• ບໍລິສັດ​ຄອນ​ເກດ ປາມ​ໂອ​ລິ​ຟລາວ ມອບ​ທຶນການສຶກສາ​ໃຫ້​ນັກຮຽນຜູ້​ໂຊກ​ດີ​

ໂດຍ: Admin Mahason 14 ມັງກອນ 2019 (10.10 ນ.) Read : 386

     ພິທີ​ມອບ​ທຶນ​ການ​ສຶກສາ​ໃຫ້​ຜູ້​ໂຊກ​ດີ​ຈາກ​ໂຄງການ​ຊິງ​ໂຊກ​ຂອງບໍລິສັດ ຄອນເກດ ປາມໂອລີຟ ລາວ ຈໍາກັດ, ​ໄດ້​ຈັດ​ຂຶ້ນຢ່າງ​ສົມ​ກຽດ​ໃນ​​ວັນ​ທີ 8 ມັງກອນ​ນີ້, ຢູ່ສໍານັກງານບໍລິສັດ ອິນຟີນີຕີ ບ້ານ​ໂພນ​ປ່າ​ເປົ້າ ເມືອງສີ​ສັດຕະ​ນາກ ນະຄອນຫລວງວຽງຈັນ, ​ໂດຍການ​ເຂົ້າ​ຮ່ວມ​ຂອງ​ທ່ານ​ ພະນົມກອນ ລີສຸດທິນັນ ຜູ້ຈັດການຝ່າຍທຸລະກິດຂອງບໍລິສັດດັ່ງກ່າວ, ທ່ານນາງ ສີສຸກ ວົງວິຈິດ ຫົວໜ້າກົມສາມັນສຶກສາ ​ແລະ ທ່ານ ບຸນຍົງ ສີດາພອນ ຄະນະບໍດີ ຄະນະທັນຕະແພດສາດ ພ້ອມດ້ວຍຄູ​ອາ​ຈານ ​ແລະ ນ້ອງ​ນັກຮຽນ​ຜູ້​ໄດ້​ຮັບ​ລາງວັນເຂົ້າຮ່ວມຢ່າງ​ພ້ອມພຽງ.
     ຜູ້​ຈັດການ​ຝ່າຍ​ທຸລະ​ກິດ​ຂອງ​ບໍລິສັດ​ໃຫ້​ຮູ້ວ່າ: ​ໂຄງການ​ນີ້​ໄດ້​ເລີ່​ມຮັບ​ສະຫລາກ​ຊີງ​ໂຊກ​ດ້ວຍ​ກ່ອງ​ຜະລິດ​ຕະພັນ​ຢາຖູ​ແຂ້ວ​ຄອນ​ເກດ ມາ​ແຕ່​ວັນ​ທີ 1 ສິງຫາ 2018 ​ໃນ​ຂອບ​ເຂດ​ທົ່ວ​ປະ​ເທດ, ​ເພື່ອ​ເປັນ​ການ​ປະກອບສ່ວນ​ຊ່ວຍ​ເຫລືອ​ບັນດາ​ໂຮງຮຽນທີ່​ໄດ້​ຮັບ​ຜົນ​ກະທົບ​ຈາກ​ໄພ​ນໍ້າ​ຖ້ວມ​ໃນ​ລະດູຝົນ​ຜ່ານ​ມາ ​ແລະ ກະຕຸກ​ຊຸກຍູ້​ໃຫ້​ຜູ້​ທີ່​ດ້ອຍ​ໂອກາດ​ເຂດ​ຫ່າງ​ໄກ​ສອກຫລີກ​ໄດ້​ເຂົ້າ​ເຖິງ​ການ​ສຶກສາ​ຫລາຍ​ຂຶ້ນ. ​ເຊິ່ງຜູ້​ໂຊກ​ດີ​ໄດ້​ຮັບ​ທຶນ​ດັ່ງກ່າວ​ມີທັງໝົດ 33 ລາງ ວັນລວມມີມູນຄ່າ 138 ລ້ານກີບ. ​ໃນ​ນັ້ນ​ມີ​ຜູ້ໂຊກດີໄດ້ຮັບລາງວັນທີ 1 ມີ 3 ລາງວັນດ້ວຍທຶນການສຶກສາ 23 ລ້ານກີບ ແລະ ລາງວັນທີ 2 ມີ 30 ລາງວັນ, ລາງວັນລະ 2,3 ລ້ານກີບຄື: ລາງວັນ​ທີ 1 ມີ 3 ນ້ອງໄດ້ແກ່ 1). ບຸນຍຽນ ສີວົງສາ ​ໂຮງຮຽນປະຖົມສົມບູນ​ສອກ ​ແຂວງ​ອັດ​ຕະປື, 2). ນາງ​ເລ​ໄລ ​ໂຮງຮຽນປະຖົມ​ທ່າ​ນາກ ​ເມືອງ​ໄຊ​ທານີ ນະຄອນຫລວງ​ວຽງຈັນ​, 3). ທ້າວ​ສະຖາພອນ ຫລວງ​ໄຊ​ສອນ ​ໂຮງຮຽນຊົນ​ເຜົ່າ; ສ່ວນລາງວັນ​ທີ 2 ມີ 30 ນ້ອງ​ຄື: 1). ນາງ ​ປິ່ນ​ຄຳ ​ໂຮງຮຽນກຽງ​ເກືອຍ ​ເມືອງ​ຂວາ ​ແຂວງ​ຜົ້ງ​ສາລີ, 2). ນາງ ​ສາລີ ພົມ​ເຕດ ​ໂຮງຮຽນ ມ.ຕ ບຸນ​ເໜືອ ​ເມືອງ​ບຸນ​ເໜືອ ​ແຂວງ​ຜົ້ງ​ສາລີ, 3). ທ້າວ​ປີ​ເຕີ້ ​ແພງ​ພະຈັນ ມ.ຕ ນາ​ມົນ​ໂພນ​ແຍງ ​ເມືອງ​ເຟືອງ ​ແຂວງ​ວຽງຈັນ, 4). ນາງ​ ດາ​ຫວັນ ວັນ​ທະນຸ​ວົງ ບ້ານ​ບຸ່ງ​ພ້າວ ​ເມືອງ​ທຸລະຄົມ ​ແຂວງ​ວຽງຈັນ, 5). ທ້າວ​ ພອນ​ສະຫວັນ ພົມ​ຈະ​ເລີ​ນ ໂຮງຮຽນປະຖົມ​ພູ​ມ່ວງ ​ເມືອງ​ປາກ​ເຊ ​ແຂວງ​ຈຳປາ​ສັກ, 6). ນາງ​ ຕິກ​ຕາ ​ໂຮງຮຽນປະຖົມ​ເພ​ໄໝ, 7). ນາງ​ ວະ​ລິ​ດາ ​ໂຮງຮຽນປະຖົມ​ໂພນ​ງາມ ​ເມືອງ​ປາກ​ເຊ ​ແຂວງ​ຈຳປາ​ສັກ, 8). ນາງ​ ນໍ້າ​ຝົນ ​ໂຮງຮຽນປະຖົມ​ພູ​ມ່ວງ ເມືອງ​ປາກ​ເຊ ​ແຂວງ​ຈຳປາ​ສັກ, 9). ທ້າວ ​ທະວີ​ຊັບ ໂຮງຮຽນປະຖົມ​ໂພນ​ງາມ ​ເມືອງ​ປາກ​ເຊ ​ແຂວງ​ຈຳປາ​ສັກ, 10). ນາງ ​ສີ​ວິ​ວັນ ​ແສງ​ດາລາ ບ້ານ​ສີ​ສັງວອນ ​ເມືອງ​ໄຊ​ເສດ​ຖາ ນະຄອນຫລວງ​ວຽງຈັນ, 11). ທ້າວ ​ອິນ​ທະ​ວົງ ​ໂຮງຮຽນສ້າງ​ເຫວີຍ ​ເມືອງ​ສີ​ສັດຕະ​ນາກ ນະຄອນຫລວງ​ວຽງຈັນ, 12). ນາງ ​ຂວັນ​ໃຈ ​ເມືອງ​ປາກງື່ມ ​ແຂວງ​ວຽງຈັນ, 13). ທ້າວ ​ທະນຸ​ໄຊ ​ໂຮງຮຽນສີ​ບຸນ​ເຮືອງ ນະຄອນຫລວງ​ວຽງຈັນ, 14). ນາງ​ ແຄັດ​ຕີ້ ບ້ານ​ຖິ່ນ​ເພຍ ນະຄອນຫລວງ​ວຽງຈັນ, 15). ນາງ ​ບົວ​ວົງ ​ແຂວງ​ຫລວງ​ພະ​ບາງ, 16). ທ້າວ​ບຸນ​ມີ ​ເມືອງ​ນ້ຳ​ບາກ ​ແຂວງ​ຫລວງ​ພະ​ບາງ, 17). ທ້າວ​ ແຢຢາງ ປະຖົມ​ສົມບູນ​ຫົວ​ນາ ​ເມືອງ​ນໍ້າ​ບາກ ​ແຂວງ​ຫລວງ​ພະ​ບາງ, 18). ນາງ​ ເຈນ​ນີ້ ​ໂຮງຮຽນປະ​ຖົມ​ສົມ​ສະຫວາດ ​ເມືອງ​ເງິນ ​ແຂວງ​ໄຊ​ຍະ​ບູລີ, 19). ນາງ ໄນ້ ​ໂຮງຮຽນປະຖົມ​ເມືອງ​ວາ ​ແຂວງ​ໄຊ​ຍະ​ບູລີ, 20). ທ້າວ​ ແຮັບ​ປີ້ ​ໂຮງຮຽນນາ​ງົວ ​ແຂ​ວງ​ໄຊ​ຍະ​ບູລີ, 21). ທ້າວ​ ຕິ່ງ ​ໂຮງຮຽນປະຖົມ​ຫາດ​ຊາຍ​ຄຳ ​ເມືອງ​ປາກ​ກະດິງ ​ແຂ​ວງບໍລິ​ຄຳ​ໄຊ , 22).  ​ເຢັ້ງ​ຢູ່​ວ່າງ ໂຮງຮຽນນາ​ໂທ ​ເມືອງ​ທອງ ​ແຂວງ​ບໍລິ​ຄຳ​ໄຊ, 23).ທ້າວ​ ຄຳ​ສະຫວາດ ​ເມືອງໜອງ​ແຮດ ​ແຂວງ​ຊຽງຂວາງ, 24). ວິລາ​ພອນ ​ເມືອງ​ແປກ ​ແຂວງ​ຊຽງຂວາງ, 25). ນາງ ​ສຸລິ​ສາ ມ.ຕ ​ເມືອງ​ໄຊ ​ແຂວງ​ອຸດົມ​ໄຊ, 26). ບົວ​ເຂັມ​ ​ໂຮງຮຽນກິນນອນ​ຊົນ​ເຜົ່າ ​ເມືອງ​ຫ້ວຍ​ຊາຍ ​ແຂວງ​ບໍ່​ແກ້ວ, 27). ນາງ​ ສຸພາ​ພອນ​ ມ.ຕ ບາ​ເຊັງ ​ເມືອງ​ນະຄອນ​ໄກສອນ ​ແຂວງ​ສະຫວັນ​ນະ​ເຂດ, 28). ນາງ​ ວົງທະ​ສອນ ມ.ຕ ສະຫວັນ ​ເມືອງ​ໄກສອນ ​ແຂວງ​ນະຄອນ​ໄກສອນ29). ສຸດາ​ລັດ ມ.ປາ​ຍທ່າ​ແຂກ ​ແຂວງ​ຄຳ​ມ່ວນ, 30). ສຸລິນ ​ໂຮງຮຽນ​ໂນນ​ສະຫວ່າງ ​ເມືອງ​ບູນ​ເໜືອ ​ແຂວງ​ຜົ້ງ​ສາລີ.
     ທ່ານຜູ້ຈັດການໃຫ້ຮູ້ອີກວ່າ: ການຈັດຊິງໂຊກດັ່ງກ່າວ ປີນີ້ແມ່ນເປັນປີທີ 3 ແລ້ວ ທີ່ບໍລິສັດຄອນເກດ ປາມໂອລິຟເຄີຍຈັດມາ, ດ້ວຍກະຕິກກາງ່າຍໆ ພຽງແຕ່ນ້ອງນັກຮຽນປະຖົມສຶກສາຢູ່ໂຮງຮຽນຕ່າງໆໃນຂອບເຂດທົ່ວປະເທດສາມາດຂຽນຊື່ຕົນເອງ, ໂຮງຮຽນ, ບ້ານ, ເມືອງ, ແຂວງ, ນະຄອນຫລວງ ພ້ອມເບີໂທລະສັບເພື່ອຕິດຕໍ່ລົງໃສ່ກ່ອງຜະລິດຕະພັນຄອນເກດແລ້ວປ່ອນລົງໃສ່ກ່ອງຮັບຊິ້ນສ່ວນຊິງໂຊກຕາມໂຮງຮຽນຕ່າງໆທີ່ບໍລິສັດຕັ້ງໄວ້ກໍສາມາດຮັງຊິງໂຊກລາງວັນດັ່ງກ່າວໄດ້ເລີຍ.



ທີ່ມາ: ໜສພ ລາວພັດທະນາ
  • ແທັກທີ່ກ່ຽວຂ້ອງ