• ເປີດງານບຸນມະໂຫລານສົ່ງເສີ່ມການອ່ານ ຂອງນະຄອນຫລວງວຽງຈັນ ຄັ້ງທີ 1

ໂດຍ: ສີເປື້ອນມື 07 ມີນາ 2019 (14.26 ນ.) Read : 200

ພິທີເປີດງານບຸນມະໂຫລານສົ່ງເສີ່ມການອ່ານ ຂອງນະຄອນຫລວງວຽງຈັນ ຄັ້ງທີ 1 ໄດ້ຈັດຂຶ້ນໃນລະຫວ່າງວັນທີ 7-17 ມີນາ ນີ້ທີ່ສູນການຄ້າສາກົນ ເວີເທສເຊັນເຕີ(ລວມ 11 ວັນ) ຊຶ່ງເລີມເປີດບໍລິການແຕ່ເວລາ 9:00 ໂມງ ຫາ 21:00 ໂມງ,ໂດຍການເຂົ້າຮ່ວມເປີດງານຂອງທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫລວງວຽງຈັນ, ທ່ານ ບົວລານ ສິລິປັນຍາ ຮອງລັດຖະມົນຕີ ກະຊວງສຶກສາທິການ ແລະ ກິລາ, ບັນດາທ່ານທູຕານຸທູດ ແຂກທີ່ຖືເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນໂອກາດນີ້ ທ່ານ ສີຫຸນ ສິດທິລືໄຊ ໄດ້ກ່າວເປີດງານວ່າ: ການຈັດງານບຸນມະໂຫລານສົ່ງເສີ່ມການອ່ານ ຂອງນະຄອນຫລວງວຽງຈັນ ຄັ້ງທີ 1 ເປັນຄັ້ງປະຫວັດສາດ ຂອງນະຄອນຫລວງວຽງຈັນ ເຊິ່ງໄດ້ຈັດຂຶ້ນໃນຈຸດເວລາທີ່ທົ່ວໂລກພ້ອມກັນ ສະເຫລີມສະຫລອງວັນອ່ານປື້ມໂລກ ທັງເປັນການສ້າງຂະບວນການຕ້ອນຮັບວັນແມ່ຍິງສາກົນ 3 ມີນາ 2019 ທີ່ຈະມາເຖິງນີ້, ງານບຸນມະໂຫລານສົ່ງເສີມການອ່ານໄດ້ມີບັນດາກິດຈະກຳດັ່ງລຸ່ມນີ້: ກິດຈະກຳມອບປື້ມອ່ານ ໃຫ້ແກ່ໂຮງຮຽນຢູ່ບັນດາພາຍໃນ 09 ເມືອງ ແລະ ມອບປື້ມໃຫ້ຜູ້ຊະນະ ໃນການແຂ່ງຂັນ; ກິດຈະກຳການສຶກສາ ຖາມ-ຕອບ ກ່ຽວກັບອາຊຽນ, ກິດຈະກຳຮ້ອງໄດ້-ໄດ້ລ້ານ, ເວົ້າໄດ້-ໄດ້ລ້ານ, ອ່ານໄດ້-ໄດ້ລ້ານ, ຂຽນໄດ້-ໄດ້ລ້ານ, ພິມໄດ້-ໄດ້ລ້ານ, ແຕ້ມໄດ້-ໄດ້ລ້ານ, ຕອບໄດ້-ໄດ້ລ້ານ, ທວາຍໄດ້-ໄດ້ລ້ານ; ກິດຈະກຳ ແຂ່ງຂັນກິລາ ປະເພດຕ່າງໆ; ກິດຈະກຳປາຖະກະຖາ; ມີສະມາຄົມນັກປະພັນ, ໂຮງຮຽນເອກະຊົນ, ອົງການຕ່າງປະເທດ, ທ່ານ ຄິມ ຮັນໂດ ແລະ ສະມາຄົມການຄ້າເອີຮົມ; ກິດຈະກຳການສະແດງສິລະປະຂອງນ້ອງນັກຮຽນກ່ຽວກັບບັນດາປະເທດອາຊຽນ ແລະ ປະເທດອື່ນໆ ພ້ອມທັງມີການສະແດງ ດົນຕີຈາກສີລະປິນຮັບເຊີນອີກດ້ວຍ.




ທີ່ມາ: (ຂ່າວ: ນາງ ສະຫວັນຄຳ)
  • ແທັກທີ່ກ່ຽວຂ້ອງ