• ເມືອງໄຊຍະບູລີ ປັບປຸງເສັ້ນທາງ ເຂົ້າຫາແຫລ່ງທ່ອງທ່ຽວ

ໂດຍ: ສີເປື້ອນມື 26 ພະຈິກ 2020 (16.26 ນ.) Read : 2,102

ຄະນະນຳ ເມືອງໄຊຍະບູລີ ແຂວງໄຊຍະບູລີ ໄດ້ອະນຸຍາດໃຫ້ບໍລິສັດ ໄຊຊະນະກໍ່ສ້າງຂົວທາງ ຈຳກັດ(ຜູ້ຮັບເໝົາ) ດຳເນີນໂຄງການກໍ່ສ້າງສ້ອມແປງເສັ້ນທາງປູຢາງ 2 ຊັ້ນ ເຂົ້າຫາແຫລ່ງທ່ອງທ່ຽວບ້ານຖ້ຳລອດ ມີຄວາມຍາວ 6.543 ແມັດ, ໜ້າທາງກວ້າງ 5 ແມັດ ລວມມູນຄ່າການກໍ່ສ້າງ 5,2 ຕື້ກີບ ໂດຍນຳໃຊ້ແຫລ່ງທືນບ້ວງກອງທຶນກະຊວງໂຍທາທິການ ແລະ ຂົນສົ່ງ ມອບໃຫ້ແຂວງໃນແຕ່ລະປີ.ເລີ່ມແຕ່ສົກ 2020 ເປັນຕົ້ນໄປ ຜູ້ຮັບເໝົາຕ້ອງປະຕິບັດໜ້າວຽກທັງໝົດຂອງໂຄງການ ໃຫ້ສຳເລັດ 100% ພາຍໃນ 24 ເດືອນ ນັບແຕ່ວັນທີ 23 ພະຈິກ 2020 ຫາ 23 ພະຈິກ 2022.
ໃນວັນທີ 25 ພະຈິກ 2020 ຜ່ານມານີ້ ໄດ້ມີການລົງນາມ ມນບົດບັນທຶກຄວາມເຂົ້າໃຈ(MOU) ລະຫວ່າງທ່ານ ສີສຸກ ສີພານິດ ຫົວໜ້າຫ້ອງການໂຍທາທິການ ແລະ ຂົນສົ່ງ ເມືອງໄຊຍະບູລີ (ເຈົ້າຂອງໂຄງການ) ແລະ ທ່ານ ຄໍາຂ່ອງ ແກ້ວມະນີ ອຳນວຍການບໍລິສັດ ໄຊຊະນະກໍ່ສ້າງຂົວທາງຈຳກັດ(ຜູ້ເໝົາກໍ່ສ້າງ) ໂດຍມີທ່ານ ບຸນແທນ ທີແກ້ວ ເຈົ້າເມືອງໄຊຍະບູລີ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ