• ອາຫານ 5 ຢ່າງ ຜູ້ຊາຍຍິ່ງກິນ ຍິ່ງໜຸ່ມ

ໂດຍ: ແມວດຳ 08 ກຸມພາ 2018 (09.06 ນ.) Read : 1,126

ເພດຊາຍເປັນເພດທີ່ໃຊ້ພະລັງການສູງຈຶ່ງຄວນໄດ້ຮັບສານອາຫານທີ່ມີປະໂຫຍດພຽງພໍເພື່ອທົດແທນພະລັງງານທີ່ເສຍໄປ ແລະອາຫານທັງ 5 ຊະນິດຕໍ່ໄປນີ້ຈະຊ່ວຍຄືນຄວາມໜຸ່ມໃຫ້ກັບທ່ານຊາຍ.

1.ອາຫານທີ່ມີສ່ວນປະກອບຂອງ Zinc (ທາດສັງກະສີ), ເຊິ່ງຜູ້ຊາຍເປັນເພດທີ່ສູນເສຍປະລິມານສັງກະສີໄດ້ງ່າຍ ແລະຖ້າສູນເສຍໃນປະລິມານຫຼາຍຈະສົ່ງຜົນໃຫ້ຄວາມຕ້ອງການທາງເພດຫຼຸດລົງ, ມີໂອກາດເປັນໝັນ, ປະສິດທິພາບໃນການຮັບຮູ້ລົດຊາດ, ການດົມກິ່ນຫຼຸດລົງ. ດັ່ງນັ້ນ ທ່ານຊາຍທັງຫຼາຍຄວນບໍລິໂພກອາຫານທີ່ມີສ່ວນປະກອບຂອງທາດສັງກະສີເຊັ່ນ: ເປັນ ຫອຍນາງລົມ, ຖົ່ວ,​ ທັນຍາພືດ ແລະຊີ້ນສັດເປັນຕົ້ນ.

2.ກ້ວຍໃຫ້ພະລັງງານທີ່ເປັນນ້ຳຕານທຳມະຊາດ ແລະຄາໂບໄຮເດດ, ໄຟເບີ, ມີວິຕາມິນບີ 6, ແມັກການິຊຽມ ແລະໂພແທສຊຽມ, ຊ່ວຍປ້ອງກັນພະຍາດຄວາມດັນ, ກ້ວຍໜ່ວຍໜຶ່ງສາມາດໃຫ້ພະລັງງານໄດ້ 100 ກິໂລແຄລໍລີ ເຊິ່ງເປັນປະລິມານພະລັງງານທີ່ເໝາະສົມສຳລັບຮ່າງກາຍຂອງຜູ້ຊາຍ.

3.ອາຫານທີ່ມີວິຕາມິນ A, C, E ໄດ້ແກ່: ປາ, ໄຂ່, ເຄື່ອງໃນສັດ, ໝາກກ້ຽງ, ສີດາ, ໝາກໄມ້ລົດສົ້ມຕ່າງໆ. ວິຕາມິນເຫຼົ່ານີ້ຈະຊ່ວຍບຳລຸງຜິວສໍາລັບຄົນທີ່ມີຜິວໝອງຄໍ້າ, ມີບັນຫາສິວ, ຮອຍດຳ, ເຊິ່ງຜິວພັນກໍເປັນສິ່ງໜຶ່ງທີ່ຜູ້ຊາຍບໍ່ຄວນເບິ່ງຂ້າມ.

4.ພືດຕະກູນຖົ່ວບໍ່ວ່າຈະເປັນ ນົມຖົ່ວເຫຼືອງ, ເມັດອາວມອນ, ຖົ່ວດິນ ທີ່ເປັນຍ້ອນແຫຼ່ງລວມມີວິຕາມິນ B3 ແລະB6 ທີ່ຊ່ວຍແກ້ໄຂບັນຫາຜົມຫຼົ່ນທີ່ໂຈມຕີບັນດາຜູ້ຊາຍໄວກາງຄົນ, ມັນຈະຊ່ວຍບຳລຸງເສັ້ນຜົມຂອງທ່ານຊາຍໃຫ້ແຂງແຮງ, ດົກດຳ. ນອກຈາກນີ້ ຄວນຫຼີກລ່ຽງອາຫານທີ່ປຸງແຕ່ງດ້ວຍແປ້ງນົວໃນປະລິມານຫຼາຍເພາະຈະເຮັດໃຫ້ຮ່າງກາຍດູດຊຶມວິຕາມິນບີໄດ້ຊ້າລົງ.

5.ນ້ຳເຜິ້ງເປັນສຸດຍອດອາຫານ ແລະຢາອາຍຸວັດທະນະ, ທີ່ເປັນສານໃຫ້ຄວາມຫວານແທນນ້ຳຕານ, ໜຸ່ມໆຄວນກິນບໍລິໂພກນ້ຳເຜິ້ງມື້ລະ 4 ບ່ວງນ້ອຍຈະເຮັດໃຫ້ຮ່າງກາຍແຂງແຮງ. ເຊິ່ງນໍ້າເຜິ້ງປະກອບມີວິຕາມິນ ແລະທາດ ໂບຣອນ ທີ່ຊ່ວຍເພີ່ມຮໍໂມນເພດຊາຍໃຫ້ສູງຂຶ້ນ, ພ້ອມທັງມີ Nitric Oxide ທີ່ຊ່ວຍການໝູນວຽນຂອງເລືອດບໍ່ເຮັດໃຫ້ອຸດຕັນ, ຫຼຸດຄວາມສ່ຽງຂອງພະຍາດຄວາມດັນເລືອດສູງ, ພະຍາດຫົວໃຈ.




ທີ່ມາ:
  • ຮູບພາບ