• ອາເມລິກາເລັ່ງພັດທະນາອາວຸດຊະນິດໃຫ່ມທີ່ສະກັດອາວຸດນິວເຄຣຍເກົາຫລີເໜືອໄດ້

ໂດຍ: 11 ທັນວາ 2017 (03.45 ນ.) Read : 687

ກອງທັບອາກາດອາເມລິກາເລັ່ງພັດທະນາອາວຸດຊະນິດໃຫ່ມທີ່ສະກັດອາວຸດນິວເຄຣຍເກົາຫລີເໜືອໄດ້ ທ່ານ ເຈມ ຟີຊເຊີ ໂຄສົກຫ້ອງປະຕິບັດວິໄຈ ກອງທັບອາກາດ ອາເມລິກາ ທີ່ຖານທັບອາກາດເຄິດແລນ ເປີດເຜີຍວ່າເຈົ້າຫນ້າທີ່ລັດທະບານອາເມລິກາກຳລັງຕອບສະໜອງຕໍ່ໄພຄຸກຄາມຈາກອາວຸດນິວເຄຣຍເກົາຫລີເໜືອດ້ວຍການເລັ່ງພັດທະນາອາວຸດທີ່ຊົງປະສິດທິພາບ ທີ່ຫ້ອງປະຕິບັດການລັບທາງທະຫານໃນລັດ ນິວເມັກຊິໂກ ທາງໃຕ້ຂອງອາເມລິກາ ອາວຸດຊະນິດນີ້ມີຊື່ວ່າ Counter-electronics High Power Microwave Advanced Missile Project ຫລືໂຄງການຂີປະນາວຸດກ້າວໜ້າຄື່ນໄມໂຄຣເວຟກຳລັງສູງຕໍ່ຕ້ານອິເລັກໂທຣນິກ ຫລື ແຊມ(CHAMP).

ທ່ານ ຟີຊເຊີ ອະທິບາຍວ່າ ຂີປະນາວຸດແຊມຈະຖືກຕິດຕັ້ງໄວ້ທີ່ຂີປະນາວຸດຣ່ອນ ຊຶ່ງຈະບິນເຂົ້າໄປໃນເຂດນ່ານຟ້າຂອງປະເທດສັດຕູທີ່ລະດັບຄວາມສູງຕ່ຳ ກ່ອນຈະຍິງພະລັງງານແມ່ເຫລັກໄຟຟ້າທີ່ມີແຮງສັ່ນສະເທືອນເຂົ້າໄປຍັງລະບົບຄວບຄຸມອີເລັກໂທຣນິກ ເຮັດໃຫ້ເກີດຄວາມເສຍຫາຍຈົນໃຊ້ງານບໍ່ໄດ້

ຢ່າງໃດກໍ່ຕາມກອງທັບອາກາດອາເມລິກາ ລະບຸວ່າ ບໍ່ໄດ້ພັດທະນາຂີປະນາວຸດແຊມເພື່ອເປົ້າຫມາຍປ້ອງກັນໄພຄຸກຄາມຈາກເກົາຫລີເໜືອໂດຍສະເພາະ ແຕ່ໜ່ວຍສືບລາຊະການລັບຂອງກອງທັບອາກາດ ລະບຸວ່າການເຮັດວຽກຂອງຂີປະນາວຸດແຊມ ສາມາດຕ້ານໄພຄຸກຄາມຈາກຂີປະນາວຸດເກົາຫລີເໜືອໄດ້

ທີ່ມາ:
  • ແທັກທີ່ກ່ຽວຂ້ອງ