• ຟີລິບປິນ ຕັ້ງເປົ້າຊື້ຢາ​ປ້ອງ​ກັນໂຄວິດ-19 ຈຳນວນ148 ລ້ານຫລອດ

ໂດຍ: ສີເປື້ອນມື 07 ມັງກອນ 2021 (16.58 ນ.) Read : 1,088

ຕາມ​ຂ່າວ ມາ​ນິລາ,​ເມື່ອ​ບໍ່​ດົນ​ມາ​ນີ້ ຟີ​ລິບ​ປິບ ພວມ​ເຈລະຈາ​ ກັບ​ຜູ້​ຜະລິດ​ ຢາ​ປ້ອງ​ກັນ​ໂຄ​ວິດ-19(ວັກ​ຊິນ)ຈຳນວນ 7 ລາຍ ​ເພື່ອ​ຈັດ​ຫາ ​ຊື້​ວັກ​ຊິນ ປ້ອງ​ກັນພະຍາດ ​ໂຄ​ວິດ-19 ​ໃຫ້​ໄດ້​ຢ່າງ​ໜ້ອຍ 148 ລ້ານ​ຫລອດ ​ເພື່ອ​ນຳ​ມາ ​ສັກ​ໃຫ້​ແກ່​ ປະຊາຊົນ​ ປະມານ  2 ​ໃນ 3 ຂອງ​ປະຊາກອນ ​ທັງ​ໝົດພາຍ​ໃນ ​ປີນີ້. ຂະນະ​ນີ້ ຟີ​ລິບ​ປິນ ພວມ​ເລັ່ງບັນລຸ​ ຂໍ້​ຕົກລົງ ຊື້​ວັກ​ຊິນ ​ປ້ອງ​ກັນ ພະຍາດ​ ໂຄ​ວິດ-19 ຈາກ​ໂນ​ວາ​ແວກ​ຊ ​ໂມ​ເດີຣນາ ​ໄຟ​ເຊີຣ, ຈອນ​ສັນ​ ແອນ​ຈອນ​ສັນ, ບໍລິສັດ​ ຜູ້​ຜະລິດ ​ວັກ​ຊິນ​ຂອງ ສ.ອາ​ເມ​ລິ​ກາ, ​ແອ​ສຕຣາ​ເຊ​ນ​ເນ​ກາ, ບໍລິສັດ ອຸປະກອນ ​ການ​ແພດ​ຂອງ ອັງກິດ, ຊີ​ໂນ​ແວກ​ ໄບ​ໂອ​ເທດ ບໍລິສັດ​ຢາ​ຂອງ ຈີນ ​ແລະ ສະ​ຖາ​ບັນ​ ກາມາ​ເລ​ຢາ​ຂອງ ຣັດ​ເຊຍ ​ໃນ​ເດືອນ​ນີ້ ​​ເພື່ອ​ນຳ​ມາ​ສັກ​ວັກ​ຊິນ ​ໃຫ້​ແກ່​ເຈົ້າ​ໜ້າ​ທີ່ ສາທາລະນະ​ສຸກ, ຜູ້​ສູງ​ອາຍຸ, ທະຫານ, ຕຳຫລວດ, ຄູ ​ແລະ ​ເຈົ້າ​ໜ້າ​ທີ່ ​ລັດຖະບານ ​ເປັນອັນ​ດັບ​ ທຳ​ອິດ, ຊຶ່ງ​ຄາດ​ວ່າ ຈະ​ສັກ​ໄດ້ ​ໄວ​ທີ່​ສຸດ​ໃນ​ໄລຍະ ​ໄຕ​ມາດ 3 ຂອງ​ປີ​ນີ້. ປັດຈຸບັນ ຟີ​ລິບ​ປິນ ພົບ​ຜູ້​ຕິດ​ເຊື້ອ​ ລາຍ​ໃໝ່ ​ເພີ່ມ​ຂື້ນ 932 ຄົນ ​ແລະ ​ເສຍ​ຊີວິດ 58 ຄົນ ​ເຮັດ​ໃຫ້​ຍອດ ​ຜູ້​ຕິດ​ເຊື້ອ ​ສະ​ສົມ​ 480.000 ກວ່າຄົນ ​ແລະ ຜູ້​ເສຍ​ຊີວິດ​ 9.300 ກວ່າຄົນ ຊຶ່ງ​ເປັນ​ສະຖິຕິ ​ຜູ້​ຕິດ​ເຊື້ອ​ ສະ​ສົມ ​ແລະ ​ເສຍ​ຊີວິດ​ສູງ ​ເປັນອັນ​ດັບ 2 ​ໃນ​ພາກ​ພື້ນ ​ອາຊີ​ຕາ​ ເວັນ​ອອກ ສຽງ​ໃຕ້ ຖັດຈາກ ອິນ​ໂດ​ເນ​ເຊຍ.

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ