• ທົ່ວໂລກ ມີຜູ້ຕິດເຊື້ອໂຄວິດ-19 ເພີ່ມຂຶ້ນ 7 ລ້ານກວ່າຄົນ

ໂດຍ: ສີເປື້ອນມື 08 ມິຖຸນາ 2020 (16.57 ນ.) Read : 196

ຕາມ​ຂໍ້​ມູນ​ຈາກ ສູນ​ວິທະຍາສາດ ​ແລະ ວິສະ​ວະ​ກຳ​ສາດ(CSSE) ​ແຫ່ງ​ມະຫາວິທະຍາ​ໄລ ຈອນ​ຮອບ​ກິ​ນສ ລາຍ​ງານ ​ໃນ​ວັນ​ທີ 8 ມິຖຸນາ​ວ່າ: ຍອດ​ຜູ້​ຕິດ​ເຊື້ອ ​ພະຍາດ ​ໂຄ​ວິດ-19 ​ເພີ່ມ​ຂຶ້ນ​ເຖິງ 7.007.948 ຄົນ ​ແລະ ຍອດຜູ້​ເສຍ​ຊີວິດ ​ສູງ​​ເຖິງ 402.709 ຄົນ. ​ໃນ​ນີ້ ສ.ອາ​ເມ​ລິ​ກາ ມີ​ຈຳນວນ ​ຜູ້​ຕິດ​ເຊື້ອ ​ແລະ ເສຍ​ຊີວິດຈາກ​ໂຄ​ວິດ-19 ສູງ​ທີ່​ສຸດ​ ໃນ​ໂລກ ​ໂດຍ​ຍອດ​ ຜູ້​ຕິດ​ເຊື້ອ 1.941.978 ຄົນ ​ແລະ ມີ​ຜູ້​ເສຍ​ຊີວິດ 110.513 ຄົນ.ນອກຈາກ ສ.ອາ​ເມ​ລິ​ກາ​ແລ້ວ ປະ​ເທດ​ທີ່​ມີ ​ຍອດ​ຜູ້​ຕິດ​ເຊື້ອ​ເກີນ 200.000 ຄົນ ປະກອບ​​ໄປ​ດ້ວຍ ບຣາຊິນ, ຣັດ​ເຊຍ, ອັງກິດ, ອິນ​ເດຍ, ​ແອັດ​ສະ​ປາຍ ​ແລະ ອີ​ຕາ​ລີ. ຂະນະ​ທີ່ ຈີນ ມີ​ຜູ້​ຕິດ​ເຊື້ອ​ ໂຄ​ວິດ-19 ສະ​ສົມ 83.040 ຄົນ ​ເຊິ່ງ​ໃນ​ຈຳນວນ​ນີ້ ລວມ​ເຖິງ ຜູ້​ຕິດ​ເຊື້ອ ​ທີ່ຢູ່​ລະຫວ່າງ​ ການ​ປິ່ນປົວ 65 ຄົນ.
ຮຽບຮຽງ​ຂ່າວ​ໂດຍ ສະ​ໄຫວ

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ