• ໂຕໂຍຕ້າ ຄັດເລືອກຮູບແຕ້ມທີ່ຈະສົ່ງໄປປະກວດຢູ່ຍີ່ປຸ່ນ ໄດ້ແລ້ວ

ໂດຍ: ສີເປື້ອນມື 22 ມີນາ 2019 (16.22 ນ.) Read : 234

ໃນວັນທີ 20 ມີນາ 2019 ທາງບໍລິສັດ ໂຕໂຢຕ້າ ລາວ ຈໍາກັດ ໄດ້ຈັດພິທີມອບ-ຮັບລາງວັນລະດັບປະເທດຈາກ ໂຄງການປະກວດແຕ້ມຮູບໃນຫົວຂໍ້ ລົດໂຕໂຍຕ້າ ໃນຝັນຂອງຂ້ອຍ ປະຈໍາປີ 2019 “TOYOTA DREAM CAR ART CONTEST 2019” ຂຶ້ນ ທີ່ໂຮງແຮມ ຄລາວ ພລາຊາ ເພື່ອເປັນການສົ່ງເສີມການສຶກສາໃຫ້ກັບເຍົາວະຊົນລາວ. ເປັນກຽດເຂົ້າຮ່ວມມີ: ທ່ານ ປອ ຄຳຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະກີລາ, ທ່ານ ມາຊາອະກິ ຄາວາບາຕະ ອຳນວຍການ ບໍລິສັດ ໂຕໂຍຕ້າ ລາວ ຈຳກັດ, ພ້ອມດ້ວຍຕົວແທນຈຳໝ່າຍໂຕໂຢຕ້າຢ່າງທາງການໃນລາວ, ຄະນະກຳມະການ, ຕາງໜ້າກະຊວງ, ພໍ່ແມ່ຜູ້ປົກຄອງ, ຄູ-ອາຈານ ພ້ອມດ້ວຍນ້ອງໆນັກຮຽນ.

ໂຄງການປະກວດແຕ້ມຮູບໃນຫົວຂໍ້ ລົດໂຕໂຍຕ້າ ໃນຝັນຂອງຂ້ອຍ ໄດ້ຈັດຂຶ້ນຢູ່ລາວເປັນປີທີ 9 ແລະຄັ້ງທີ 13 ໃນລະດັບສາກົນ. ສໍາລັບໃນປີ 2019 ແມ່ນໄດ້ຈັດຂຶ້ນຢ່າງຍິ່ງໃຫ່ຍ ດ້ວຍການເປີດກວ້າງການປະກວດທົ່ວປະເທດ ເຊິ່ງໄດ້ຮັບຄວາມສົນໃຈຈາກເຍົາວະຊົນ ແລະພໍ່ແມ່ປົງຄອງເປັນຈຳນວນຫຼາຍ ແລະມີຍອດຜູ້ສະໝັກ ເຖິງ 3.695 ຄົນ. ນອກຈາກນີ້, ຜົນງານຂອງນ້ອງໆຜູ້ທີ່ໄດ້ຮັບລາງວັນຊະນະເລີດອັນດັບທີ 1, 2 ແລະ 3 ໃນແຕ່ລະປະເພດອາຍຸ ຈະຖືກສົ່ງເຂົ້າຮ່ວມປະກວດ ໃນລະດັບໂລກທີ່ ປະເທດຢີ່ປຸ່ນ ເຊິ່ງຈະໄດ້ປະກາດລາງວັນໃນດືອນ ກໍລະກົດ 2019 ນີ້ ແລະຖ້າຫາກຜົນງານດັ່ງກ່າວທີ່ສົ່ງໄປ ຫາກຕິດອັນດັບ 1 ໃນ 3 ກໍຈະໄດ້ເດີນທາງໄປຮັບເອົາລາງວັນນັ້ນ ດ້ວຍຕົນເອງທີ່ປະເທດຢີ່ປຸ່ນ ອີກດ້ວຍ. ສະນັ້ນ, ພວກເຮົາປວງຊົນຊາວລາວ ຈົ່ງຮ່ວມແຮງສົ່ງກໍາລັງໃຈໃຫ້ນ້ອງໆຍາດເອົາລາງວັນກັບມາໃຫ້ໄດ້.

ຜ່ານການຄັດເລືອກ ແລະແຂ່ງຂັນສາມາດໄດ້ຜູ້ຊະນະເລີດ ໃນໂຄງການ ປະກວດແຕ້ມຮູບ ລົດໂຕໂຍຕ້າ ໃນຝັນຂອງຂ້ອຍ 2019 “TOYOTA DREAM CAR ART CONTEST 2019” ດັ່ງນີ້:

ຮຸ້ນອາຍຸ ຕໍ່າກວ່າ 8 ປີ

-    ລາງວັນຊະນະເລີດ ໄດ້ແກ່: ນາງ ພຸດທະສອນ ມະໄລຄິດ ມາຈາກໂຮງຮຽນ ປະຖົມທົ່ງກາງ ໄດ້ຮັບທຶນການສຶກສາ 5.000.000 ກີບ ພ້ອມດ້ວຍໂລ່ລາງວັນ.

-    ລາງວັນຮອງຊະນະເລີດ ອັນດັບ ​1: ໄດ້ແກ່: ນາງ ຈັນດາລາ ວັນດີໃບ ມາຈາກໂຮງຮຽນ ຫ້ອມສະຫວັນ ໄດ້ຮັບທຶນການສຶກສາ ມູນຄ່າ 4.000.000 ກີບ ພ້ອມດ້ວຍໂລ່ລາງວັນ.

-    ລາງວັນຮອງຊະນະເລີດ ອັນດັບ ​2: ໄດ້ແກ່: ທ້າວ ຕົ້ນນໍ້າ ພົມມາເກດ ມາຈາກໂຮງຮຽນ ຫ້ອມສະຫວັນ ໄດ້ຮັບທຶນການສຶກສາ ມູນຄ່າ 3.000.000 ກີບ ພ້ອມດ້ວຍໂລ່ລາງວັນ.

-    ລາງວັນຊົມເຊີຍ ໄດ້ແກ່: ນາງ ເພັດຈິນດາ ວັນດີໃບ ມາຈາກໂຮງຮຽນ ຊ້າງນ້ອຍ ແລະທ້າວ ຄອນສະຫວັນ ພົງສາ ມາຈາກໂຮງຮຽນ ຫ້ອມສະຫວັນ ໄດ້ຮັບທຶນການສຶກສາ ຄົນລະ 1.000.000 ກີບ.

ຮຸ້ນອາຍຸລະຫວ່າງ 8-11​ປີ

-    ລາງວັນຊະນະເລີດ ໄດ້ແກ່: ທ້າວ ນະຄອນໄຊ ສີລາປານີ ມາຈາກໂຮງຮຽນ ສອນແຕ້ມຮູບ ສະບາຍດີ ໄດ້ຮັບທຶນການສຶກສາ 5.000.000 ກີບ ພ້ອມດ້ວຍໂລ່ລາງວັນ.

-    ລາງວັນຮອງຊະນະເລີດ ອັນດັບ ​1: ໄດ້ແກ່: ທ້າວ ອາຕີ ວົງສັກດາ ມາຈາກໂຮງຮຽນ ປະຖົມທົ່ງກາງ ໄດ້ຮັບທຶນການສຶກສາ ມູນຄ່າ 4.000.000 ກີບ ພ້ອມດ້ວຍໂລ່ລາງວັນ.

-    ລາງວັນຮອງຊະນະເລີດ ອັນດັບ ​2: ໄດ້ແກ່: ທ້າວ ຄໍາສະຫວັນ ດາລາສັກ ມາຈາກໂຮງຮຽນ ຫ້ອມສະຫວັນ ໄດ້ຮັບທຶນການສຶກສາ ມູນຄ່າ 3.000.000 ກີບ ພ້ອມດ້ວຍໂລ່ລາງວັນ.

-    ລາງວັນຊົມເຊີຍ ໄດ້ແກ່: ທ້າວ ຊະນະສິນ ໂພທິສານ ແລະນາງ ວິພາວາດີ ນໍລະສິງ ມາຈາກໂຮງຮຽນ ສອນແຕ້ມຮູບ ອິດສ໌ເຕິນອາດທ໌ ໄດ້ຮັບທຶນການສຶກສາ ຄົນລະ 1.000.000 ກີບ.

ຮຸ້ນອາຍຸລະຫວ່າງ 12-15ປີ

 

-    ລາງວັນຊະນະເລີດ ໄດ້ແກ່: ນາງ ສຸພາວະດີ ແສງວິໄຊ ມາຈາກໂຮງຮຽນ ຮຸ່ງເຮືອງ ໄດ້ຮັບທຶນການສຶກສາ 5.000.000 ກີບ ພ້ອມດ້ວຍໂລ່ລາງວັນ.

-    ລາງວັນຮອງຊະນະເລີດ ອັນດັບ ​1: ໄດ້ແກ່: ທ້າວ ທິວາກອນ ອຸດົມພອນ ມາຈາກໂຮງຮຽນ ສອນແຕ້ມຮູບ ສະບາຍດີ ໄດ້ຮັບທຶນການສຶກສາ ມູນຄ່າ 4.000.000 ກີບ ພ້ອມດ້ວຍໂລ່ລາງວັນ.

-    ລາງວັນຮອງຊະນະເລີດ ອັນດັບ ​2: ໄດ້ແກ່: ທ້າວ ສຸດທິພົງ ຫຼວງພົນ ມາຈາກໂຮງຮຽນ ສີສັດຕະນາກ ໄດ້ຮັບທຶນການສຶກສາ ມູນຄ່າ 3.000.000 ກີບ ພ້ອມດ້ວຍໂລ່ລາງວັນ.

-    ລາງວັນຊົມເຊີຍ ໄດ້ແກ່: ທ້າວ ຫຼ້າສຸດໃຈ ສິດທິຮັກປັນຍາ ມາຈາກໂຮງຮຽນ ມສ ສາທິດ ແລະນາງ ສຸດາພອນ ຄຸນວິໄຊ ມາຈາກໂຮງຮຽນ ສອນແຕ້ມຮູບ ອິດສ໌ເຕິນອາດທ໌ ໄດ້ຮັບທຶນການສຶກສາ ຄົນລະ 1.000.000 ກີບ.




ທີ່ມາ:
  • ຮູບພາບ