• ວຽງຈັນເຊັນເຕີ ມໍເຕີໂຊ 2020 (Vientaine Center Motor show 2020)

ໂດຍ: ສີເປື້ອນມື 31 ກໍລະກົດ 2020 (11.18 ນ.) Read : 236

ງານວຽງຈັນເຊັນເຕີ ມໍເຕີໂຊ 2020 (Vientaine Center Motor show 2020) ໄດ້ເປີດ ຂຶ້ນໃນວັນທີ 25 ກໍລະກົດ 2020, ຢູ່ທີ່ສູນການຄ້າ ວຽງຈັນເຊັນເຕີ, ໂດຍເປັນກຽດເຂົ້າຮ່ວມເປີດງານຂອງທ່ານ ວຽງມະນີ ຢົງລໍ້ຢ່າງ, ຮອງຫົວໜ້າພະແນກສົ່ງເສີມ ການຕະຫຼາດ, ກົມສົ່ງເສີມການຄ້າ, ທ່ານ ວົງພູທອນ ສີຈັນທະລາດ ຄະນະບໍລິຫານສະຖານີໂທລະ ພາບນະຄອນຫຼວງ, ທ່ານ ແປງ ແຕງ (Peng Teng) ຫົວໜ້າ ຄະນະບໍລິຫານງານ ສູນການ ຄ້າວຽງຈັນເຊັນເຕີ ແລະ ຕຶກ ສໍານັກງານ, ມີບັນດາຜູ້ບໍລິຫານ ບໍລິສັດຕົວແທນຈໍາໜ່າຍພາຫະ ນະຕ່າງໆ, ບັນດາຜູ້ບໍລິຫານ ສູນ ການຄ້າວຽງຈັນເຊັນເຕີ, ແຂກ ຖືກເຊີນ ແລະ ມວນຊົນຊາວນະຄອນຫຼວງວຽງຈັນເຂົ້າຮ່ວມ.
ທ່ານ ນາງ ສີນວນ ມະຫັດທະ ນະວີໂຣດ ຮອງຜູ້ອໍານວຍການ ສູນການຄ້າວຽງຈັນເຊັນເຕີ ໄດ້ ກ່າວໃຫ້ຮ້ວ່າ: ງານວຽງຈັນເຊັນ ເຕີ ມໍເຕີໂຊເປັນງານປະຈໍາປີ ຂອງ ສູນການຄ້າວຽງຈັນເຊັນເຕີ, ເຊິ່ງ ຄັ້ງນີ້ ແມ່ນຈັດຂຶ້ນເປັນປີທີ 4, ງານດັ່ງກ່າວແມ່ນຈະໄດ້ເປີດຢູ່ ເປັນເວລາ 9 ວັນເຊິ່ງ, ເລີ່ມແຕ່ ວັນທີ 25 ກໍລະກົດ-02 ສິງຫາ 2020 ຈຶ່ງຈະສໍາເລັດ, ໂດຍພາຍ ໃຕ້ຄໍາຂວັນທີ່ວ່າ: ທ່ອງທ່ຽວ ປອດໄພ ໃສ່ໃຈສິ່ງແວດລ້ອມ.
ການຈັດງານນີ້ຂຶ້ນມາ ກໍເພື່ອເປັນ ການວາງສະແດງລົດ, ອຸປະກອນ ຕົບແຕ່ງລົດ, ຄວາມຮູ້ກ່ຽວກັບປະ ກັນໄພ ແລະ ການຂັບຂີ່. ອີກຢ່າງ ຍັງເປັນການຕອບສະໜອງ ຄວາມຮຽກຮ້ອງຕ້ອງການ ໃນການຊົມໃຊ້ລົດໃຫ້ແກ່ລູກຄ້າ, ເຊິ່ງເປັນອີກທາງເລືອກໜຶ່ງໃນ ການຕັດສິນໃຈຊື້ພາຫະນະທີ່ມີ ຄຸນນະພາບ ແລະ ເໝາະສົມຕາມ ຄວາມຕ້ອງການ, ເຊິ່ງພາຍໃນ ງານແມ່ນຈະໄດ້ພົບກັບຫຼາກ ຫຼາຍກິດຈະກໍາຈາກບໍລິສັດຕົວ ແທນຈໍາໜ່າຍລົດທີ່ໄດ້ເຂົ້າ ຮ່ວມໃນຄັ້ງນີ້, ໂດຍສະ ເພາະກໍ ແມ່ນຕົວແທນຈໍາໜ່າຍລົດລະ ດັບແຖວໜ້າ ແລະ ຜູ້ໃຫ້ການ ສະໜັບສະໜູນເຊັ່ນ: ບີວາຍ ດີ, ບີບີໂອໂຕຊ໊ອບ, ອີລິດມໍເຕີ ສະປອດສ໌, ລາວຟອດຊີຕີ, ຈີເອ ຊີມໍເຕີ, ຮອນດາ, ໂຄລາວ, ມັສດາ, ເອັມຈີ, ນິສສັນຕັນ ຈົງ ມໍເຕີ, ສະຕາສອງພັນໜຶ່ງ ແລະ ອື່ນໆ, ບໍລິສັດປານຄໍາຈໍາປາ, ໂຮງຮຽນສອນຂັບລົດທົ່ງສາງ ນາງ, ເອັສທີ-ເມືອງປະກັນໄພ, ເມເຈີແພັດຕີນໍ້າຊີນີເພັກ, ໂທລະ ພາບນະຄອນຫຼວງ, ສຸກເມັກອັບ, ບີວິເສີ້ນ ແລະ ຊິວໂຣດມີເດຍ.
ຂໍເຊີນຊວນມວນຊົນເຂົ້າຮ່ວມຊົມ ສໍາພັດຕົວຈິງ ແລະ ຈັບຈ່ອງ ເປັນເຈົ້າຂອງໄດ້ ໃນງານວຽງ ຈັນເຊັນເຕີ ມໍເຕີໂຊ 2020 ດ້ວຍ ລາຄາທີ່ພິເສດ ພ້ອມກັບຂອງແຈກຂອງແຖມຫຼາກຫຼາຍຢ່າງ.

ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ