• Jaguar ໄດ້ເປີດຕົວ I-PACE ລົດເອສຢູວີພະລັງງານໄຟຟ້າຮຸ່ນທຳອິດ ຂັບໄດ້ໄກເຖິງ 475 ກມ.

ໂດຍ: 02 ມີນາ 2018 (10.07 ນ.) Read : 698

            Jaguar ເປີດຕົວ I-PACE ທີ່ບໍ່ພຽງເປັນລົດພະລັງງານໄຟຟ້າຮຸ່ນທຳອິດຂອງແບລນເທົ່ານັ້ນ ແຕ່ຍັງມາພ້ອມເຕັກໂນໂລຊີປັນຍາປະດິດທີ່ທັນສະໃໝ,ຊຸດແບັດລີທຽມ-ໄອ໋ອ້ອນໃຊ້ຂະໜາດ 90 ກິໂລວັດຊົ່ວໂມງ ມີເຊວທັງໝົດ 432 ເຊວໂດຍສາມາດຂີ່ໄດ້ໃກເຖິງ 475 ກມ. ເຈົ້າຂອງລົດຍັງສາມາດສາກແບດໃຫ້ໄດ້ໄດ້ 80% ພາຍໃນເວລາພຽງ 85 ນາທີດ້ວຍລະບົບສາກໄຟແບບດ່ວນ 50 ກິໂລວັດ ໃນຂະນະທີ່ລະບົບສາກໄຟ 100 ກິໂລວັດຈະຫຼຸດໄລຍະເວລາສາກພຽງ 40 ນາທີ່ເທົ່ານັ້ນ.

ທ່ານ ອຽນໂຮແບນ ຜູ້ບໍລິຫານລະດັບສູງຂອງ Jaguar ກ່າວວ່າ “ເຮົາໄດ້ພັດທະນາເຕັກໂນໂລຊີແບັດ ແລະລະບົບວິສະວະກຳຂອງລົດຂຶ້ນມາໃໝ່ທັງໝົດເພື່ອເພີ່ມປະສິດທິພາບໃນການຂັບຂີ່ ຄວາມລູ່ລົມຕາມຫຼັກອາກາດກົນລະສາດ ແລະພື້ນທີ່ໃນຫ້ອງໂດຍສານທີ່ກ້ວາງຂວາງ I-PACE ເປັນລົດ Jaguar ຢ່າງແທ້ຈິງທີ່ໃຫ້ຄວາມສຳຄັນກັບຜູ້ຂັບຂີ່ທີ່ມັກຮັກລົດໄຟຟ້າ ປ້ຳນ້ຳມັນເປັນເລື່ອງຂອງອະດີດ ແຕ່ການສາກດ້ວຍໄຟຟ້າຄືສິ່ງທີ່ເຮົາຈະໃຊ້ງານ”

ສຳລັບລູກຄ້າທີ່ຕ້ອງການສາກໄຟບ້ານທົ່ວໄປ (7 ກິໂລວັດ) ຈະຕ້ອງໃຊ້ເວລາປະມານ 7 ຊົ່ວໂມງ ຫຼືສາກໄວ້ຂ້າມຄືນສຳລັບການຂັບໄປເຮັດວຽກໃນຕອນເຊົ້າ.

 

I-PACE ມາພ້ອມມໍເຕີໄຟຟ້າສອງຕົວທີ່ຕິດຕັ້ງຢູ່ໃນເພົາລໍ້ໜ້າ ແລະຫຼັງ ສາມາດສ້າງແຮງມ້າໄດ້ເຖິງ 400 ແຮງມ້າ, ດ້ວຍແຮງບິດ 696 ນິວຕັນແມັດ, ດ້ວຍລະບົບຂັບເຄື່ອນ 4 ລໍ້ ໃນອັດຕາເລັ່ງ 0-100(Km/h) ພາຍໃນເວລາ 4,5 ວິນາທີ ການກະຈາຍແຮງບິດໜ້າຫຼັງຂອງຕົວລົດຢູ່ທີ 50:50 ເຊິ່ງ ຜູ້ຜະລິດແບັດເຕີລີ່ລະບຸວ່າເກີດຈາກຕຳແໜ່ງການຕິດຕັ້ງທີ່ເໝາະສົມ ຈຶ່ງມີຄວາມສະດວກສະບາຍ ແລະຍິດເກາະຖະໜົນໄດ້ເປັນຢ່າງດີ.

ຮູບລັກພາຍນອກຂອງ I-PACE ມີຄວາມສວຍງາມຕາມ Style ລົດ Couple ເຊິ່ງຖືກຖ່າຍທອດມາຈາກລົດຊຸບເປີຄາຊີ-ເອັກ 75. ນັກອອກແບບຂອງ Jaguar ເນັ້ນສ້າງຄວາມສົມດຸນລະຫວ່າງຄວາມລູ່ລົມ ແລະຄວາມຄ່ອງຕົວ ກະຈັງໜ້າລົດມີຟັງຊັ່ນ Active Vanes  ເຊິ່ງສາມາດເປີດ ແລະປິດຄີບກະຈັງໄດ້ເພື່ອຮັບລົມ.



ໂຕຖັງລົດມີຄວາມຍາວ 4,682 ມມ ແລະຖານລໍ້ 2,990 ມມ. ເຊິ່ງຍາມກວ່າ E-Pace ພໍສົມຄວນຈົນເກືອບຈະມີຄວາມຍາມເຖິງຮຸ່ນໃຫຍ່ຄື: F-Pace
ພາຍໃນຫ້ອງໂດຍສານເນັ້ນຄວາມຮຽບຫຼູ ມີຄວາມກ້ວາງຂວາງໃນລະດັບ Mid-size ເນື້ອທີ່ຈັດເກັບເຄື່ອງສາມາດຈຸໄດ້ເຖິງ 656 ລິດ ແລະເພີ່ມເປັນ 4,453 ລິດໄດ້ເມື່ອພັບເບາະລົງ ພວງມາໄລເປັນແບບສາມກ້ານ ການຕັດຍິບດ້ວຍດ້າຍສີຕ່າງກັນ ແລະມີວັດສະດຸເມທັດລິກໃຫ້ບັນຍາກາດທັງຄວາມຫຼູຫຼາ ແລະທັນສະໃໝ. ເທິງແຜງຄວບຄຸມຄອນໂຊມີໜ້າສະແດງຜົນອິນໂຟເທັນເມັ່ນແບບ  Touch Pro Duo ຂະໜາດ 10 ນິ້ວ. ຕ່ຳລົງມາເປັນໜ້າຈໍ Display ຂະໜາດ 5,5 ນິ້ວເຊິ່ງສະແດງການເຮັດວຽກຂອງລະບົບປັບອາກາດ ສ່ວນມາດວັດກໍເປັນແບບ Digital ແບບດຽວກັບ I-PACE ມາພ້ອມຟັງຊັ່ນແບບຮຽນຮູ້ພຶດຕິກຳຜູ້ຂັບຂີ່ ແລະ Software ແບບອັບເດດອັດຕະໂນມັດຮຸ່ນທຳອິດຂອງ Jaguar

ລາຄາວາງຈຳໜ່ວຍຂອງ 2019 Jaguar I-PACE ເປີດໂຕມາທີ່ 63,495 ປອນ ໃນປະເທດອັງກິດ.




ທີ່ມາ:
  • ແທັກທີ່ກ່ຽວຂ້ອງ