• ເດີນແບບ ແລະຮ່ວມລະດົມທຶນ ຊ່ວຍເຫຼືອເຜົ່າແລນແຕນ

ໂດຍ: ສີເປື້ອນມື 01 ມີນາ 2019 (11.25 ນ.) Read : 115

ໃນວັນທີ 21 ກຸມພາ 2019 ຜ່ານມາ ທາງ Her Work ໄດ້ຈັດງານເດີນແບບໃນງານແຟຊັ່ນໂຊ ມອບຮັກແດ່ແລນແຕນ ຫຼື “Love for Lantan” ທີ່ສູນຫ້ອງຂາຍ ຈາກົວ ແລນໂລເວີ ລາວ ເພື່ອລະດົມທຶນຊ່ວຍເຫຼືອເຜົ່າແລນແຕນ. ໂດຍມີບັນດານາຍແບບ-ນາງແບບລະດັບແຖວໜ້າຂອງລາວເຂົ້າຮ່ວມ ນໍາໜ້າໂດຍ: ສາວ ຕັອດ ລີນາ ແລະຫຼິງຫຼິງ ປິຍະດາ ພ້ອມດ້ວຍນາຍແບບ-ນາງແບບຫຼາຍທ່ານ ແລະບັນດານັກທຸລະກິດຮ່ວມປະມູນເຄື່ອງເພື່ອຊ່ວຍເຫຼືອເຜົ່າແລນແຕນ ທີ່ແຂວງ ຫຼວງນໍ້າທາ.

ໂຄງການມອບຮັກແດ່ ແລນແຕນ ເປັນງານເດີນແບບແຟຊັ່ນໂຊທີ່ປະຫຍຸກມາຈາກຊຸດຂອງເຜົ່າແລນແຕນ ປະສົມປະສານໃຫ້ເຂົ້າກັບຍຸກປັດຈຸບັນ ເຊິ່ງຈັດໂດຍ Her Work. ນອກຈາກການສະແດງເດີນແບບແລ້ວ ຍັງໄດ້ມີການເປີດປະມູນຊຸດຂອງເຜົ່າແລນແຕນ ໃຫ້ແກ່ຜູ້ທີ່ເຂົ້າຮ່ວມງານໄດ້ຮ່ວມປະມູນ ເພື່ອປະກອບສ່ວນໃນການຊ່ວຍເຫຼືອ, ພັດທະນາທັກສະ ແລະຊີວິດການເປັນຢູ່ຂອງເຜົ່າແລນແຕນ.ກິດຈະກໍານີ້ ມີເປົ້າໝາຍເພື່ອເສີມສ້າງຄວາມຮູ້ຂອງຊ່າງສີມືຈາກຊົນເຜົ່າດັ່ງກ່າວ ກ່ຽວກັບຕະຫຼາດໃນປັດຈຸບັນ ແລະເຮັດໃຫ້ພວກເຂົາສາມາດຜະລິດສິນຄ້າຕ່າງໆ ໃຫ້ກົງກັບຄວາມຕ້ອງການຂອງຕະຫຼາດ ແຕ່ຍັງຄົງໄວ້ເຊິ່ງເອກະລັກຂອງງານສີມືຂອງພວກເຂົາ. ພ້ອມນີ້, ຍັງຈະສ້າງໃຫ້ຊຸມຊົນຂອງຊົນເຜົ່າມີໂອກາດດ້ານທຸລະກິດ ເພື່ອໃຫ້ມີຊີວິດການເປັນຢູ່ທີ່ດີຂຶ້ນ ແລະຊຸກຍູ້ການສຶກສາຂອງເດັກນ້ອຍເຜົ່າແລນແຕນ.

 


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ

  • #LoveLanTan