• ການແຂ່ງຂັນ Carlsberg Golf Classic 2018 ຄັ້ງທີ 2

ໂດຍ: ສີເປື້ອນມື 12 ພະຈິກ 2018 (14.21 ນ.) Read : 120

ໃນວັນທີ 10 ພະຈິກ 2018 ຜ່ານມາ ທາງບໍລິສັດ ເບຍລາວ ຈໍາກັດ ໂດຍຜະລິດຕະພັນຂອງເບຍຄລາສ໌ເບີກ ໄດ້ຈັດການແຂ່ງຂັນ Carlsberg Golf Classic 2018 ຄັ້ງທີ 2 ຂຶ້ນທີ່ສະໜາມກ໊ອບ ເລກວິວ (Lake View) ເຊິ່ງເປັນລາຍການແຂ່ງຂັນກີລາກ໊ອບທີ່ຍິ່ງໃຫຍ່ ແລະປະສົບຜົນສໍາເລັດຫຼາຍ ໃນປະເທດ ມາເລເຊຍ. ໃຫ້ກຽດເຂົ້າຮ່ວມໂດຍ: ທ່ານ ກິດສະໜາ ວົງໄຊ ປະທານສະພາ ຜູ້ບໍລິຫານ ບໍລິສັດ ເບຍລາວ ຈໍາກັດ, ທ່ານ ສູນທອນ ພົມມະຈັກ ປະທານ ບໍລິສັດ ເບຍລາວ ຈໍາກັດ ແລະທ່ານ ເຮັນຣິກ ແອນດິຊັ່ນ ຜູ້ອໍານວຍການ ບໍລິສັດ ເບຍລາວ ຈໍາກັດ ພ້ອມດ້ວຍຜູ້ເຂົ້າຮ່ວມແຂ່ງຂັນຢ່າງຫຼວງຫຼາຍ.

ການແຂ່ງຂັນ Carlsberg Golf Classic ໄດ້ຖືກຈັດຂຶ້ນຄັ້ງທໍາອິດ ໃນວັນທີ 07 ເມສາ 2018 ມີຜູ້ເຂົ້າຮ່ວມການແຂ່ງຂັນທັງໝົດ 100 ຄົນ. ມາຄັ້ງນີ້ທາງບໍລິສັດ ເບຍລາວ ຈໍາກັດ ຈຶ່ງໄດ້ສືບຕໍ່ຈັດກິດຈະກໍາດີດີແບບນີ້ຂຶ້ນ ເພື່ອສົ່ງເສີມ ແລະພັດທະນາດ້ານວົງການກີລາກ໊ອບໃຫ້ທຽບເທົ່າສາກົນ.

ຜົນການແຂ່ງຂັນກ໊ອບຄລາສ໌ເບີກ ຄຼາດສິກ ຄັ້ງທີ 2 ປະຈໍາປີ 2018 “Carlsberg Golf Classic 2018” ມີດັ່ງນີ້:

-    ລາງວັນຕີໃກ້ຂຸມ #4 ໄດ້ແກ່: ທ່ານ ໂອໄລ ດວງພະສຸກ (188 ຊມ).

-    ລາງວັນຕີໃກ້ຂຸມ #16 ໄດ້ແກ່: ທ່ານ ສາຄອນ ພົງພິລາ (120ຊມ).

-    ລາງວັນຕີໄກ #8 ໄດ້ແກ່: ທ່ານ Johnson Yeo.

# ລາງວັນມີແຮນດີແຄັບ (Handicap)

-    ລາງວັນຊະນະເລີດ ໄດ້ແກ່: ທ່ານ ລັດຕະນະວົງ ກິນດາວົງ (ຮດຄ: 5 ຄະແນນລວມ: -3).

-    ຮອງຊະນະເລີດອັນດັບ 1 ໄດ້ແກ່: ທ່ານ ທະນູສັກ ພົມມະຈັກ (ຮດຄ: 17 ຄະແນນລວມ: -2).

-    ຮອງຊະນະເລີດອັນດັບ 2 ໄດ້ແກ່: ທ່ານ ວຽງເພັດ ພັນທະວົງ (ຮດຄ: 18 ຄະແນນລວມ: -2).

# ລາງວັນບໍ່ມີແຮນດີແຄັບ (Gross).

-    ລາງວັນຊະນະເລີດ ໄດ້ແກ່: ທ່ານ ໄຊຍິ່ງ ຕົງເຢທໍ່ (ຄະແນນລວມ: -2).

-    ຮອງຊະນະເລີດອັນດັບ 1 ໄດ້ແກ່: ທ່ານ ສຸທາ ສີສາລາດ (ຄະແນນລວມ: -1).

-    ຮອງຊະນະເລີດອັນດັບ 2 ໄດ້ແກ່: ທ່ານ ຈັນປະສິດ ອຸນາພົມ (ຄະແນນລວມ: +2).

ນອກນັ້ນ, ຍັງມີການຈັບສະຫຼາກລາງວັນພິເສດ “Lucky Draw” ນັ້ນກໍຄື: ລາງວັນທ່ອງທ່ຽວທີ່ປະເທດ ດູໄບ ຈໍານວນ 2 ລາງວັນ ໄດ້ແກ່: ທ່ານ ສີພະໄທ ແພງພັນດີ ແລະທ່ານ ໄຊປັນຍາ ຫຼວງຫານ. ລາງວັນທ່ອງທ່ຽວທີ່ປະເທດ ສິງກະໂປ ໄດ້ແກ່: ທ່ານ ໄຊຍິ່ງ ຕົງເປທໍ່ ແລະລາງວັນ ລົດຖີບ Mercedes Bicycle ໄດ້ແກ່: ທ່ານ ສັນຕິ ພົນເມືອງລາວ. ລວມມູນຄ່າລາງວັນທັງໝົດ ຫຼາຍກວ່າ 300 ລ້ານກີບ.


ທີ່ມາ:
  • ຮູບພາບ