• Facebook ສ້າງຄວາມເຂັ້ມແຂງໃຫ້ນັກທຸລະກິດຍິງໃນລາວ

ໂດຍ: ສີເປື້ອນມື 20 ກໍລະກົດ 2020 (16.23 ນ.) Read : 245

ເນື່ອງໃນໂອກາດຄົບຮອບວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ. ເປົ້າໝາຍຫຼັກຂອງອົງກອນດັ່ງກ່າວແມ່ນແນໃສ່ການສົ່ງເສີມສິດທິສະເໝີພາບຍິງຊາຍ ແລະສິດທິແມ່ຍິງໃນປະເທດ. ຍ້ອນການໃຫ້ຄວາມເຂັ້ມແຂງນີ້, ແມ່ຍິງລາວຈຶ່ງໄດ້ມີໂອກາດສະແດງຄວາມສາມາດ ແລະສະມັດຖະພາບ ໃນທາງພາກລັດ ແລະເອກະຊົນ ຜ່ານຂະບວນການ ການພັດທະນາປະເທດຊາດ.

ພວກເຮົາໄດ້ພົບເຫັນແມ່ຍິງລາວຫຼາຍຄົນໃນປະຫວັດສາດ ແລະປັດຈຸບັນ ທີ່ໄດ້ສະແດງຄວາມເປັນຜູ້ນຳໄດ້ດີເດັ່ນ ແລະສາມາດນຳພາອົງກອນຂອງຕົນ ໄປເຖິງເປົ້າໝາຍທີ່ສຳເລັດຜົນ. ພວກເຂົາມີຄວາມສາມາດ ຮູ້ວິທີນຳໃຊ້ເຕັກໂນໂລຊີ ໂດຍສະເພາະສື່ສັງຄົມອອນລາຍ ແລະນໍາໃຊ້ໃຫ້ເປັນເຄື່ອງມືໃນການພັດທະນາທຸລະກິດ.

ສື່ສັງຄົມອອນລາຍ: ກະແຈສູ່ໂອກາດ ແລະຄວາມສຳເລັດ

ເວົ້າເຖິງຜູ້ປະກອບການຄື ທ່ານ ນາງ ມະໂນທິບ ສິຣິປະພັນ, ຜູ້ກໍ່ຕັ້ງ ບໍລິສັດ ກະເປົາ ນາຣີ  (NAREE) ແລະ ທ່ານ ນາງ ດວງມະນີ ເຮືອງຄຳແສນ, ຜູ້ກໍ່ຕັ້ງ ບໍລິສັດ ເຮີເວີກ (Her Works), ສື່ສັງຄົມອອອນລາຍ ດັ່ງ Facebook ໄດ້ເປັນກະແຈອັນສຳຄັນ ໃນການພັດທະນາທຸລະກິດ ແລະຜະລິດຕະພັນຂອງເຂົາ.​ ທັງສອງທຸລະກິດໄດ້ ພິສູດໃຫ້ເຫັນວ່າ ຮູບແບບທຸລະກິດທີ່ມີເອກະລັກແບບນີ້ ສາມາດເປັນຜູ້ນຳໃນການດຳເນີນທຸລະກິດໃນປະເທດລາວ. ຍ້ອນຄຸນສົມບັດເຄື່ອງມືຟຣີຂອງແພັດຟອມ Facebook, ທັງສອງຍີ່ຫໍ້ ຈຶ່ງສາມາດປະສົມຜະສານ ຄວາມຄິດທີ່ເປັນ ວັດທະນະທຳ ແລະຄວາມທັນສະໄໝເຂົ້ານຳກັນ, ເພື່ອສ້າງກະເປົາຜ້າຝ້າຍ ແລະຜ້າໄໝ. ສຳລັບ ຍີ່ຫໍ້ ນາຣີ (NAREE) ລະ ເຄື່ອງນຸ່ງ ແລະເຄື່ອງປະດັບເເບບຊົນເຜົ່າປະຍຸກ ສຳລັບຍີ່ຫໍ້ ເຮີເວີກ.

ທັງສອງໄດ້ກ່າວວ່າ: ໄດ້ນໍາໃຊ້ສື່ສັງຄົມອອນລາຍ ເພື່ອໃຫ້ເຂົາສາມາດແຂ່ງຂັນໃນຕະຫຼາດ, ໂດຍສະເພາະໄລຍະການລະບາດຂອງພະຍາດໂຄວິດ-19.    

ໃນໄລຍະທຳອິດທີ່ພະຍາດໂຄວິດ-19 ລະບາດ, ພວກເຮົາໄດ້ປັບປຸງວິທີການຂາຍ, ຈາກການສຸມໃສ່ພຽງແຕ່ຕະຫຼາດຕ່າງປະເທດ ແລະການສົ່ງອອກສູ່ຕະຫຼາດພາຍໃນ. ສະນັ້ນ, ຈື່ງເຮັດການຖ່າຍຮູບ ແລະການນຳໃຊ້ສື່ສັງຄົມອອນລາຍ Facebook ຫຼາຍຂຶ້ນຕື່ມ ເພື່ອປູກຈິດສໍານຶກຂອງຍີ່ຫໍ້ ເຮີເວີກ ໃນກຸ່ມລູກຄ້າ ທ່ານ ນາງ ດວງມະນີໄດ້ກ່າວໄວ້.

ພວກເຮົາດຳເນີນທຸລະກິດໃນຮູບແບບອອນລາຍ ສູ່ ອອຟລາຍ (Online to Offline). ພວກເຮົາມີເວັບໄຊ (www.naree.com) , ເພຈ Instagram (nareehandbags) ແລະເພຈ Facebook (Naree handbags) ແລະເປັນທີ່ແນ່ນອນທີ່ ເພຈ Facebook ຂອງເຮົາສຳຄັນທີ່ສຸດ ເພາະລູກຄ້າສ່ວນໃຫຍ່ 95 ສ່ວນ 100 ແມ່ນລູກຄ້າ ຄົນລາວພາຍໃນປະເທດ ແລະພວກເຮົາຕ້ອງມີການໂຄສະນາເລື້ອຍໆ ຢ່າງໜ້ອຍມື້ລະເທື່ອ ທ່ານ ນາງ ມະໂນທິບ ກ່າວ.

ຄໍາແນະນໍາໃນການດໍາເນີນທຸລະກິດຂະໜາດນ້ອຍ ແລະກາງ ໃນ ສປປ ລາວ: ສ້າງໂຕຕົນອອນລາຍ ໃນ Facebook ໃນເວລາສັ້ນໆ

ການສ້າງເພດ Facebook ຈະຊ່ວຍໃຫ້ຫຼາຍກວ່າຄົນຈໍານວນ 2 ຕື້ ຄົນ ຄົ້ນຫາທຸລະກິດທ່ານໄດ້ - ໃຫ້ຄິດວ່າ ເພຈ Facebook ເປັນຮ້ານຄ້າແບບດິຈິຕ້ອນ. 6 ໃນ 10 ທຸລະກິດໄດ້ກ່າວວ່າ ການມີໂຕຕົນອອນລາຍ ສຳຄັນທີ່ສຸດໃນການສໍາເລັດຜົນໄລຍະຍາວ (ຈາກ: Facebook IQ)

ນີ້ເເມ່ນຂັ້ນຕອນການສ້າງ ເພຈ Facebook ໃຫ້ທຸລະກິດຂອງທ່ານ

ສ້າງ ເພຈ Facebook (ມືຖື)

ສ້າງເພຈ Facebook ໃຫ້ ທຸລະກິດຂອງທ່ານຜ່ານມືຖື:

  1. ເປີດໜ້າ ຟີດຂ່າວ (newsfeed)
  2. ກົດທີ່ປຸ່ມ Pages
    • ຖ້າບໍ່ມີແທັບນີ້ ສາມາດ ເຂົ້າໄປທີ່ປຸ່ມ ເມນູ ແລ້ວ ກົດໄປທີ່ Pages
  3. ກົດ +Create
  4. ກົດ Get Started
  5. ໃສ່ຊື່ ແລະເພີ່ມໄດ້ເຖິງ 3 ປະເພດເພື່ອອະທິບາຍປະເພດຂອງເພຈເເລ້ວກົດ Next
  6. ສາມາດເພີ່ມທີ່ຢູ່ໃຫ້ເເກ່ເພຈຂອງຮ້ານເພື່ອໃຫ້ການຄົ້ນຫາງ່າຍຂຶ້ນ ຫຼື ຖ້າບໍ່ມີກໍກົດ I don’t want to add an address. ກົດ Next. ເພື່ອເຮັດພາຍຫຼັງກົດ Skip.
  7. ສາມາດໃສ່ຮູບໃຫ້ ໂປຣຟາຍ ແລະໂຄເວີ ຂອງເພຈ. ກົດ Done

ພຽງເທົ່ານີ້ກໍເປັນການສຳລັດການສ້າງເພຈຂອງທ່ານແລ້ວ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ