• ຍອດຜູ້ເສຍຊີວິດຈາກນ້ຳຖ້ວມ ຍີ່ປຸ່ນ ເພີ່ມຂື້ນ

ໂດຍ: ສີເປື້ອນມື 06 ກໍລະກົດ 2020 (22.15 ນ.) Read : 570

ຕາມແຫລ່ງຂ່າວ ໂຕກຽວ ຂອງ ຍີ່ປຸ່ນ, ວັນທີ 5 ກໍລະກົດ, ສື່ມວນຊົນໃນ ຍີ່ປຸ່ນ ລາຍງານວ່າ: ມີຜູ້ເສຍຊີວິດ ຢ່າງໜ້ອຍ 34 ຄົນ ພາຍຫລັງ ຝົນຕົກລົງມາ ຢ່າງໜັກ ຢູ່ແຂວງ ຄຸມາໂມໂຕະ, ເທິງເກາະຄີວຊູ ທາງຕາເວັນຕົກ ສຽງໃຕ້ຂອງ ຍີ່ປຸ່ນ, ເກີດ ນ້ຳຖ້ວມ, ດິນເຈື່ອນ ສົ່ງຜົນ ເຮືອນຊານ ປະຊາຊົນ ໄດ້ຮັບຄວາມ ເສຍຫາຍ ແລະອື່ນໆ. ປະຊາຊົນ ຫລາຍກວ່າ 200.000 ຄົນ ໄດ້ອົບພະຍົບ ອອກຈາກ ທີ່ຢູ່ອາໄສ ໄປຍັງສະຖານທີ່ ປອດໄພ, ປັດຈຸ ບັນ,ເຈົ້າໜ້າທີ່ ພວມເລັ່ງຊອກຫາ ຮ່າງຜູ້ສູນຫາຍ ຫລາຍສິບຄົນ. ນອກຈາກນັ້ນ, ເຈົ້າໜ້າທີ່ ສູນພັກອາໄສ ຊົ່ວຄາວ ຮຽກຮ້ອງໃຫ້ປະຊາຊົນ ເອົາໃຈໃສ່ ປະຕິບັດຕາມ ແນວທາງເວັ້ນ ໄລຍະຫ່າງ ລະຫວ່າງ ກັນ ເພື່ອປ້ອງກັນ ການແຜ່ລະບາດ ຂອງພະຍາດໂຄວິດ-19.

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ