ຮ້ານ ຕະກະ ຈິວເວີຣີ້ (TAKA Jewelry) ແມ່ນຮ້ານຂາຍເຄື່ອງປະດັບອີກຮ້ານໜຶ່ງທີ່ມີຊື່ສຽງໃນ ສປປ ລາວ ໂດຍສະເພາະໃນກຸ່ມນັກທຸລະກິດ ແລະບຸກຄົນທົ່ວໄປ ກໍສາມາດຈັບຈອງເປັນເຈົ້າຂອງໄດ້ໃນລາຄາທີ່ຄຸ້ມຄ່າທີ່ສຸດ. ດ້ວຍການອອກແບບທີ່ທັນສະໄໝ, ສິນຄ້າມີຄຸນນະພາບ ແລະບໍລິການຫຼັງການຂາຍຢ່າງດີເລີດ ເຮັດໃຫ້ຮ້ານ ຕະກະ ຈິວເວີຣີ້ ເປັນທີ່ຮູ້ຈັກຂອງຄົນໃນປັດຈຸບັນ. ຄວາມໝາຍຂອງຊື່ຮ້ານ TAKA ໃນພາສາຈີນ ແລະຍີ່ປຸ່ນ ມີຄວາມໝາຍວ່າ: ມີຄຸນຄ່າ, ແພງ, ມີລະດັບ ແລະຊົງຄຸນຄ່າ.​

      ທ່ານ ນາງ ຈັນແສງ ຊົ່ງ (ນ້ອຍ) ເຈົ້າຂອງຮ້ານເພັດ ກະຕະ ຈິວເວີຣີ້ (TAKA Jewelry) ໃຫ້ສໍາພາດວ່າ: ຮ້ານຂອງພວກເຮົາໄດ້ເປີດໃຫ້ບໍລິການມາ 5 ປີແລ້ວ, ແຮງບັນດາໃຈທີ່ເຮັດໃຫ້ຕົນເອງມາເປີດຮ້ານຂາຍເຄື່ອງປະດັບນີ້ ກໍຍ້ອນຕົນເອງເປັນຄົນມັກຮັກໃນການສວມໃສ່ເຄື່ອງປະດັບ ແລະເພື່ອຢາກຄົນລາວເຮົາສາມາດເຂົ້າເຖິງເພັດແທ້ໄດ້ ໃນລາຄາທີ່ເໝາະສົມ ໂດຍເນັ້ນໃຫ້ທາງພະນັກງານລັດຖະກອນ ແລະຜູ້ທີ່ມີລາຍຮັບຄົງທີ່ສ້າງມາດຈັບຕ້ອງໄດ້.

ກ່ອນຫນ້ານີ້, ພວກເຮົາໄດ້ເປີດການຕະຫຼາດທາງອອນລາຍ ຫຼືເປີດຂາຍທາງອອນລາຍ ແຕ່ສາມາດເຂົ້າມາຊື້ໄດ້ທີ່ໜ້າຮ້ານເທົ່ານັ້ນ ເນື່ອງຈາກຕົນເອງມີທຸລະກິດຫຼາຍຢ່າງ ແລະເລື່ອງຂອງຄອບຄົວ ຈຶ່ງເຮັດໃຫ້ບໍ່ຄ່ອຍມີເວລາໃນການໂຄສະນາປະຊາສໍາພັນທາງອອນລາຍ. ຫຼັງຈາກເລີ່ມດໍາເນີນທຸລະກິດໄດ້ປະມານ 2 ປີກວ່າ ຈຶ່ງໄດ້ເລີ່ມມາເຮັດການຕະຫຼາດທາງອອນລາຍ ເຫັນວ່າໄດ້ຮັບກະແສຕອບຮັບຈາກສັງຄົມເປັນຢ່າງດີ ແລະນີ້ຈຶ່ງເປັນເຫດຜົນທີ່ເຮັດໃຫ້ເຮົາຫັນມາສົນໃຈຕະຫຼາດທາງອອນລາຍຫຼາຍຂຶ້ນ.

ກຸ່ມລູກຄ້າເປົ້າໝາຍຂອງທາງຮ້ານແມ່ນພວກເຮົາເນັ້ນໃສ່ລູກຄ້າຜູ້ທີ່ມີລາຍຮັບປານກາງ ຫາຜູ້ທີ່ມີລາຍຮັບສູງ ບໍ່ວ່າຈະເປັນພະນັກງານ, ທະຫານ, ຕໍາຫຼວດ ຫຼືພໍ່ແມ່ປະຊາຊົນທົ່ວໄປກໍສາມາດຊື້ຜະລິດຕະພັນພາຍໃນຮ້ານເຮົາໄດ້ ເຊິ່ງຂ້າພະເຈົ້າເອງກໍເຄີຍຜ່ານຈຸດນັ້ນມາກ່ອນ ໂດຍສະເພາະຜູ້ທີ່ກໍາລັງແຕ່ງດອງໃໝ່ ແລະກໍາລັງຊອກຫາແຫວນໝັ້ນ ຫຼືແຫວນຄູ່ແຕ່ງດອງ ພວກເຮົາສາມາດຕອບໂຈດລູກຄ້າໄດ້ຕາມງົບປະມານ ແລະຄວາມສາມາດຂອງລູກຄ້າເອງ. ເຖິງແມ່ນວ່າຈະຊື້ເພັດໃນງົບປະມານທີ່ຈໍາກັດກໍຕາມ ແຕ່ຄຸນນະພາບທີ່ທ່ານຈະໄດ້ຮັບແມ່ນຄຸ້ມຄ່າ ແລະສົມລາຄາຢ່າງແນ່ນອນ.

      ຜະລິດຕະພັນພາຍໃນຮ້ານ ຕະກະ ຈິວເວີຣີ້ ມີຫຼາຍປະເພດ ເຊັ່ນ: ແຫວນດ່ຽວ, ແຫວນຄູ່ແຕ່ງດອງ, ສາຍແຂນ, ສາຍຄໍ, ກີ້ສາຍຄໍ, ເຄື່ອງປະດັບສຸດອອກງານ, ຄໍາອີຕາລີ ແລະທີ່ມີຫຼາຍທີ່ສຸດກໍຄື “ຕຸ້ມຫູ” ເນື່ອງຈາກວ່າ ຂ້າພະເຈົ້າເປັນຄົນມັກຕຸ້ມຫູເປັນພິເສດ. ສິນຄ້າທຸກປະເພດທີ່ຈໍາໜ່າຍຢູ່ພາຍໃນຮ້ານແຕ່ລະຢ່າງມີໄດ້ມີການເອົາໃຈໃສ່ເປັນພິເສດ ບໍ່ວ່າຈະເປັນການອອກແບບທີ່ຫຼູຫຼາມີລະດັບ, ທັນສະໄໝ, ການເຈບລະໄນ, ຄັດເລືອກເພັດນໍ້າງາມ ທີ່ມີຄຸນນະພາບ ແລະໄດ້ມາດຕະຖານສາກົນ GIA ຈຶ່ງເຮັດໃຫ້ລູກຄ້າເຊື່ອໝັ້ນໃນສິນຄ້າ ແລະການບໍລິການທີ່ເປັນກັນເອງຂອງພວກເຮົາ.

      ການບໍລິການເນັ້ນໃຫ້ບໍລິການແບບກັນເອງກັບລູກຄ້າ ເຮົາຈະສັງເກດເບິ່ງວ່າຮູບຮ່າງ ແລະສີຜິວແບບນີ້ ຄວນເລືອກຊື້ ຫຼືເລືອກໃສ່ເຄື່ອງປະດັບແນວໃດ ເພື່ອໃຫ້ເຂົ້າກັບບຸກຄະລິກຂອງລູກຄ້າ ເຮັດໃຫ້ລູກຄ້າຮູ້ສຶກປະທັບໃຈ.

ຖ້າຫາກທ່ານໃດສົນໃຈສາມາດເຂົ້າໄປສໍາຜັດກັບສິນຄ້າຕົວຈິງໄດ້ ທີ່ ຮ້ານເພັດ ຕະກະ ຈິວເວີຣີ້ (TAKA Jewelry) ຕັ້ງຢູ່ ສູນການຄ້າ ວຽງຈັນເຊັນເຕີ ຊັ້ນ 1 (ກົງກັນຂ້າມກັບຮ້ານແວ່ນຕາ ໃຕ້ຟ້າ). ສໍາລັບໃຜຢູ່ຕ່າງແຂວງກໍສາມາດເຂົ້າເບິ່ງໃນເພຈໄດ້ທີ່ແຟນເພຈເຟສບຸກ: TAKA Jewelry ຈະມີການອັບເດດສິນຄ້າທຸກໆມື້ ແລະເບີໂທລະສັບຕິດຕໍ່ +85620 54556699 ຫຼື +85620 98587373.

ພິເສດ! ສໍາລັບຜູ້ທີ່ມີແຜນຈະແຕ່ງດອງໄວໄວນີ້ ສາມາດເຂົ້າມາໃຫ້ເຮົາໃຫ້ຄໍາປຶກສາໄດ້ ທາງເຮົາຈະຈັດສິນຄ້າທີ່ຄຸ້ມຄ່າທີ່ສຸດໃຫ້ກັບທ່ານ ຢາກໃຫ້ລອງເປີດໃຈແລ້ວຈະຮູ້ວ່າ ເພັດແທ້ ແຕ່ລາຄາບໍ່ແພງ ມີທີ່ຮ້ານ TAKA Jewelry.