• ອິອອນ ກະຕຸ້ນລູກຄ້າໃຊ້ບັດສະມາຊິກເພື່ອເປັນສ່ວນຫຼຸດໃນສິນຄ້າ

ໂດຍ: ສີເປື້ອນມື 16 ທັນວາ 2020 (11.00 ນ.) Read : 3,699

ປະຈຸບັນ ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈຳກັດ ( AEON Leasing Service (Lao) Company Limited ) ມີລູກຄ້າທີ່ມີບັດສະມາຊິກອິອອນປະມານ 30,000 ບັດ ເຊິ່ງບັດສະມາຊິກນີ້ນອກຈາກຈະມີໄວ້ຜ່ອນສິນຄ້າຕ່າງໆແລ້ວຍັງສາມາດ ທີ່ຈະນຳມາໃຊ້ເພື່ອເປັນສ່ວນຫຼຸດໃນສິນຄ້າ ແລະ ບໍລິການຕ່າງໆອີກຫຼາກຫຼາຍ.

     ທ່ານນາງ ສຸພັດຕຣາ ຣັກຂຸມແກ້ວ ກຳມະການບໍລິຫານ ສົ່ງເສີມທຸລະກິດ ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈຳກັດ ໄດ້ກ່າວວ່າທາງພວກເຮົາໄດ້ມີສິດທິພິເສດໃຫ້ກັບລູກຄ້າທີ່ມີບັດສະມາຊິກຂອງເຮົາຢ່າງຕໍ່ເນື່ອງຊຶ່ງໃນປະຈຸບັນນີ້ເຮົາມີຮ້ານຄ້າ ແລະ ບໍລິການຕ່າງໆທີ່ເຂົ້າຮ່ວມໂຄງການເພື່ອມອບສ່ວນຫຼຸດໃຫ້ແກ່ຜູ້ທີ່ໃຊ້ບັດສະມາຊິກອິອອນເຊັ່ນ: ຮ້ານອາຫານ, ຮ້ານກາເຟ, ຮ້ານເສີມສວຍ, ຮ້ານຂາຍແກັສ, ຮ້ານຂາຍເຄື່ອງນອນ ປະມານ 100 ຮ້ານຄ້າທີ່ເຂົ້າຮ່ວມຊຶ່ງວິທີການໃຊ້ບັດກໍ່ງ່າຍໆພຽງແຕ່ລູກຄ້ານຳບັດມາສະແດງໃຫ້ກັບຮ້ານຄ້າທີ່ເຂົ້າຮ່ວມລາຍການທ່ານກໍ່ຈະໄດ້ສ່ວນຫຼຸດທັນທີ ພ້ອມກັນນັ້ນ      ທ່ານນາງ ສຸພັດຕຣາ ຣັກຂຸມແກ້ວ ໄດ້ກ່າວອີກວ່າພຽງແຕ່ທ່ານຖືບັດຕິດໂຕ ແລະ ກໍ່ບໍ່ລືມທີ່ຈະໃຊ້ກໍ່ຈະໄດ້ຮັບສິດທິພິເສດທຸກການໃຊ້ຈ່າຍ ບັດນີ້ເປັນບັດສ່ວນຫຼຸດຂອງຄົນມີເຄຣດິດ.

     ນອກຈາກນີ້ທາງ ບໍລິສັດ ອິອອນ ບໍລິການເຊົ່າສິນເຊື່ອ (ລາວ) ຈຳກັດ ໄດ້ວາງແຜນການໃນປີ 2021 ຈະມີການເພີ້ມຮ້ານຄ້າທີ່ເຂົ້າຮ່ວມລາຍການເພື່ອຈະເຮັດໃຫ້ລູກຄ້າສາມາດໄດ້ໃຊ້ສ່ວນຫຼຸດໃນສິນຄ້າ ແລະ ບໍລິການທີ່ຫຼາກຫຼາຍ.

ບໍລິສັດ ອິ​ອອນ ​ບໍ​ລິ​ການ​ເຊົ່າ​ສິນ​ເຊື່ອ (ລາວ) ຈຳ​ກັດ (Aeon Leasing Service (Lao) Company Limited ) ໄດ້ຮັບ​ອະ​ນຸຍາດຈົດທະບຽນໃນ​ປະ​ເທດ​ລາວ ແລະ ເລີ່ມ​ທຸ​ລະ​ກິດຕັ້ງ​ແຕ່ວັນທີ 18 ຕຸລາ 2013 ລົງ​ທຶນໂດຍ ບໍລິສັດ ອິອອນ ທະນະສິນຊັບ (ປະ​ເທດໄທ) ຈໍາກັດ (ມະຫາຊົນ) ແລະ ກຸ່ມບໍ​ລິ​ສັດ​ໃນເຄືອ​​ອິ​ອອນ.

ບໍ​ລິ​ສັດ ອິ​ອອນ ບໍ​ລິ​ການ​ເຊົ່າ​ສິນ​ເຊື່ອ (ລາວ) ຈຳ​ກັດ ດຳ​ເນີນ​ທຸ​ລະ​ກິດ​ ໂດຍ​ການ​ໃຫ້​ບໍ​ລິ​ການ ​ທາງ​ການ​ເງິນສິນ​ເຊື່ອ​ລາຍ​ຍ່ອຍ​ແກ່​ລູກ​ຄ້າ ປະ​ຊາ​ຊົນ​ຜູ້​ທີ່​ຕ້ອງ​ການ​ໃຊ້​ບໍ​ລິ​ການສິິນ​ເຊື່ອ​ໃນ​ການ​ຜ່ອນ​ສິນ​ຄ້າ ຈາກ​ກຸ່ມ​ຮ້ານ​ຄ້າ​ຕົວ​ແທນ​ຫຼາຍ​ປະ​ເພດເຊັ່ນ: ກຸ່ມ​ສິນ​ຄ້າ ​ເຄື່ອງ​ໃຊ້​ໄຟ​ຟ້າ, ຄອມ​ພິວ​ເຕີ, ໂນ້ດ​ບຸກ, ​ໂທ​ລະ​ສັບ​ມື​ຖື, ເຄື່ອງ​ໃຊ້​ສຳ​ນັກ​ງານ, ເຟີ​ນິ​ເຈີ, ລົດຖີບ, ລົດ​ຈັກ, ລົດໃຫຍ່ ແລະ ຄຳ. ລວມ​ເຖິງ​ບໍ​ລິ​ການ​ສິນ​ເຊື່ອ​ສິນ​ຄ້າ​ປະ​ເພດ​ໃໝ່​ທີ່​ຈະ​ຂະ​ຫຍາຍ​ເພີ່ມ​ໃນ​ອະ​ນາ​ຄົດ ປະ​ຈຸ​ບັນ​ພວກເຮົາ​ມີ​ຮ້ານ​ຄ້າ​ ແລະ ຄູ່​ຮ່ວມທາງ​ທຸ​ລະ​ກິດ​ຫຼາຍກວ່າ 300 ຮ້ານ​ຄ້າ ແລະ ຈຳນວນລູກ​ຄ້າແມ່ນນັບມື້ນັບເພີ່ມຂື້ນ​ເລື້ອຍໆ. ສຳລັບ​ສຳ​ນັກ​ງານ​ໃຫຍ່ ​ຕັ້ງ​ຢູ່​​ທີ່ອາ​ຄານໃນ​ໂຄງ​ການ​ສະ​ກາຍ​ຊິດ​ຕີ້ ບ້ານ​ສີ​ບຸນ​ເຮືອງ ເມືອງ​ຈັນ​ທະ​ບູ​ລີ ນະຄອນຫຼວງວຽງຈັນ ແລະ ຍັງມີ​ໜ່ວຍ​ບໍ​ລິ​ການ​ຢູ່​ທີ່​ຊັ້ນ 2 ໂຊນ​ຮ້ານ​ຄຳ ຕະ​ຫຼາດ​ເຊົ້າ​ມໍ. ອິ​ອອນລາວ​ໃຫ້​ບໍ​ລິ​ການ​ສິນ​ເຊື່ອ​ໃນ​ພື້ນ​ທີ່​ເຂດ​ນະ​ຄອນ​ຫຼວງວຽງຈັນ, ແຂວງວຽງ​ຈັນ ແລະ ພື້ນ​ທີ່​ເຂດ​ປາກ​ເຊ ແລະ ຍັງ​ມີ​ແຜນ​ຂະ​ຫຍາຍ​ຕົວ​ຢ່າງ​ຕໍ່​ເນື່ອງໃນອາ​ນາ​ຄົດ​ອັນ​ໃກ້​ນີ້. ສາມາດຕິດຕໍ່ພວກເຮົາ ສາຍດ່ວນ 1433; Facebook AEON Lao ຫຼື ເວບໄຊ http://www.aeonlao.com/

ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ