• ສະຫຼອງຄົບຮອບ 100 ປີ Mazda ເປີດໂຕລົດຮຸ່ນໃໝ່

ໂດຍ: ສີເປື້ອນມື 06 ຕຸລາ 2020 (15.24 ນ.) Read : 126

ໃນວັນທີ 05 ຕຸລາ 2020 ຜ່ານມາ, ບໍລິສັດ ແກ້ວໂອໂຕກຣຸບ ໄດ້ເປີດໂຕລົດຮຸ່ນໃໝ່ຄົບຮອບ 100 ປີ ທີ່ຫ້ອງຂາຍ ແກ້ວໂອໂຕ ກຣຸບ ບ້ານ ໂພສີ ເມືອງ ສີໂຄດຕະບອງ ນະຄອນຫຼວງວຽງຈັນ ໂດຍມີຜູ້ບໍລິການ,​ ຜູ້ຈັດການ, ຝ່າຍການຕະຫຼາດ ແລະພະນັກງານຂອງບໍລິສັດ ແກ້ວໂອໂຕກຣຸບ ເຂົ້າຮ່ວມ. ການສົ່ງມອບລົດຮຸ່ນໃໝ່ທີ່ມີຄຸນນະພາບ, ການອອກແບບທີ່ເປັນເອກະລັກ ແລະສະຫງ່າງາມ, ພ້ອມມີເທັກໂນໂລຢີທີ່ລ້ຳສະໄໝ, ມີຄວາມປອດໄພໃຫ້ແກ່ລູກຄ້າທີ່ຊົມໃຊ້ ແລະມີຄວາມປະທັບໃຈ ໂດຍມີ 3 ຮຸ່ນດ້ວຍກັນ ຄື: Mazda3 Sport, Mazda3 Sedan ແລະ CX-30 ເຊິ່ງຖືໄດ້ວ່າເປັນລົດທີ່ອອກແບບມາໄດ້ຢ່າງສວຍງາມທີ່ສຸດໃນປີ 2020 ແລະເພື່ອເປັນການເອົາໃຈບັນດາລູກຄ້າທົ່ວທຸກມຸມໂລກ Mazda ໄດ້ຮັບແຮງບັນດານໃຈ ໃນການພັດທະນານະວັດຕະກຳໃໝ່ໆອອກມາ.

      ຈຸດປະສົງ ໃນການເປີດໂຕລົດຮຸ່ນໃໝ່ຄົບຮອບ 100 ປີ ຄັ້ງນີ້ ເພື່ອໃຫ້ສົງຄົມເຫັນໄດ້ການນຳໃຊ້ນະວັດຕະກຳໃໝ່ໆໃນການຜະລິດລົດອອກມາຮັບໃຊ້ສັງຄົມ ແລະເພື່ອໃຫ້ສົມກັບຄວາມໄວ້ວາງໃຈຈາກບັນດາລູກຄ້າ. ສຳລັບ ລົດ Mazda3 Sport, Mazda3 Sedan ແລະ CX-30 ທັງ 3 ຮຸ່ນນີ້ ແມ່ນໄດ້ຖືກພັດທະນາໂດຍເນັ້ນໃຫ້ເຫັນຄຸນຄ່າ ແລະບຸກຄະລິກຄວາມເປັນສ່ວນຕົວຂອງຜູ້ຊົມໃຊ້ ເຊິ່ງເປັນລົດຮຸ່ນພິເສດຄົບຮອບ 100 ປີນີ້, ສ້າງຂຶ້ນມາເພື່ອລະນຶກເຖິງປະຫວັດສາດຂອງ Mazda ໃນການເປັນສ່ວນໜຶ່ງຂອງປະຫວັດສາດອັນດີງາມ ໂດຍມີຈຸດເດັ່ນພິເສດທີ່ແຕກຕ່າງຈາກຮຸ່ນທົ່ວໄປ ຄື: ເບາະໜັງອອກແບບຢ່າງສະດຸດຕາດ້ວຍສີແດງຊ້ຳ, ຜ້າພົມ ແລະຜ້າປູພື້ນ ມີຄວາມກົມກືນກັບສີແດງຊ້ຳ, ພ້ອມໂລໂກ້ສີແດງຊ້ຳ 100 ປີ ຕິດຢູ່ໃນລໍ້ແມັກ ເພື່ອໃຫ້ມີຄວາມເປັນເອກະລັກ, ໝອນເທິງເບາະໜ້າ ແລະແກ້ມໜ້າລົດ ມີໂລໂກ້ສີແດງຊ້ຳ 100 ປີ ຕິດໃສ່ ແລະກະແຈຣີໂມດທີ່ມາພ້ອມສົບບັນຈຸທີ່ຢ້ຳໂລໂກ້ 100 ປີ ໃສ່ຢ່າງສວຍງາມ. ສໍາລັບລາຄາ ລົດຮຸ່ນ Mazda 3 ລາຄາ 32,900 ໂດລາ, Mazda CX-30 ລາຄາ 36,900 ໂດລາ ແລະລົດ Mazda 2 ລາຄາ 24,900 ໂດລາ ທີ່ກ່າວມານັ້ນ ແມ່ນລົດຮຸ່ນ ຄົບຮອບ 100 ປີ. ສອບຖາມຂໍ້ມູນເພີ່ມຕື່ມໄດ້ທີ່ເບີໂທລະສັບ 021 222 288.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ