• ອາຊຽນ ຮ່ວມມືປ້ອງກັນຕ້ານອາຊະຍາກຳຂ້າມຊາດ

ໂດຍ: ສີເປື້ອນມື 26 ພະຈິກ 2020 (16.34 ນ.) Read : 702

ຕາມ​ຂ່າວ​ຈາກ​ ຫວຽດນາມ, ກອງ​ປະຊຸມ ລັດຖະມົນຕີ ອາຊຽນ ກ່ຽວກັບ ການປ້ອງກັນຕ້ານອາດຊະຍາກຳ ຂ້າມຊາດ ຄັ້ງທີ 14 ຈັດ​ຂຶ້ນ  ລະຫວ່າງ ວັນທີ 25 – 26 ພະຈິກ ຕາມຮູບການ ທາງອອນລາຍ ພາຍ​ໃຕ້​ຫົວ​ຂໍ້ ອາຊຽນ ສະໜິດຕິດພັນ ແລະ ເປັນເຈົ້າການຮັບມື ກັບການປ້ອງກັນຕ້ານອາດຊະຍາກຳ ຂ້າມຊາດ.ກອງ​ປະຊຸມ​ຄັ້ງນີ້ ລັດຖະມົນຕີ ຮັບຜິດຊອບ ກ່ຽວກັບ ການປ້ອງກັນຕ້ານອາດຊະຍາກຳ ຂ້າມຊາດ ຂອງບັນດາປະເທດ ອາຊຽນ ໄດ້ເຫັນດີເປັນເອກະພາບ ຕໍ່ບັນດາມາດຕະການ ເພື່ອຊຸກຍູ້ ບັນດາ ເປົ້າໝາຍ ທີ່ໄດ້ວາງອອກໃນ ແຜນການດຳເນີນງານ ອາຊຽນ ກ່ຽວກັບການປ້ອງກັນຕ້ານອາດຊະຍາກຳ ຂ້າມຊາດ ໄລຍະ 2016–2025; ພ້ອມທັງ ຮັບຮູ້ ແລະ ຮັບຮອງ ເອົາ ບັນດາ ເອກະສານ ກ່ຽວກັບຂໍ້ລິເລີ່ມແນວຄວາມຄິດ ຂອງບັນດາປະເທດ ສະມາຊິກ ໃນກົນໄກການປ້ອງກັນຕ້ານອາດຊະຍາກຳ ຂ້າມຊາດ.ນອກ​ນີ້ ຍັງແນໃສ່ ປະຕິບັດພັນທະ ແລະ ຄວາມຮັບຜິດຊອບຂອງ ຫວຽດນາມ ໃນ ອາຊຽນປະກອບສ່ວນເຂົ້າ ໃນຜົນສຳເລັດລວມ ຂອງປີປະທານ ໝູນວຽນ ອາຊຽນ 2020 ຂອງ ຫວຽດນາມຢັ້ງຢືນບົດບາດຄວາມຮັບຜິດຊອບສາກົນຄຳໝັ້ນສັນຍາ ດ້ານການເມືອງ ຢ່າງແຮງ ແລະ ການເປັນເຈົ້າການຕັ້ງໜ້າຂອງ ຫວຽດນາມ ໃນການຮ່ວມມື ກັບສາກົນ ກ່ຽວກັບ ການປ້ອງກັນຕ້ານ ອາດຊະຍາກຳ ຂ້າມຊາດ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ