• Huaweii ກຽມເປີດຕົວ P20 lite, P20 , P20 Pro ໃນວັນທີ 27 ມີນານີ້.

ໂດຍ: 21 ມີນາ 2018 (07.49 ນ.) Read : 874

ໃນວັນທິ 27 ມີນາ Huawei ກຽມເປີດຕົວ P20, P20 Lite ແລະ P20 Pro ຢ່າງເປັນທາງ ໂດຍ ໂທລະສັບນີ້ຈະເປັນມືຖືເຮືອທຸງ ຂອງຄ້າຍທີ່ຈະມາພ້ອມນິມິດໝາຍໃໝ່ດ້ວຍກ້ອງຫຼັງ 3 ຕົວທີ່ໄຊ້ເລນຂອງ Leica ເຊິ່ງລາຍໄດ້ລະບຸວ່າເປັນກ້ອງຄວາມລະອຽດລະດັບ 40MP, 20MP (Monochrome) ແລະ 8MP (Telephoto) ໂດຍມາພ້ອມຄວາມສາມາດໃນການຖ່າຍຊູມແບບ 5X ເມື່ອໃຊ້ປະສິດທິພາບຂອງເຊັນເຊີ່ 40MP ແລະ 8Mp ຮ່ວມກັນ ເຊິ່ງ Huawei ຈະຕັ້ງຊື່ໃຫມ່ນີ້ວ່າ “ Hyper Zoom” ສ່ວນຮູຮັບແສງນັ້ນຈະມີຂະໜາດແຕ່ f/1.6 ໄປຈົນເຖິງ f/2.4 ໃນຂະນະທີ່ກ້ອງໜ້ານັ້ນຈະມາພ້ອມຄວາມລະອຽດທີ່ໜ້າສົນໃຈ ແລະຖືວ່າສູງຫຼາຍທີ່ 24MP
Huawei P20 Pro ຈະມາພ້ອມໜ້າຈໍຂະໜາດ 6,1 ນິ້ວ ແບບ AMOLED ທີ່ມີຄວາມລະອຽດໜ້າຈໍຢູ່ທີ່ 1080 x 2240 pixel ໂດຍມີອັດຕາສ່ວນຢູ່ທີ່ 19:9 ແລະມີຮອຍບາກໜ້າເຄື່ອງຕາມສະໃໝນິຍົມ ສ່ວນເຊັນເຊີ້ສະແກນລາຍນິ້ວມືນັ້ນຈະຖືກຈັດວາງໄວ້ທາງດ້ານລຸ່ມຈໍພາບນັ້ນເອງ.
ໜ່ວຍປະມວນຜົນທີ່ໃຊ້ນັ້ນຈະເປັນ Kirin 970 ທີ່ມີ NPU ໃນໜ່ວຍປະມວນຜົນແລ້ວເພື່ອວຽກ AI ຕ່າງໆ ໃນຂະນະທີ່ Ram ຈະຢູ່ທີ່ 6GB ແລະໜ່ວຍຄວາມຈຳຫຼັກຢູ່ທີ່ 128GB ນັ້ນເອງ ແລະໃນບາງຕະຫຼາດຈະມີການຂາຍລຸ້ນໜ່ວຍຄວາມຈຳຫຼັກ 256GB ທາງດ້ານແບັດເຕີລີ ຈະມາພ້ອມຄວາມຈຸ 4,000 mah ເພື່ອການໃຊ້ວຽກຢ່າງຕໍ່ເນື່ອງໝົດມື້ ແລະ Function ໃນການສາກແບບ SuperCharge ຂອງ Huawei ເຊິ່ງມາພ້ອມກັບການກັນນ້ຳກັນຝຸ່ນມາດຕະຖານ IP67
P20 Pro ຈະມີຄວາມໜາຂອງເຄື່ອງຢູ່ທີ່ 7,65 ມມ ແລະໜັກ 174 ກຣາມ ຮອງຮັບການໃຊ້ວຽກແບບ Bluetooth 4.2, NFC ແລະ 28 LTE Band ໂດຍຄາດວ່າຈະມີລາຄາເປີດໂຕໃນເອີລົບທີ່ €899 ຫຼືປະມານ 8.750.000 ກີບ



ສະເປັກອື່ນໆມີດັ່ງນິ້:

ກ້ອງໜ້າຄວາມລະອຽດ 24 ລ້ານພິກເຊວ

ໜ້າຈໍ Amoled ແບບ FullView Display 2.0 ຂະໜາດ 6.1 ນິ້ວ ອັດຕາສ່ວນ 19:9 ຄວາມລະອຽດ Full HD+

CPU: Hisilicon Kirin 970

RAM: 6GB

ROM: 128GB ແລະ 256 GB (ມີຂາຍບາງປະເທດ)

ບໍ່ຮອງຮັບ: Micro SD Card

ຮອງຮັບການກັນນ້ຳກັນຝຸ່ນມາດຕະຖານ IP67 





ທີ່ມາ:
  • ແທັກທີ່ກ່ຽວຂ້ອງ