• Intra Diamond ຢືນຢັນຄຸນນະພາບຈາກ GIA

ໂດຍ: ສີເປື້ອນມື 21 ມັງກອນ 2019 (14.02 ນ.) Read : 747

ກ່ອນທີ່ຈະປະສົບຜົນສໍາເລັດໃນທຸລະກິດໃດໜຶ່ງ ຖ້າບໍ່ມີຄວາມມັກຮັກກໍເປັນໄປໄດ້ຍາກ ຍິ່ງທຸລະກິດນັ້ນເປັນທຸລະກິດທີ່ຕ້ອງໃສ່ໃຈລາຍລະອຽດເປັນພິເສດ ຕ້ອງໄດ້ນໍາໃຊ້ເຄື່ອງມືທີ່ທັນສະໄໝເຂົ້າໃນການກວດສອບຄຸນນະພາບຂອງສິນຄ້າ ເພື່ອໃຫ້ລູກຄ້າເຊື່ອໝັ້ນ ແລະໄວ້ວາງໃຈໃນຜະລິດຕະພັນຂອງເຮົາ.

ທ່ານ ອິນທະສອນ ປະຖໍາມະວົງ ຜູ້ບໍລິຫານ ຮ້ານ ອິນທຣາ ໄດມ້ອນ (Intra Diamond) ໄດ້ໃຫ້ສໍາພາດວ່າ: ກ່ອນທີ່ຕົນເອງຈະຕັດສິນໃຈເປີດຮ້ານເພັດ ຍ້ອນມີຄວາມມັກຮັກສະເພາະດ້ານ ແລະໄດ້ໄປສຶກສາ ແລະອົບຮົມເພີ່ມຕື່ມ ໃນຫລັກສູດ ເພັດ ທີ່ສະຖາບັນ GIA ເຊິ່ງເປັນການສຶກສາທາງໄກ ໂດຍໃຊ້ເວລາ 6 ເດືອນ ແຕ່ກ່ອນໜ້ານີ້ກໍໄດ້ມີການທົດລອງຂາຍມາເປັນເວລາ 5 ປີແລ້ວ.

ເຖິງແມ່ນວ່າຕົນເອງຈະບໍ່ຄ່ອຍມີເວລາວ່າງຫຼາຍກໍຕາມ ເພາະເປັນພະນັກງານເຮັດວຽກປະຈໍາຢູ່ບໍລິສັດ ເອກະຊົນ ແຕ່ຍ້ອນຄວາມມັກຮັກ ແລະຢາກມີທຸລະກິດເປັນຂອງຕົນເອງ ຈຶ່ງໄດ້ພະຍາຍາມຫາເວລາວ່າງມາເປີດຮ້ານ. ໃນເບື້ອງຕົ້ນຂອງການເລີ່ມເປີດຮ້ານມາເປັນເວລາ 4 ເດືອນ ກໍໄດ້ຮັບກະແສຕອບຮັບເປັນຢ່າງດີຈາກລູກຄ້າ ໂດຍສະເພາະແມ່ນ ບ່າວ-ສາວ ທີ່ກໍາລັງຈະແຕ່ງງານ ເຊິ່ງມີຍອດຂາຍສູງເຖິງ 5 ຄູ່ ພາຍໃນເດືອນດຽວ ເນື່ອງຈາກການເຮັດທຸລະກິດຂອງຮ້ານເຮົາ ບໍ່ໄດ້ເນັ້ນພຽງການຂາຍ ແລະຫຼັງການຂາຍຢ່າງດຽວ ແຕ່ເນັ້ນໃຫ້ຄວາມ, ໃຫ້ຄໍາປຶກສາ ແລະແນະນໍາໃນເລື່ອງການເລືອກຊື້ເພັດ ເພື່ອໃຫ້ລູກຄ້າໝັ້ນໃຈວ່າຈະໄດ້ເພັດແທ້ ເມັດງາມ.

ຮ້ານ Intra Diamond ໄດ້ຢຶດຖື 4 ຫຼັກການຂອງການຄັດສັນເພັດທີ່ດີ ຄື: ສີຂອງເພັດ, ຄວາມສະອາດ, ການເຈຍລະໄນ ແລະນ້ຳຫນັກຂອງເພັດ ເພາະມູນຄ່າຂອງເພັດຈະຖືກ ຫຼືແພງນັ້ນແມ່ນຂຶ້ນກັບ 4 ຫຼັກການນີ້. ຜະລິດຕະພັນສ່ວນຫຼາຍແມ່ນ ເພັດເປັນເມັດ ເພື່ອໃຫ້ລູກຄ້າສາມາດເລືອກຊື້ ໄດ້ຕາມງົບປະມານ ແລະຄວາມຕ້ອງການ ສ່ວນຮູບແບບແມ່ນສາມາດເລືອກ ຫຼືອອກແບບເອງໄດ້ ໂດຍໃຊ້ເວລາໃນການຜະລິດພຽງ 1-2 ອາທິດ. ນອກນັ້ນ, ທາງຮ້ານຍັງຮັບສັ່ງເພັດສະເປັກພິເສດຕາມລູກຄ້າຕ້ອງການ.

ເມື່ອຊື້ເພັດຈາກຮ້ານເຮົາ ລູກຄ້າສາມາດກວດສອບຄຸນນະພາບໄດ້ ດ້ວຍເຄື່ອງມືທີ່ທັນສະໄໝ ແລະມີໃບຮັບຮອງຄຸນນະພາບ ເພື່ອເຮັດໃຫ້ລູກຄ້າໝັ້ນໃຈວ່າຕົນເອງໄດ້ເພັດທີ່ມີຄຸນນະພາບແທ້. ເອກະລັກສະເພາະຂອງເພັດແທ້ ທີ່ໄດ້ຜ່ານການກວດສອບຄຸນນະພາບແລ້ວ ກໍຈະມີການຍິງເລເຊີໄວ້ທີ່ຂອບເພັດທຸກເມັດ ເພື່ອຢືນຢັນວ່າເພັດເມັດນັ້ນ ໄດ້ຜ່ານການຮັບຮອງມີຄຸນນະພາບເປັນທີ່ຮຽບຮ້ອຍ.

 

ເຄື່ອງກວດສອບຄຸນນະພາບເພັດ ຈາກ GIA ລຸ້ນ ID100 ເຊິ່ງມີພຽງບໍ່ເທົ່າໃດເຄື່ອງໃດປະເທດລາວ ເຄື່ອງນີ້ສາມາດໄຈ້ແຍກເພັດແທ້, ເພັດສັງເຄາະ ແລະເພັດທຽມ ໄດ້ເປັນຢ່າງດີ ເພາະເຄື່ອງຈະກວດສອບ ແລະແຈ້ງຜົນສະເພາະທີ່ເປັນເພັດຈາກທຳມະຊາດເທົ່ານັ້ນ. ເພັດຈະມີ 2 ປະເພດ ຄື: ເພັດແທ້ຈາກທຳມະຊາດ ແລະເພັດສັງເຄາະ (ຜະລິດຮຽນແບບເພັດແທ້). ນອກນັ້ນ, ຍັງມີກຸ່ມເພັດສີແຟຼນຊີ ຈະເປັນເພັດທີ່ມີສີສັນຕ່າງໆ ເຊັ່ນ: ສີແດງ, ຟ້າ, ຂຽວ, ບົວ, ເຫຼືອງ ເປັນສີທີ່ເກີດຈາກທໍາມະຊາດ. ສ່ວນເພັດ ສີບົວ ຈະມີມູນຄ່າສູງຫລາຍ.

Intra Diamond ເປັນຮ້ານດຽວໃນລາວ ທີ່ມີລາຍຊື່ໃນເວັບໄຊຂອງ GIA ເຊິ່ງເປັນສິ່ງທີ່ຢືນຢັນໄດ້ວ່າ ເພັດຮ້ານເຮົາມີຄຸນນະພາບ ແລະໄດ້ຮັບການຮັບຮອງຈາກສະຖາບັນຂອງ GIA.

ສຸດທ້າຍກໍຂໍຂອບໃຈລູກຄ້າທຸກທ່ານທີ່ໃຫ້ຄວາມໄວ້ວາງໃຈໃນຄຸນນະພາບ ແລະເລື່ອງວິຊາການຂອງຮ້ານພວກເຮົາຕະຫຼອດມາ. ສໍາລັບໃຜທີ່ສົນໃນໃຈເລື່ອງຂອງເພັດ ຫຼືຢາກສຶກສາ ກໍສາມາດເຂົ້າມາຫາພວກເຮົາໄດ້ ຍິນດີທີ່ຈະໃຫ້ຄໍາແນະນໍາ ແລະປຶກສາກ່ຽວກັບເພັດ.

ຮ້ານ Intra Diamond ຕັ້ງຢູ່ສູນການຄ້າ ວຽງຈັນເຊັນເຕີ ຊັ້ນ 2 ເບີໂທ: 020 2222 3040. ສາມາດຕິດຕາມການເຄື່ອນໄຫວ ແລະອັບເດດ ລາຄາເພັດ ໄດ້ທີ່ເພຈເຟດບຸກ: Intra Diamond. ໂປຼໂມຊັ່ນພິເສດສໍາລັບຊ່ວງນີ້ ຖ້າຫາກທ່ານໃດສົນໃຈຊື້ເພັດກັບທາງຮ້ານ Intra Diamond ພຽງແຕ່ທ່ານນໍາວາລະສານ ມະຫາຊົນ ສະບັບນີ້ ໄປສະເໜີທາງຮ້ານເພື່ອຮັບສ່ວນຫຼຸດທັນທີ 25% ສໍາລັບເຄື່ອງປະດັບທີ່ມີມູນຄ່າ 5 ລ້ານກີບຂຶ້ນໄປ ໝົດເຂດວັນທີ 28 ກຸມພາ 2019 ນີ້ເທົ່ານັ້ນ.

ໂດຍ: ສີເປື້ອນມື




ທີ່ມາ:
  • ຮູບພາບ