• Foody Street Festival ເທດສະການອາຫານທີ່ທ່ານບໍ່ຄວນພາດ

ໂດຍ: ສີເປື້ອນມື 20 ພະຈິກ 2020 (16.14 ນ.) Read : 684

ພົບ​ກັບ​ສີ​ສັນ​ຂອງ​ອາ​ຫານ​ຫຼາກ​ຫຼາຍ ທີ່​ເຕັມ​ໄປ​ດ້ວຍ​ບັນ​ຍາ​ກາດ ແລະ​ກິ່ນ​ອາຍ​ຂອງ​ອາ​ຫານຫຼາກຫຼາຍປະເພດ ບໍ່ວ່າຈະເປັຍອາຫານ ​ຫວານ, ຄາວ, ແບບ​ປີ້ງ​ຢາງ ແບບ​ປະ​ສົມ​ປະ​ສານ​ຈາກ​ຕາ​ເວັນ​ອອກ, ຕາ​ເວັນ​ຕົກ ແລະອາ​ຊຽນ ມາຮວມກັນຢູ່ບ່ອນດຽວ ກັບເທດສະການ ​ງານ Foody Street Festival ທີ່ຈັດຂຶ້ນໃນ​ທຸກໆ​ຄ່ຳ​ຄືນ​ຂອງ​ແຕ່​ລະ​ອາ​ທິດ ເຊິ່ງຈະ​ໄດ້​ຈັດ​ຂຶ້ນ​ທຸກວັນ​ພະ​ຫັດ-ວັນ​ອາ​ທິດ ພຽງ 4 ມື້​ເທົ່າ​ນັ້ນ ທຸກໆ​ເດືອນ​ຈະ​ເປີດ​ຂຶ້ນ 4 ຄັ້ງ. ສ່ວນອາ​ຫານ​ແມ່ນ​ຈະ​ໝູນ​ວຽນ​ຈາກ​ແຕ່​ລະ​ບູ໊ດທີ່​ນຳ​ມາ​ຂາຍ​ແຕ່​ລະ​ຄັ້ງ ມີ​ຈໍານວນ 32 ບູດ.

      ທ່ານ ນາງ ສະ​ຫວັນ​ທອງ ອຸ່ນມີ​ໄຊ ປະ​ທານ​ຜູ້ຈັດ​ງານ Foody Street Festival ທັງເປັນຜູ້​ອຳ​ນວຍ​ການ​ບໍ​ລິ​ສັດ ກິດ​ຕະ​ພົງ (Krittaphong entertainment event and Organizer) ໄດ້​ກ່າວ​ວ່າ: ​ພື້ນ​ທີ່​ດິນ​ດັ່ງ​ກ່າວ​ແມ່ນ​ໄດ້​ປະ​ໃຫ້​ຫວ່າງ​ມາ​ດົນ​ແລ້ວ ຈຶ່ງ​ມີ​ຄວາມ​ຄິດ​ທີ່​ຢາກ​ເຮັດ​ຕະ​ຫຼາດ​ນັດ​ກາງຄືນກັບມາມີສີສັນ ແລະຄຶກຄື້ນຄືເກົ່າ ເປີດໃຫ້ຜູ້ຄົນໄດ້ມາ​ນັ່ງ​ຊີວໆແບບສະບາຍໆ ​ໃນ​ບັນ​ຍາ​ກາດ​​ທ່າມ​ກາງ​ລະ​ດູ​ໜາວ​ກຳ​ລັງ​ພັດ​ເຂົ້າ​ມາ​ໃນ​ທ້າຍ​ປີ ເພື່ອເປັນການສ້າງສິ່ງແປກໃຫມ່ ເຮັດ​ໃຫ້​ສະ​ຖານ​ທີ່​ແຫ່ງ​ນີ້​ມີ​ສີ​ສັນ​ຂຶ້ນ​ ເນື່ອງຈາກ​ໃນໄລ​ຍະ​ຜ່ານມາ ທາງ​ພວກເຮົາ​ໄດ້​ເຮັດເປັນ​ລານ​ເບຍ ທີ່​ມີ​ຊື່​ວ່າ: ວອກ​ຄິ້ງ​ສະ​ຕຼີດ (Walking Street) ແຕ່​ກໍ​ໄດ້​ຢຸດ​ໄປ​ຊົ່ວຄາວ ແລະເພື່ອເປັນການຕອບສະໜອງຕາມຄວາມຮຽກຮ້ອງຕ້ອງການຂອງຜູ້ຄົນສ່ວນຫຼາຍ ທີ່ຢາກໃຫ້ສະຖານທີ່ແຫ່ງນີ້ກັບມາຄຶກຄື້ນອີກຄັ້ງ ຈຶ່ງໄດ້ຈັດງານເທດສະການອາຫານນີ້ຂຶ້ນມາ ເພື່ອໃຫ້ຜູ້ຄົນທີ່ມາພົບປະສັງສັນກັນໃນແບບໝູ່ເພື່ອນ, ຄອບຄົວ ແລະເພື່ອນຮ່ວມງານຕ່າງໆ ເຊິ່ງໄລຍະຜ່ານ​ມາ ​ແມ່ນ​ພວກເຮົາໄດ້​ເປີດ​ມາ​ແລ້ວ​ຄັ້ງໜຶ່ງ ຖື​ວ່າ​ຜົນ​ໄດ້​ຮັບ​ແມ່ນ​ດີ​ເກີນ​ຄາດ​ໝາຍ ແລະທາງ​ເຮົາ​ກໍ​ມີ​ແຜນ​ທີ່​ຈະ​ເປີດ​ເປັນ​ໄລ​ຍະໆໄປເລື້ອຍໆ ພ້ອມທັງປັບ​ປຸງ​ໃຫ້​ມີ​ສີ​ສັນ​ແຕກ​ຕ່າງ​ກັນໃນ​ແຕ່​ລະ​ຄັ້ງ.

      ພາຍ​ໃນ​ງານ​ໄດ້ມີການຈໍາໜ່າຍອາຫານປະເພດຕ່າງໆ ແລະຫຼາກຫຼາຍເມນູໃຫ້ເຮົາໄດ້ເລືອກຊິມຕາມໃຈ ພ້ອມກັບບັນເລງເພງຟົກຊ່ອງແບບເບົາໆ ທ່າມກາງແສງໄຟແບບໂລແມນຕິກ. ສໍາລັບຜູ້ທີ່ຈະນໍາເອົາອາ​ຫານ​ມາ​ຂາຍ​ແມ່ນ​ສາມາດຈັບຈອງພື້ນທີ່ໄດ້ ໃນ​ລາ​ຄາ​ທີ່​ເໝາະສົມ​ ແລະ 1 ບູ໊ດ​ ລາຄາ 1 ລ້ານກີບ/ຄັ້ງ. ສ່ວນອາ​ຫານ​ທີ່ຈພນໍາມາຈໍາໜ່າຍ ແມ່ນ​ຈະ​ບໍ່​ໃຫ້​ຊໍ້າກັນ​ເກີນ​ສອງ​ຮ້ານ ທາງທີມງານພວກ​ເຮົາ​ໃນນາມເປັນ​ຜູ້​ຈັດ​ງານ​ຈະ​ພະ​ຍາ​ຍາມ​ປັບ​ປຸງ​ການບໍລິການ ແລະສິ່ງເອື້ອອໍານວຍຄວາມສະດວກໃຫ້​ດີ​ຂຶ້ນ​ເລື້ອຍໆ​.

      ຢ່າ​ລືມ​! ສໍາລັບໃຜທີ່ພາດໂອກາດໃນງານທີ່ຜ່ານມາ ແລ້ວຢາກລອງໄປສໍາຜັດກັບບັນຍາກາດດີໆແບບນີ້ ກໍສາມາດໄປໄດ້ ເຊິ່ງງານຈະຈັດຂຶ້ນອີກ ໃນ​ວັນ​ທີ 19-22 ພະຈິກ 2020 (ເປີດຕັ້ງແຕ່ 17:00 ໂມງ​ ຫາ 23:00 ໂມງ). ​ເຊີນ​ຊວນ​ທຸກ​ທ່ານ​ມາ​ເລາະ​ຊິມ​ອາ​ຫານ​ໃນ​ບັນ​ຍາ​ກາດ​ແສນຊິວ​ກັບ​ລົມ​ໜາວ. ສະ​ຖານ​ທີ່ຕັ້ງຢູ່ບ່ອນດຽວກັນກັບ Walking Street ແຄມ​ຂອງ ນະ​ຄອນ​ຫຼວງວຽງ​ຈັນ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ