• ອັດຕາການວ່າງງານ ໃນຍີ່ປຸ່ນ ຫລາຍກວ່າ70.000 ຄົນ

ໂດຍ: ສີເປື້ອນມື 11 ພະຈິກ 2020 (14.43 ນ.) Read : 1,501

ອ້າງຕາມ ແຫລ່ງຂ່າວ ໂຕກຽວ ຂອງ ຍີ່ປຸ່ນວັນທີ 10 ເດືອນພະຈິກ, ກະຊວງ ແຮງງານຂອງ ຍີ່ປຸ່ນ ລະບຸວ່າການແຜ່ລະບາດ ຂອງພະຍາດ ໂຄວິດ-19 ເຮັດໃຫ້ ປະຊາກອນ ຫລາຍກວ່າ 70.000 ຄົນ ວ່າງງານປັດຈຸບັນ, ກະຊວງ ແຮງງານ ຍີ່ປຸ່ນ ພວມສຳຫລວດ ກວດກາ ຈຳນວນ ຜູ້ຖືກເລິກຈ້າງ ຫລື ບໍ່ໄດ້ຮັບການຕໍ່ ສັນຍາຈ້າງ ເນື່ອງຈາກ ຜູ້ປະກອບການ ທຸລະກິດ ພວມຜະເຊີນກັບ ບັນຫາ ໃນການ ດຳເນີນທຸລະກິດ ໂດຍພົບວ່າ ໃນໄລຍະ ທ້າຍເດືອນ ມັງກອນ ເຖິງ ຕົ້ນເດືອນ ພະຈິກນີ້ ມີປະຊາກອນ ວ່າງງານ ຫລື ພວມຈະວ່າງງານ 70.242 ຄົນ. ການແຜ່ລະບາດພະຍາດໂຄວິດ-19 ເຮັດໃຫ້ ພາກການຜະລິດ ໄດ້ຮັບຜົນກະທົບ ຢ່າງໜັກທີ່ສຸດ.  ເບື້ອງຕົ້ນ ການເລິກຈ້າງງານ  12.979 ຕຳແໜ່ງຖັດມາ ສະຖານບັນເທິງ  ແລະ ຮ້ານອາຫານ ລວມມີ 10.445 ຄົນ.  ສ່ວນການຄ້າຂາຍຍ່ອຍ ລວມມີ 9.378 ຄົນ ແລະ ພະນັກງານ ໂຮງແຮມ ວ່າງງານ 8.614 ຄົນ.
ນອກຈາກນັ້ນ, ກະຊວງ ແຮງງານ ຍີ່ປຸ່ນ ຮຽກຮ້ອງພາກທຸລະກິດຕ່າງໆ ໃຫ້ຈ້າງພະນັກງານໄວ້  ໂດຍອາໄສ ຄວາມຊ່ວຍເຫລືອ ຈາກໂຄງການ ເງິນອຸດໜູນ ຈາກລັດຖະບານ. ໃນຂະນະດຽວກັນ ກະຊວງກ່ຽວຂ້ອງ ຍັງໃຫ້ການຊ່ວຍເຫລືອ ແກ່ຜູ້ວ່າງງານ ໃນການຫາ ວຽກເຮັດ ງານທຳໃຫມ່ ອີກດ້ວຍ.

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ