ່ງກ່າວຈຶ່ງໄດ້ມີພິທີມອບ-ຮັບອາຄານຫລັງໃໝ່ ຂຶ້ນຢ່າງເປັນທາງການ, ໂດຍເປັນກຽດຂຶ້ນກ່າວມອບ ຮັບຂອງທ່ານ ຖາວອນ ອິນ ຊີຊ່ຽງໃໝ່ ຮອງຫົວໜ້າພະ ແນກ ສຶກສາທິການ-ກິລາແຂວງ, ທ່ານ ສຸລິຍາ ມາຜາງວົງ ຮອງ ເຈົ້າເມືອງເຊໂປນ, ຕາງໜ້າ 2 ບໍລິສັດ, ຊ້ອງໜ້າທ່ານ ຄໍາເພັດ ໄຊຍະເທບ ຫົວໜ້າຫ້ອງການ ສຶກສາທິການ-ກິລາເມືອງ ພ້ອມ ດ້ວຍຄູອາຈານ, ນ້ອງນັກຮຽນ ເຂົ້າຮ່ວມ.



ທີ່ມາ: ສະຫວັນພັດທະນາ ຂ່າວ / Savanhphuttana News
  • ແທັກທີ່ກ່ຽວຂ້ອງ