• ທ່ານຄິດວ່າແນວໃດ? ອັດຕະປື ເກັບລາຍຮັບບໍ່ໄດ້ຕາມແຜນການເກືອບເຖິງ 50%

ໂດຍ: Admin Mahason 14 ພະຈິກ 2017 (11.33 ນ.) Read : 533

     ທ່ານ ຄໍາເຜີຍ ໂສມຖາວອນ, ຫົວໜ້າພະແນກສ່ວຍສາອາກອນແຂວງອັດຕະປືໄດ້ລາຍງານໃຫ້ຮູ້ວ່າ: ຕະຫຼອດໄລຍະ 10 ເດືອນ ປີ 2017 ນີ້ ພະແນກສ່ວຍສາອາກອນເກັບລາຍຮັບເຂົ້າງົບປະມານໄດ້ພຽງແຕ່ 52 ຕື້ກ່ວາກີບເທົ່ານັ້ນ. ໃນນີ້, ໄດ້ຈາກພາສີທີ່ດິນ 1ຕື້ 200 ລ້ານກີບ ການຈັດເກັບລາຍຮັບເຂົ້າງົບປະມານຂອງພະແນກສ່ວຍສາອາກອນຢູ່ແຂວງອັດຕະປື ບໍ່ໄດ້ຕາມແຜນການເກືອບ 50% ກໍ່ເນື່ອງຈາກວ່າ: ບັນດາຫົວໜ່ວຍທຸລະກິດຜູ້ປະກອບການ, ການລົງທຶນມີໜ້ອຍ, ການຢຸດ ແລະ ສະກັດກັ້ນ ການຂຸດຄົ້ນຊັບພະຍາກອນທໍາມະຊາດ. 

     ທ່ານຫົວໜ້າພະແນກສ່ວຍສາອາກອນ ໄດ້ເວົ້າຕື່ມອີກວ່າ: ເຖິງແມ່ນວ່າການຈັດເກັບລາຍຮັບຈາກສ່ວຍສາອາກອນບໍ່ໄດ້ຕາມແຜນ, ແຕ່ຍັງອີກ 2 ເດືອນທ້າຍປີ2017 ຈະສູ້ຊົນຂຸດຄົ້ນທຸກທ່າແຮງບົ່ມຊ້ອນ ແລະ ຄວາມຄາດຄະເນຈະຈັດເກັບລາຍຮັບໃຫ້ ໄດ້ຕື່ມອີກ 8 ຕື້ 800 ລ້ານ ພ້ອມທັງສືບຕໍ່ຄຸ້ມຄອງລາຍຮັບຕາມຖານທີ່ມີແລ້ວໃຫ້ຄົບຖ້ວນ ຮັບປະກັນໃຫ້ທຸກຫົວໜ່ວຍທຸລະກິດ ຕ້ອງແຈ້ງການເສຍອາກອນຢ່າງເປັນປົກກະຕິ.

ທີ່ມາ: ນສພ ເສດຖະກິດ-ການຄ້າ