• 100 ລ້ານ ບຸບເຟ້ທະເລສົດ ຕອບໂຈດຄົນມັກກິນ

ໂດຍ: ສີເປື້ອນມື 26 ທັນວາ 2018 (10.43 ນ.) Read : 5,286

ການດໍາເນີນທຸລະກິດຖ້າເຮັດດ້ວຍຄວາມຕັ້ງໃຈກໍຈະປະສົບຜົນສໍາເລັດ ຄືກັນກັບໄວລຸ້ນໄຟແຮງທ່ານນີ້ທີ່ເປີດຮ້ານບຸບເຟ້ທະເລ ພຽງແຕ່ເວລາ 10 ເດືອນ ກໍສາມາດເປີດເພີ່ມອີກສາຂາ 1 ຖືວ່າເປັນການປະສົບຜົນສໍາເລັດໃນລະດັບໜຶ່ງ ທີ່ມີຄວາມກ້າວກະໂດດ ແລະຄວນນໍາເປັນແບບຢ່າງ.

ທ່ານ ນາງ ເມກຂະຫຼາ ພອນສະຫວັນ ອາຍຸ 26 ປີ ເຈົ້າຂອງຮ້ານ 100 ລ້ານ ບຸບເຟ້ທະເລສົດ ແລະຮ້ານຈັດໜັກບຸບເຟ້ທະເລສົດ ໄດ້ໃຫ້ສໍາພາດວ່າ: ກ່ອນໜ້ານີ້ ໄດ້ມີການເປີດຮ້ານ ຈັດໜັກບຸບເຟ້ທະເລສົດ ມາໄດ້ໄລຍະໜຶ່ງ ຖືວ່າໄດ້ຮັບກະແສຕອບຮັບເປັນຢ່າງດີຈາກລູກຄ້າ. ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງລູກຄ້າ ພວກເຮົາຈຶ່ງໄດ້ຂະຫຍາຍສາຂາເພີ່ມ ແລະເປີດຮ້ານໃນວັນທີ 20 ພະຈິກ 2018 ຢ່າງເປັນທາງການ. ຈຸດປະສົງເພື່ອຮອງຮັບລູກຄ້າໃຫ້ຫຼາຍຂຶ້ນ ໂດຍສະເພາະແມ່ນການຈັດງານລ້ຽງ, ຄອບຄົວ ຫຼືງານສັງສັນເປັນກຸ່ມໃຫຍ່ ເຊິ່ງສາມາດບັນຈຸຄົນໄດ້ເຖິງ 600-700 ຄົນຕໍ່ມື້.

ວັດຖຸດິບຫຼັກທີ່ນໍາເອົາມາຮ້ານແມ່ນວັດຖຸດິບຈາກພາຍໃນ ແລະສ່ວນໜຶ່ງແມ່ນນໍາເຂົ້າຈາກຕ່າງປະເທດ ເນື່ອງຈາກປະເທດເຮົາບໍ່ມີທະເລ. ພວກເຮົາໃສ່ໃຈເລື່ອງອາຫານເປັນພິເສດ ແລະຈະລົງອາຫານໃຫ້ລູກຄ້າຕະຫຼອດ ຕັ້ງແຕ່ເປີດຈົນເຖິງປິດຮ້ານ ຈຶ່ງເຮັດໃຫ້ໝົດກັງວົນເລື່ອງອາຫານຂາດໂຕະ.

ຮ້ານ 100 ລ້ານ ບຸບເຟ້ທະເລສົດ ຈະແຕກຕ່າງກັບຮ້ານຈັດໜັກ ບຸບເຟ້ທະເລສົດ ຄື: ຈະມີລາຍການອາຫານເພີ່ມຂຶ້ນ 7-8 ລາຍການ ບໍ່ວ່າຈະເປັນອາຫານທະເລ, ອາຫານຄາວ ແລະຂອງຫວານ ເພື່ອເຮັດໃຫ້ລູກຄ້າໄດ້ມີຕົວເລືອກ ແລະໄດ້ບໍລິໂພກຢ່າງຄຸ້ມຄ່າ. ລາຄາສໍາລັບຜູ້ໃຫຍ່ແມ່ນ 99.000 ກີບ/ຄົນ, ເດັກກາງ ສູງ 120-130 Cm ລາຄາ 59.000 ກີບ, ເດັກນ້ອຍ ສູງ 100-120 Cm ລາຄາ 39.000 ກີບ ແລະເດັກນ້ອຍທີ່ຕໍ່າກວ່າ 1 ແມັດ ກິນຟຣີ. ນອກນັ້ນ, ຍັງມີການຮັບຈັດງານລ້ຽງຂະໜາດໃຫຍ່ ເຊິ່ງລູກຄ້າສາມາດສັ່ງຈອງລ່ວງໜ້າ 3-7 ວັນ ເພື່ອທີ່ຈະໄດ້ທໍາການກະກຽມສະຖານທີ່ ແລະອາຫານໃຫ້ທ່ວງທັນ.

ໃນການເຮັດທຸລະກິດ ພວກເຮົາບໍ່ໄດ້ເຮັດແຂ່ງກັບໃຜ ແຕ່ເຮົາແຂ່ງກັບຕົວເອງ ຫາວິທີຈະເຮັດແນວໃດໃຫ້ລູກຄ້າທີ່ມາໃຊ້ບໍລິການແລ້ວເກີດຄວາມປະທັບໃຈ ແລະຢາກກັບມາຫາເຮົາອີກ. ຫົວໃຈຫຼັກຂອງການບໍລິການຄື: ອາຫານສົດໃໝ່, ສະອາດ, ພຽງພໍກັບຄວາມຕ້ອງການ ແລະລົດຊາດແຊບ.

ຮ້ານ 100 ລ້ານ ບຸບເຟ້ທະເລສົດ ເປີດບໍລິການທຸກວັນຕັ້ງແຕ່ 17:00-22:00 ໂມງ. ສະຖານທີຕັ້ງຢູ່ບ້ານ ໂພນທັນ ເມືອງ ໄຊເສດຖາ ນະຄອນຫຼວງວຽງຈັນ (ຂ້າງສູນການຄ້າໄອເຕັກມໍ). ເບີໂທລະສັບ 020 7797 9995.

ໂດຍ: ສີເປື້ອນມື




ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ