• ຫວຽດນາມ ຈະສົ່ງອອກປາຈາ ບັນລຸ 1,5 ຕື້ໂດລາສະຫະລັດ

ໂດຍ: ສີເປື້ອນມື 13 ພະຈິກ 2020 (14.16 ນ.) Read : 1,329

ຕາມຂ່າວສານຫວຽດນາມ, ວັນທີ 11 ເດືອນພະຈິກ, ສະມາຄົມ ການສົ່ງອອກປາຈາ ຂອງຫວຽດນາມ ຄາດວ່າ ໃນປີ2020 ມູນຄ່າ ການສົ່ງອອກ ປາຈາ ຈະບັນລຸ 1,5 ຕື້ໂດລາສະຫະລັດ. ກົນໄກການຕະຫລາດສົ່ງອອກ ມີການປ່ຽນແປງ ເນື່ອງຈາກ ສປຈີນ ແລະ ເຂດຮົງກົງ (ຈີນ) ໄດ້ລື່ນກາຍ ຈັດເປັນ ອັນດັບ 1 ກວມເອົາ ຫລາຍກວ່າ 33% ,​ ຖັດມາສ.ອາເມລິກາ 16,6%,​ອາຊຽນ ເກືອບ 10%,​ ເອີຣົບ 9% ແລະ ອື່ນໆ. ເຈົ້າໜ້າທ່ີ ລະດັບສູງ ແຂວງອານຢາງ ຂອງຫວຽດນາມ ກ່າວວ່າ ຂະແໜງການປາຈາ ພວມມີທ່າແຮງ 3 ດ້ານ ຄື:  ນັບມື້ ຕະຫລາດ ມີການເປີດກວ້າງ ອອກ ເນື່ອງຈາກ ການນຳໃຊ້ ຜະລິດຕະພັນ ອາຫານພາຍໃນ ແລະ ຕ່າງປະ ເທດ ພວມມີການຫັນປ່ຽນຈາກ ການບໍລິໂພກຊິ້ນ ມາເປັນການບໍລິໂພກປາ. ໃນໄລຍະ 20 ປີຜ່ານມາ, ຂະແໜງການລ້ຽງປາ, ຜະລິດແນວພັນປາ, ລະດັບເຕັກໂນໂລຊີ ການປຸງແຕ່ງປາຈາ ໄດ້ມີການພັດທະນາຂຶ້ນຢ່າງແຂງ ແຮງ ຍົກລະດັບດັດສະນີ ຄວາມສາມາດ ໃນການແຂ່ງຂັນ ຂອງວິສາຫະກິດ ສົ່ງອອກ. ພິເສດ, ຊາວກະສິກອນ ໄດ້ເປັນເຈົ້າການ ທາງດ້ານເຕັກນິກ ໃນການລ້ຽງປາ ເຮັດໃຫ້ບໍ່ມີ ຄວາມກັງວົນ ກ່ຽວກັບບັນຫານີ້ ໃນຂະນະທ່ີອິນເດຍ, ສປຈີນ ແລະ ບັງກລາເທດ ກໍມີການລ້ຽງ ປາຈາຢ່າງຫລວງຫລາຍ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ