• ອາຊຽນ-ຍີ່ປຸ່ນ ຮ່ວມແກ້ໄຂບັນຫາຂີ້ເຫຍື້ອຢູ່ມະຫາສະຫມຸດ

ໂດຍ: ສີເປື້ອນມື 17 ມີນາ 2021 (13.15 ນ.) Read : 2,430

ຕາມ​ຂ່າວ​ຈາກ​ ຫວຽດນາມ,ວັນ​ທີ16ມີນາ​ນີ້,ການສ້າງ “ຖະແຫລງການຮ່ວມ ຂອງບັນດາ ການນຳ ອະນາຄົດ ກ່ຽວກັບ ການຮ່ວມມື ອາຊຽນ - ຍີ່ປຸ່ນ ຕໍ່ບັນຫາ ຂີ້ເຫຍື້ອ ປະ​ເພດ​ຢາງ ​ຢູ່ມະຫາສະມຸດ” ແມ່ນໂຄງການ ໄດ້ຮັບການໜູນ ຊ່ວຍຈາກ AJC ເພື່ອແນໃສ່ຊຸກຍູ້ ການຮ່ວມມື ລະຫວ່າງ ອາຊຽນ ແລະ ຍີ່ປຸ່ນ ໃນການ ແກ້ໄຂ ຂີ້ເຫຍື້ອ ດັ່ງກ່າວ​ ໂດຍ​ມີ ນັກສຶກສາຂອງຍີ່ປຸ່ນ ແລະ 10 ປະເທດສະມາຊິກ ອາຊຽນ​ ເຂົ້າຮ່ວມ.
ບັນດາປັນຍາຊົນໜຸ່ມ ອາຊຽນ ແລະ ຍີ່ປຸ່ນ ໄດ້ຍົກອອກມາ 13 ຂໍ້ສະເໜີ ໃຫ້ແກ່ບັນດາ ຝ່າຍ ທີ່ກ່ຽວຂ້ອງ, ລວມມີ ພາກລັດ, ເອກະຊົນ, ວົງການ ນັກຮຽນຮູ້ ແລະ ປະຊາຊົນ ເພື່ອແກ້ໄຂ ບັນຫານີ້. ໃນນັ້ນ, ບັນດາຂໍ້ສະເໜີ ທີ່ເປັນໜ້າສົນໃຈ ລວມມີ: ຍູ້ແຮງການເຄື່ອນໄຫວ ຄົ້ນຄ້ວາ ແລະ ພັດທະນາ (R&D) ໃນຂົງເຂດ ວັດສະດຸ ແລະ ຜະລິດຕະພັນ ຈາກປະ​ເພດ​ຢາງ ທີ່ສາມາດ ເປື່ອຍລະລາຍ ທາງຊີວະ ວິທະຍາ, ຊຸກຍູ້ ການຮ່ວມມື ຄົ້ນຄ້ວາ ແລະ ຖ່າຍທອດ ຄວາມຮູ້ກ່ຽວກັບ ຂີ້ເຫຍື້ອ ປະ​ເພດ​ຢາງ, ເພີ່ມທະວີ ການປ່ຽນແປງໃໝ່ ເຕັກໂນໂລຢີ, ສົ່ງເສີມການເຂົ້າຮ່ວມ ຂອງບັນດາ ອຳນາດ ການປົກຄອງ ແລະ ປະຊາຊົນ ທ້ອງ ຖິ່ນ, ສຶກສາ ແລະ ຍົກສູງສະຕິ ຄວາມຮັບຮູ້ ຢູ່ບັນດາ ປະເທດ ສະມາຊິກ ອາຊຽນ ແລະ ຍີ່ປຸ່ນ ​ໃຫ້​ກວ້າງຂວາງ​ ຍິ່ງ​ຂຶ້ນ.
ຮຽບຮຽງ​ຂ່າວ​ໂດຍ: ສະ​ໄຫວ

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ