• Apple ເປີດໂຕໄອໂຟນລຸ້ນໃໝ່ພ້ອມກັນ 3 ລຸ້ນ ໃນປີ 2018

ໂດຍ: ແມວດຳ 13 ກັນຍາ 2018 (12.01 ນ.) Read : 1,020

ເມື່ອເວົ້າເຖິງໂທລະສັບ ບໍ່ມີໃຜທີ່ບໍ່ຮູ້ຈັກ iphone ແລະໃນວັນທີ 12 ກັນຍາ 2018 ນີ້ ບໍລິສັດ Apple ກໍໄດ້ມີການເປີດໂຕໂທລະສັບ iphone ລຸ້ນໃຫມ່ຫຼ້າສຸດ 3 ລຸ້ນຄື: iphone Xs, iphone Xs Max ແລະ iphone Xr. ເຊິ່ງທັງ 3 ລຸ້ນມີຈຸດເດັ່ນກວ່າ iphone ລຸ້ນກ່ອນທີ່ຜ່ານມາຫຼາຍຢ່າງບໍ່ວ່າຈະເປັນ:

- ທັງ 3 ລຸ້ນມີ Face ID ຫຼືລະບົບຢືນຢັນຕົວຕົນດ້ວຍໃບໜ້າເຮັດວຽກໄດ້ໄວຂຶ້ນ ແລະມີຄວາມປອດໄພທີ່ສຸດເທົ່າທີ່ເຄີຍມີໃນສະມາດໂຟນ.

- iphone Xs ມີຈໍພາບ LCD 5,8 ນິ້ວ; iphone Xs Max 6,5 ນິ້ວ ແລະ iphone Xr 6.1 ນິ້ວ, ນອກຈາກນີ້ ທັງ 3 ລຸ້ນຍັງສາມາດຮອງຮັບ HDR10, 3D Touch, Tap to wake.

- ມີ IP68 ກັນນ້ຳໄດ້ດີຂຶ້ນ.

- ມີຊິບ A12 ມີປະສິດທິພາບເລື່ອງກຣາຟຟິກໄວ້ຂຶ້ນສູງສຸດ 50%, ການປະມວນຜົນການເຮັດວຽກຂອງໂທລະສັບໄວຂຶ້ນສູງສຸດ 15%, ໃຊ້ພະລັງງານໜ້ອຍປະຢັດແບັດເຕີລີ 50%, Neural Engine ແບບ 8 core ແລະມີການຮັບສັນຍານພາບໄດ້ດີຂຶ້ນ.

- ທັງ 3 ລຸ້ນ ເປັນໂທລະສັບທີ່ໃຊ້ຊິມຄູ່ ຖືເປັນຄັ້ງທຳອິດຂອງ iphone.

- ລະບົບກ້ອງຄູ່ຄວາມລະອຽດ 12 MP

- ມາພ້ອມກັບ LTE ລະດັບ Gigabit ທີ່ດາວໂຫຼດໄດ້ໄວຂຶ້ນ.

- ມີຄວາມຈຳເຄື່ອງຕັ້ງແຕ່ 64GB, 256GB ແລະສູງສຸດ 512GB.

ສ່ວນລາຄາເປີດໂຕທັງ 3 ລຸ້ນແມ່ນ:

iphone Xs: 64GB ລາຄາ $999; 256GB ລາຄາ $1149; 512GB ລາຄາ $1349

iphone Xs Max: 64GB ລາຄາ $1099; 256GB ລາຄາ $1249; 512GB ລາຄາ $1449

iphone Xr: 64GB ລາຄາ $749; 256GB ລາຄາ $799; 512GB ລາຄາ $899

ພ້ອມດຽວກັນນີ້ iphone Xs ແລະ iphone Xs Max ມີໃຫ້ເລືອກທັງໝົດ 3 ສີໄດ້ແກ່: ສີດຳເທົາ, ສີປອນເງິນ ແລະສີທອງ, ສ່ວນ iphone Xr ມີໃຫ້ເລືອກທັງໝົດ 6 ສີ ໄດ້ແກ່: ສີດຳ, ຂາວ, ແດງ, ເຫຼືອງ, ສົ້ມ ແລະສີຟ້າ.



ທີ່ມາ: IPhonemod.net
  • ຮູບພາບ

  • ແທັກທີ່ກ່ຽວຂ້ອງ