• ຊວນຊິມຊີ້ນດາດຖາດໃຫຍ່ ໄດ້ທີ່ຮ້ານອາຫານ YE551

ໂດຍ: ສີເປື້ອນມື 29 ທັນວາ 2020 (16.48 ນ.) Read : 2,345

ພາຍຫັງທີ່ພະຍາດໂຄວິດ-19 ໄດ້ເບົາບາງລົງໄປຈາກປະເທດເຮົາແລ້ວ ຮ້ານອາຫານຫຼາຍແຫ່ງກໍໄດ້ເລີ່ມເປີດຢ່າງເປັນປົກກະຕິ ເຊັ່ນດຽວກັນກັບຮ້ານ YE551 ເປັນຮ້ານອາຫານທີ່ຄົນລາວ ແລະ ຄົນເກົາຫລີ ຮ່ວມມືກັນກໍ່ຕັ້ງຂຶ້ນ ກໍໄດ້ເລີ່ມເປີດໃຫ້ບໍລິການລູກຄ້າມາແລ້ວໃນໄລຍະໜຶ່ງ ຊຶ່ງເລີ່ມເປີດຢ່າງເປັງການມາຕັ້ງແຕ່ຕົ້ນປີ 2020 ເປັນຕົ້ນມາ ແລະ ທີ່ສຳຄັນສະຖານທີ່ແມ່ນຢູ່ໃນຕົວເມືອງ ຕັ້ງຢູ່ບ້ານດົງປາແຫຼບ ເມືອງຈັນທະບູລີ ຈຸດເດັ່ນແມ່ນໃກ້ກັບໄຟແດງດົງປາແຫຼບ.
ທ່ານ ແສງເພັດ ສິລິມະໂນທຳ ເຈົ້າຂອງຮຸ້ນສ່ວນຮ້ານອາຫານ YE551 ໄດ້ແນວຄວາມຄິດ ແລະ ແຮງບັນດານໃຈທີ່ຕົນເອງກໍ່ມັກທຸລະກິດດ້ານຮ້ານອາຫານບວກກັບຕົນເອງເປັນນັກອອກແບບເຄຫາສະຖານມາກ່ອນ ທີ່ມີຄວາມສຳນານດ້ານນີ້ຢູ່ແລ້ວ ແລະ ຮ້ານທີ່ສ້າງຂຶ້ນແມ່ນອອກມາຈາກແນວຄວາມຄິດຂອງຕົນທີ່ອອກແບບທີ່ບໍ່ຄືໃຜ ພາຍໃນຮ້ານແມ່ນກວ້າງຂວາງເຂົ້າໄປແລ້ວຈະເຫັນໄດ້ວ່າໂລ່ງຕາ ບັນຍາກາດສະບາຍໆມີອາຫານຫຼາກຫຼາຍໂດຍສະເພາະອາຫານຫຼັກຂອງຮ້ານກໍ່ແມ່ນຊີ້ນດາດເປັນຊຸດຖາດໃຫຍ່, ນ້ອຍ ແລ້ວແຕ່ລູກຄ້າຈະສັ່ງ ນອກນັ້ນຍັງມີອາຫານຕາມສັ່ງ ອາຫານເກົາຫລີ ແຊບໆໄວ້ຄ່ອຍບໍລິການລູກຄ້າທີ່ເຂົ້າມາ ມີເຄື່ອງດື່ມ ໃຫ້ເລືອກຕາມໃຈ ພາຍໃນຮ້ານຍັງຮັບຈັດງານລ້ຽງ ງານດອງ ງານສ້າງຊັນຕ່າງໆ ໂດຍສະເພາະແມ່ນເນັ້ນອາຫານລາວໆ.
ທ່ານຍັງກ່າວຕື່ມອີກວ່າ: ຮ້ານອາຫານເຮົາແມ່ນມີຈຸດເດັ່ນທີ່ມີສາມຊັ້ນໃຫ້ເລືອກ ແຕ່ໃນປະຈຸບັນນີ້ແມ່ນທາງຮ້ານໄດ້ເປີດທົດລອງຊັ້ນທີ 1 ກ່ອນ ກະຖືໄດ້ວ່າຜົນຕອບຮັບດີພໍສົມຄວນ
ບຸບເຟ້ຊີ້ນດາດຂອງຮ້ານ ມີເອກະລັກສະເພາະ, ອາຫານສົດໃໝ່ ແລະ ຄຸນນະພາບເຊື່ອຖືໄດ້ ເພາະເປັນວັດຖຸດິບທີ່ທາງຮ້ານເຮົາທີ່ຄັດສັນຄຸນນະພາບມາເປັນຢ່າງດີ. ໃນຊຸດຊີ້ນດາດຈະປະກອບມີ ຊີ້ນໝູສາມຊັ້ນ, ຊີ້ນສັນຄໍ, ຊີ້ຂາລາຍ, ສາມສິບກີບ (ຫຍໍ່), ປາດໍລີ່, ກຸ້ງ, ຜັກ, ໄຂ່ ແລະ ເສັ້ນລ້ອນ.
ລາຄາແມ່ນພຽງແຕ່ 99.000 ກີບຕໍ່ໍຊຸດ ແລະ ເປັນຈານ 39.000 ກິບເທົ່ານັ້ນ ແລະ ຈຸດເດັນຂອງຮ້ານຄື: ການບໍລິການເປັນກັນເອງ, ນ້ຳແຈ່ວສຸກີ້ແຊບ ສູດສະເພາະຂອງທາງຮ້ານເອງ, ຊີ້ນໝູສົດໃໝ່ ແລະ ຜັກກໍ່ສົດໃໝ່ສະອາດທຸກໆມື້ ນອກຈາກຊີ້ນດາດແລ້ວ ທາງຮ້ານຍັງມີອາຫານທີ່ແນະນຳຄື ປານິນລາດຊອດ, ແຫລມໂບ້ເສືອຮ້ອງໃຫ້ ແລະ ອາຫານອື່ນໆຕາມສັ່ງອີກດ້ວຍ ແລະ ເດັ່ນສຸດແມ່ນຫ້ອງຄົວແຕ່ງກິນແມ່ນເປີດໂຊໃຫ້ລູກຄ້າເບິ່ງເລີຍວ່າການແຕ່ງກິນບັນຍາກາດຮ້ານໃຫ້ເຫັນນຳກັນເລີຍ.
ສຳລັບໃຜທີ່ຕ້ອງການຢາກໄປທົດລອງຊິມອາຫານຢູ່ຮ້ານກໍສາມາດໄປໄດ້ເຊິ່ງເພີ່ນຈະເປີດໃຫ້ບໍລິການຕັ້ງແຕ່ຕອນສວຍຂອງທຸກໆມື້. ຢ່າຟ້າວເຊື່ອເມື່ອຍັງບໍ່ທັນໄດ້ລອງ ແນະນຳຢາກໃຫ້ໄປລອງດ້ວຍຕົນເອງເສຍກ່ອນ ແລ້ວຈະຮູ້ວ່າຊີ້ນດາດຮ້ານເພີ່ນແຊບອີຫຼີ.
ສະຖານທີ່ຕັ້ງຢູ່ບ້ານດົງປາແຫຼບ ເມືອງຈັນທະບູລີ ນະຄອນຫຼວງວຽງຈັນ ເບີໂທ: 020 92920000, 99577008 ຫລື ທ່ານຈະເຂົ້າໄປເບິ່ງທີ່ເພສເຟສບຸກ ຊື່ວ່າ: YE551.

ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ