• ເມືອງມະຫາໄຊ ເປີດປະຕູນໍ້ານາແຊງ ປ່ອງທີ 2 ຈຸດນໍ້າພີດ

ໂດຍ: ສີເປື້ອນມື 17 ທັນວາ 2020 (14.20 ນ.) Read : 3,484

ແຫລ່ງຂ່າວຈາກແຂວງຄຳມ່ວນ ໃຫ້ຮູ້ວ່າ: ເມື່ອບໍ່ດົນມານີ້, ເມືອງມະຫາໄຊ ແລະ ບໍລິສັດໄຟຟ້ານໍ້າເທີນ 2 ຈຳກັດ ເຊິ່ງເປັນຜູ້ສະໜັບສະໜູນໂຄງການກໍ່ສ້າງປະຕູນໍ້ານາແຊງ ປ່ອງທີ 2 ຈຸດນໍ້າພີດ ໄດ້ຈັດພິທີທົດສອບ ແລະ ເປີດປະຕູນໍ້ານາແຊງ ປ່ອງທີ 2 ໂດຍມີ ທ່ານ ແສງຈັນ ຊາມົນຕີ ຮອງເຈົ້າເມືອງມະຫາໄຊ, ມີຜູ້ຕ່າງໜ້າບໍລີສັດໄຟຟ້ານໍ້າເທີນ 2 ຈໍາກັດ ພ້ອມດ້ວຍທີມງານ, ມີຫົວໜ້າພະແນກກະສິກຳ ແລະ ປ່າໄມ້ແຂວງ, ພໍ່ແມ່ປະຊາຊົນ ແລະ ພາກສ່ວນກ່ຽວຂ້ອງ ເຂົ້າຮ່ວມ ແລະ ເປີດປ້າຍໂຄງການກໍ່ສ້າງຫົວງານປະຕູນໍ້າຊົນລະປະທານປ່ອງທີ 2 ຈຸດນໍ້າພີດ. ຈາກນັ້ນ, ກໍໄດ້ລົງຕິດຕາມຈຸດເປົ້າໜາຍໃນຕໍ່ໜ້າ ຢູ່ຫົວງານປະຕູນໍ້າອອກ ຊົນລະປະທານທີ 5 ແລະ ລົງຕິດຕາມ ຈຸດເປົ້າໜາຍ ການຂຸດຄອງຊົນລະປະທານ ເພື່ອເກັບນໍ້າໄວ້ໃນລະດູແລ້ງ ຈຸດເກັບນໍ້າທີ 3 ຫ້ວຍປາຄູນ ເພື່ອເຮັດໃຫ້ພໍ່ແມ່ປະຊາຊົນທຳການຜະລິດປູກເຂົ້ານາແຊງ ແລະ ນາປີ ມີຄວາມສະດວກສະບາຍໃນຕໍ່ໜ້າ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ