• ໄຊຍະບູລີ ເປີດຂະບວນການອອກແຮງງານລວມ ຂໍ່ານັບຮັບຕ້ອນກອງປະຊຸມໃຫຍ່ຜູ້ແທນອົງຄະນະພັກ ແຂວງ

ໂດຍ: Admin Mahason 23 ກໍລະກົດ 2020 (10.22 ນ.) Read : 335

     ຂປລ. ແຫລ່ງຂ່າວຈາກແຂວງໄຊຍະບູລີ ໃຫ້ຮູ້ວ່າ: ເມື່ອບໍ່ດົນມານີ້, ເມືອງໄຊຍະບູລີ ເປີດຂະ ບວນການອອກແຮງງານລວມ ເພື່ອເປັນການສ້າງຂະບວນການຂໍ່ານັບຮັບຕ້ອນ ກອງປະຊຸມໃຫຍ່ຜູ້ແທນອົງຄະນະພັກ ແຂວງໄຊຍະບູລີ ຄັ້ງທີ VII, ກອງປະຊຸມໃຫຍ່ອົງການຈັດຕັ້ງມະຫາຊົນຂັ້ນແຂວງ ແລະ ວັນສໍາຄັນຕ່າງໆຂອງພັກຂອງຊາດ ແລະ ທັງເປັນການທໍາລາຍແຫລ່ງເພາະພັນຂອງຍຸງລາຍ ໂດຍມີ ທ່ານນາງ ບຸນພັກ ອີນທະປັນຍາ ຄະນະປະຈໍາພັກແຂວງ, ຮອງເຈົ້າແຂວງໄຊຍະບູລີ, ທ່ານ ບຸນແທນ ທີແກ້ວ ກຳມະການພັກແຂວງ ເລຂາພັກເມືອງ ເຈົ້າເມືອງໄຊຍະບູລີ, ມີການນໍາຂອງແຂວງ, ການນໍາຂອງເມືອງ ແລະ ພະນັກງານເຂົ້າຮ່ວມ ຈໍານວນ 540 ກວ່າຄົນ. ການເປີດຂະບວນອອກແຮງງານໃນຄັ້ງນີ້, ໄດ້ແບ່ງອອກເປັນ 4 ຈຸດ ໂດຍໄດ້ມີການອານາໄມຖາງຫຍ້າບ່ອນທີ່ຫົກເຮື້ອ ຕາມເສັ້ນທາງພາຍໃນເມືອງ, ຂວໍ້າກະໂປະກະປ່ອງທີ່ມີນໍ້າຂັງ, ກວດກາ-ທຳລາຍໜອນນໍ້າຍຸງລາຍ, ທັງນີ້ ກໍເພື່ອຄວາມສະອາດງາມຕາພາຍໃນເທສະບານເມືອງ ແລະ ເປັນການຕອບໂຕ້ທໍາລາຍແຫລ່ງເພາະພັນຂອງຍຸງລາຍ ທີ່ກຳລັງແຜ່ລະບາດຢູ່ໃນປະຈຸບັນ. ຂ່າວ-ພາບ: ລັດດາວອນ ແກ້ວໄພທູນ

ທີ່ມາ: ປະເທດລາວ-Pathedlao
  • ແທັກທີ່ກ່ຽວຂ້ອງ