• ເກົາຫລີ ອະນຸມັດທົດລອງຢາປ້ອງກັນ-ຢາປິ່ນປົວໂຄວິດ-19

ໂດຍ: ສີເປື້ອນມື 25 ພະຈິກ 2020 (17.15 ນ.) Read : 4,814

ເວັບ​ໄຊ​ ສຳນັກ​ຂ່າວ ຢອນ​ຮັບ (Yeonhap)ລາຍ​ງານ​ວ່າ:ກະຊວງ​ຄວາມ​ປອດ​ໄພ ອາຫານ ​ແລະ ຢາ ສ.​ເກົາຫລີ ອະນຸມັດ ​ໃຫ້ທົດ​ລອງ​ ທາງ​ຄລີ​ນິກ ຢາ​ປ້ອງ​ກັນ ​ແລະ ຢາ​ປິ່ນປົວ​ໂຄ​ວິດ-19 ​ເຊິ່ງ​ເປັນ​ວັກ​ຊິນ ຂອງ​ເອສ​ເຄ​ ໂອ​ໄຊ​ເອີນສ​( SK BioScience) ​ແລະ ​ກ່ອນ​ໜ້​ານີ້ ຫາ​ກໍ່​ອະນຸມັດ ໃຫ້​ທົດ​ລອງ ​ທາງ​ຄລີ​ນິກ ​ໄລຍະ​ທີ່ 2 ຢາ DW2008 ​ຂອງ​ດົງຮວາ ​ຟຣາມ(Donghwa Farm)​ເພື່ອ​ປິ່ນປົວ​ໂຄ​ວິດ-19 ​​ໂດຍ ​ເອສ​ເຄ ​ໂອ​ໄຊ​ເອີນສ ຈະ​ມີ​ການ​ທົດ​ລອງ​ວັກ​ຊິນ ​ກັບ​ຜູ້​ໃຫຍ່ ທີ່​ມີ​ສຸຂະພາບ ​ແຂງ​ແຮງ ​ເພື່ອ​ປະ​ເມີນ​ຄວາມ​ປອດ ​ໄພ ​ແລະ ປະສິດທິພາບ ​ໃນ​ສະຖານ​ທີ່​ ທົດ​ລອງ 2 ​ແຫ່ງ.ຂະນະ​ທີ່ ດົງ​ຮວາ​ຟາ​ມ ຈະ​ທົດ​ລອງ ຢາ​ທີ່​ສະກັດ​ ຈາກ​ພືດ​ຊະນິດ​ໜຶ່ງ ກັບ​ຜູ້​ຕິດ​ເຊື້ອ​ ໂຄ​ວິດ-19 ​ໄວ​ຜູ້​ໃຫຍ່ ​ທີ່​ມີ​ອາການ​ໜັກ ​ເພື່ອ​ປະ​ເມີນ​ ຄວາມ​ປອດ​ໄພ ​ແລະ​ ປະສິດທິພາບ ຜົນ​ການ​ສຶກສາ ​ເບື້ອງ​ຕົ້ນ ກັບ​ສັດ​ພົບ​ວ່າ ຊ່ວຍ​ໃຫ້​ປອດ​ ​ເຮັດ​ວຽກ​ດີ​ຂຶ້ນ​ຫລາຍ ​ແລະ ມີ​ປະສິດທິພາບ​ ຕໍ່ຕ້ານ​ເຊື້ອ​ພະຍາດ(​ໄວ ຣັດ)ສູງ​ກວ່າ​ ຢາ​ປິ່ນປົວ​ໂຄ​ວິດ-19 ຈຳນວນ 2 ຊະນິດ ທີ່​ໃຊ້​ຢູ່​ໃນ​ປັດຈຸບັນ​ຄື:​ເຣມ​ເດ​ຊີ​ເວ​ຍ(Remdecivier) ​ແລະ ​ໂລ​ປິ​ນາ​ເວ​ຍ (Lopinavir)ປະສົ​ມ ຣິ​ໂທ​ນາ​ເວ​ຍ(Ritonavir).

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ