• ປະຊາຊົນ 6 ເມືອງຢູ່ແຂວງສະຫວັນນະເຂດ ໄດ້ຮັບເຄື່ອງຊ່ວຍເຫລືອ

ໂດຍ: ສີເປື້ອນມື 14 ທັນວາ 2020 (14.48 ນ.) Read : 3,864

ໃນລະຫວ່າງວັນທີ 8-14 ທັນວາ 2020 ນີ້, ອົງການກາແດງລາວ ນຳໂດຍທ່ານ ທອງພະຈັນ ສອນນະສິນ ຮອງປະທານອົງການກາແດງລາວ ໄດ້ມອບເຄື່ອງຊ່ວຍເຫລືອ ບັນເທົາທຸກໃຫ້ແກ່ປະຊາຊົນ ທີ່ໄດ້ຮັບຜົນກະທົບຈາກໄພນໍ້າຖ້ວມ ໃນທ້າຍເດືອນຕຸລາ ຜ່ານມາ ຈຳນວນ 13 ບ້ານ ໃນ 6 ເມືອງຄື: ເມືອງນອງ, ເມືອງພິນ, ເມືອງເຊໂປນ, ສອງຄອນ, ຊົນນະບູລີ ແລະ ເມືອງຈຳພອນແຂວງສະຫວັນນະເຂດ ໂດຍມີປະຊາຊົນທີ່ໄດ້ຮັບຜົນກະທົບ 1.913 ຄອບຄົວ, ພົນລະເມືອງ 9.710 ຄົນ, ຍິງ 4.860 ຄົນ ທີ່ນໍ້າໄຫລຖ້ວມເນື້ອທີ່ທຳການຜະລິດ ແລະ ທີ່ຢູ່ອາໄສ ຢ່າງໜັກໜ່ວງ.
ເຄື່ອງທີ່ນຳມາຊ່ວຍເຫລືອຄັ້ງນີ້, ປະກອບມີ: ເຂົ້າສານ, ນໍ້າດື່ມ, ປ໋ອງປາ, ໝີ່, ເຄື່ອງສຸຂະອະນາໄມ ແລະ ອື່ນໆ ລວມມູນຄ່າການຊ່ວຍເຫລືອທັງໝົດ 400 ກວ່າລ້ານກີບ ໂດຍໄດ້ຮັບການສະໜັບສະໜູນຈາກສະຫະພັນກາແດງ ແລະ ຊີກວົງເດືອນແດງສາກົນ.
ໂອກາດດັ່ງກ່າວ, ທ່ານຮອງປະທານອົງການກາແດງລາວ ກໍໄດ້ໃຫ້ກໍາລັງໃຈພໍ່ແມ່ປະຊາຊົນຜູ້ທີ່ໄດ້ຮັບຜົນກະທົບ ຈົ່ງຜ່ານຜ່າວິກິດນໍ້າຖ້ວມໃນຄັ້ງນີ້ ແລະ ຕັ້ງໜ້າສ້າງສາພັດທະນາຊີວິດການເປັນຢູ່ໃຫ້ດີຂຶ້ນກວ່າເກົ່າ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ