• Wow Charity Gala Dinner 2018 ລະດົມທຶນສ້າງໂຮງຮຽນໃຫ້ນ້ອງ

ໂດຍ: ສີເປື້ອນມື 23 ຕຸລາ 2018 (11.47 ນ.) Read : 690

ໃນວັນທີ 19 ຕຸລາ 2018 ຜ່ານມາ ທາງວາລະສານ WOW Magazine Society ໄດ້ຈັດ Wow Charity Gala Dinner 2018 ທີ່ຍິ່ງໃຫຍ່ທີ່ສຸດໃນລາວ ທີ່ຮ້ານອາຫານ ລາວເດີມ. ໃຫ້ກຽດເຂົ້າຮ່ວມງານໄດ້ແກ່: ທ່ານ ສຸວັດ ເທດສາລີ ປະທານກໍາມະການບໍລິຫານ ວາລະສານ WOW Magazine Society, ທ່ານ ສົມສະນຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ ລາວ, ທ່ານ ພູວົງ ພະມີສິດ ປະທານຮ້ານຄໍາພູວົງ, ບັນດາ 4 ນັກອອກແບບເສື້ອຜ້າຊື່ດັງ ເຊັ່ນ: ຄໍາເພົ້າ ສັ່ງໄດ້, ເມັນ ໂຟນເດີ, ເອກ ໂພໄຊ ແລະTaem By Tina ພ້ອມທັງບັນດານາຍແບບ-ນາງແບບ ຢ່າງຫຼວງຫຼາຍ.

ງານ Wow Charity Gala Dinner 2018 ເປັນຄັ້ງທໍາອິດທີ່ໄດ້ຮວບຮວມເອົາບັນດາບຸກຄົນສໍາຄັນລະດັບແຖວໜ້າຂອງທຸກວົງການຂອງລາວ ເພື່ອລະດົມທຶນສ້າງໂຮງຮຽນ ໂດຍມຸ່ງຫວັງຍົກລະດັບການສຶກສາໃຫ້ແກ່ເດັກນ້ອຍຜູ້ທີ່ດ້ອຍໂອກາດ ໃນຂົງເຂດຊົນນະບົດ ຢູ່ແຂວງ ໄຊຍະບູລີ ພາຍໃຕ້ໂຄງການ “wow ສື່ສານສ້າງໂຮງຮຽນເພື່ອນ້ອງ” ເພື່ອເປັນສື່ກາງເຊື່ອມຕໍ່ບຸກຄົນທີ່ມີສັກກະຍະພາບ ແລະພະລັງໃນການຊ່ວຍເຫຼືອສັງຄົມ ໃນການສ້າງໂຮງຮຽນໃຫ້ເດັກທີ່ທຸກຍາກ ແລະດ້ອຍໂອກາດທາງດ້ານການສຶກສາໃນລາວ. ນອກນັ້ນ, ພາຍໃນງານ ຍັງມີບັນດານາຍແບບ-ນາງແບບ ຈາກພາຍໃນ ແລະຕ່າງປະເທດ ຮ່ວມສະແດງການເດີນແບບ ເພື່ອປະມູນເສື້ອຜ້າ ແລະເຄື່ອງຂອງຕ່າງໆ.

ລາຍໄດ້ທັງໝົດຈາກການປະມູນ ແມ່ນຈະນໍາໄປສົມທົບທຶນສ້າງໂຮງຮຽນລະດັບຊັ້ນອະນຸບານ-ປະຖົມ ເຊິ່ງມີຈໍານວນ 7 ຫ້ອງຮຽນ, ຫ້ອງມີຂະໜາດ 6x8 ແມັດ ແລະຫ້ອງນໍ້າ ຈໍານວນ 3 ຫ້ອງ ທີ່ບ້່ານ ປ່າໄລ່ ເມືອງ ປາກລາຍ ແຂວງ ໄຊຍະບູລີ.


ທີ່ມາ:

  • ຮູບພາບ

  • ຂ່າວທີ່ກ່ຽວຂ້ອງ

ເອັສຊີຈີ ມອບທຶນການສຶກສາໃຫ້ນ້ອງໆ “SCG Sharing the Dream”
ລະບົບການສຶກສາ ບັນຫາທີ່ຄວນສຸມໃສ່ເພື່ອສ້າງຄົນ
ຊຳຊຸງ ມອບອຸປະກອນການຮຽນ ໃຫ້ໂຮງຮຽນປະຖົມສົມບູນ ໜອງເຂັງ
ປູກຜັກ ກິດຈະກຳທີ່ຫຼາຍໂຮງຮຽນຄວນເອົາເປັນແບບຢ່າງ
ເມືອງໂພນທອງຈັດພິທີເປີການແຂ່ງຂັນກິລາຫຼາຍປະເພດໄວ້ຂໍ່ານັບຮັບຕ້ອນວັນຊາດ ວັນທີ 2 ທັນວາ ຄົບຮອບ 42 ປີ
ນັກມວຍ UFC ສັນຊາດ ອາເມຣິກັນ ເຊື້ອຊາດ ລາວ ຊະນະນັອກຄູ່ຕໍ່ສູ້ ຢ່າງພາກພູມໃຈ