• ເກົາຫລີ ມີໜີ້ລັດ ກວມເອົາ ຫລາຍກວ່າ 710 ຕື້ໂດລາສະຫະລັດ

ໂດຍ: ສີເປື້ອນມື 13 ພະຈິກ 2020 (14.07 ນ.) Read : 1,301

ຕາມຂ່າວສານ ຫວຽດນາມ, ບົດລາຍງານ ທິດທາງການເງິນ ໃນເດືອນພະຈິກນີ້ ​ໂດຍ​ແມ່ນ ກະຊວງ​ເສດຖະກິດ ​ແລະ ການ​ເງິນສ.​ເກົາຫລີ ​(MOEF) ​ໄດ້​ປະກາດ ​ເມືອ​ວັນທີ 10 ​ເດືອນ​ພະຈິກ ສະ​ແດງ​ໃຫ້​ເຫັນ​ວ່າ ໜີ້​ລັດຂອງ​ສ.​ເກົາຫລີ ​ເພີ່ມ​ສູງຂຶ້ນ​ເຖິງ 800.300 ຕື້​ວອນ (​ເກືອບ 718 ຕື້​ໂດ​ລາ​ສະຫະລັດ) ​ແລະ ​ເປັນ​ຕົວ​ເລກ​ທ່ີ​ຫລາຍ​ກວ່າ​ລະດັບ 699.000 ຕື້​ວອນ (626,6 ຕື້​ໂດ​ລາ​ສະຫະລັດ ​ເມື່ືອປີ​ກາຍ​ນີ້. ຍອດ​ລາຍ​ຮັບ​ແຫ່ງ​ລັດ​ໃນ​ໄລຍະ​​ແຕ່ເດ​ືອນ 1-9/2020 ບັນລຸ 354.400 ຕື້​ວອນ(​ເກືອບ 318 ຕື້​ໂດ​ລາ​ສະຫະລັດ), ຫລຸດລົງ 5.100 ຕື້​ວອນ (​ເທົ່າ​ກັບ 4,5 ຕື້​ໂດ​ລາ​ສະຫະລັດ) ​ເມື່ອ​ທຽບ​ໃສ່​ໄລຍະ​ດຽວ​ກັນ​ໃນ​ປີ 2019.​ໃນ​ຂະ​ນະທ່ີລັດຖະບານ​ສ.​ເກົາຫລີ ​ໄດ້​ເພີ່ມ​ງົບປະມານ​ສະໜັບສະໜູນ 4 ຄັ້ງ​ໃນ​ປີ​ນີ້ ​ເຮັດ​ໃຫ້​ຍອດ​ລາຍ​ຈ່າຍ​ງົບປະມານ​ແຫ່ງ​ລັດ ລວມມີ 434.800 ຕື້​ວອນ (​ເກ​ືອບ 390 ຕື້​ໂດ​ລາ​ສະຫະລັດ), ​ເພີ່ມ​ຂຶ້ນ 48.800 ຕື້​ວອນ (​ເກືອບ 44 ຕື້​ໂດ​ລາ​ສະຫະລັດ) ​ເມື່ອ​ທຽບ​ໃສ່​ໄລຍະ​ດຽວ​ກັນ​ໃນ​ປີ​ກາຍ​ນີ້.

      ສະ​ນັ້ນ, ຄວາມ​ດຸ່ນດ໋ຽງດ້ານ ​ການ​ເງິນລວມ​ທັງ​ໝົດ (ຄວາມ​ຜິດ​ດ່ຽງ ລະຫວ່າງ ຍອດ​ລາຍ​ຮັບ ​ແລະ ລາຍ​ຈ່າຍ​ງົບປະມານ) ນັບ​ແຕ່​ເດືອນ 1-9/2020 ບັນທຶກ​ຕົວ​ເລກ​ ການ​ຂາດ​ດຸນ​ຂຶ້ນ​ເຖິງ 80.500 ຕື້​ວອນ(​ເປັນ​ຕົວ​ເລກສູງ​ກວ່າ 72 ຕື້​ໂດ​ລາ​ສະຫະລັດ). ຖ້າ​ປຽບ​ທຽບ​ ຄວາມ​ດຸນ​ດ່ຽງ ​ໃນ​ການ​ຄຸ້ມ​ຄອງ ​ການ​ເງິນ​ໃນ​ແຕ່ລະ​ເດືອນ, ສ.​ເກົາຫລີ ບັນ​ທືກ​ຕົວ​ເລກ​ ການ​ຂາດ​ດຸນ​ສູງ​ເຖິງ 110.000 ຕື້​ວອນ (ຫລາຍ​ກວ່າ 98 ຕື້​ໂດ​ລາ​ສະຫະລັດ) ​ໃນ​ເດືອນ 6/2020. ລະດັບ ​ການ​ຂາດ​ດຸນ ​ມີ​ທ່າ​ອຽງຫລຸດ​ລົງ​ ໃນ​ເດືອນ 7/2020 ​ແລະ 8/2020 ຕາມ​ລຳດັບ ລວມ​ມີ ຖ້າ​ປຽບ​ທຽບ​ຄວາມ​ດຸນ​ດ່ຽງ​ ໃນ​ການ​ຄຸ້ມ​ຄອງ​ ການ​ເງິນ​ໃນ​ແຕ່ລະ​ເດືອນ, ສ.​ເກົາຫລີ ບັນ​ທືກ​ຕົວ​ເລກ​ ການ​ຂາດ​ດຸນ​ສູງ​ເຖິງ 110.000 ຕື້​ວອນ (ຫລາຍ​ກວ່າ 98 ຕື້​ໂດ​ລາ​ສະຫະລັດ) ​ໃນ​ເດືອນ 6/2020. ລະດັບ​ການ​ຂາດ​ດຸນ ​ມີ​ທ່າ​ອຽງຫລຸດ​ລົງ​ໃນ​ເດືອນ 7/2020 ​ແລະ 8/2020 ຕາມ​ລຳດັບ ລວມ​ມີ98.000 ຕື້ວອນ(ເກືອບ 88 ຕື້ໂດລາສະຫະລັດ) ແລະ 96.000 ຕື້ວອນ(ເທົ່າກັບ 86 ຕື້ໂດລາສະຫະລັດ).

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ