• ທະນາຄານກາງເອີຣົບ ເພີ່ມເງິນຊື້ພັນທະບັດ 600 ຕື້ເອີໂຣ

ໂດຍ: ສີເປື້ອນມື 05 ມິຖຸນາ 2020 (16.00 ນ.) Read : 321

ຕາມຂ່າວສານ ຫວຽດນາມ, ວັນທີ 4 ມິຖຸນາ, ທະນາຄານກາງ ເອີຣົບ(ECB) ໄດ້ຕັດສິນໃຈ ເພີ່ມເງິນ 600 ຕື້ເອີໂຣ(674 ຕື້ໂດລາສະຫະລັດ ) ເພື່ອຊື້ ພັນທະບັດ ທ່າມກາງວິກິດ ການແຜ່ລະບາດ ຂອງພະຍາດ ໂຄວິດ-19 ທີ່ພວມເກີດຂື້ນ. ສະພາ ບໍລິຫານຂອງ ECB ຕັດສິນໃຈ ເປີດກວ້າງໂຄງການ ຊື້ພັນທະບັດ ສຸກເສີນຂອງ ລັດຖະບານ ແລະ ທຸລະກິດເຖິງ 1.350 ຕື້ເອີໂຣ.
ໂຄງການ ໄດ້ຜັນຂະຫຍາຍ ຢ່າງໜ້ອຍ ແມ່ນທ້າຍເດືອນ ມິຖຸນາປີ 2021, ໝາຍຄວາມວ່າ ໂຄງການ ຈະຈັດຊື້ ສຸກເສີນ ໃນໄລຍະການແຜ່ລະບາດ ຂອງພະ ຍາດ(PEPP) ຈະສືບຕໍ່ປະຕິບັດ ການຊື້ຊັບສິນສຸດທິ ໄປຈົນເຖິງ ວິກິດໂຄວິດ-19 ສິ້ນສຸດລົງ. ນອກຈາກ ການຕັດສິນໃຈ ດັ່ງກ່າວ ECB ຍັງຖະແຫລງວ່າ ຈະຮັກສາ ອັດຕາດອກເບ້ຍ ພື້ນຖານຂອງ ພາກພື້ນທີ່ ນຳໃຊ້ສະກຸນເງິນ ເອີໂຣ(ເອີໂຣໂຊນ) ຢູ່ລະດັບຕ່ຳສຸດ 0%. ອັດຕາດອກເບ້ຍ ເງິນຝາກຂອງ ທະນາຄານ ຍັງຢູ່ລະ ດັບ-0,5%. ເມື່ອເດືອນເມສາປີນີ້, ECB ໄດ້ຕັດສິນໃຈ ຊື້ຊັບສິນ ໂດຍຜ່ານ PEPP ດ້ວຍຍອດມູນຄ່າ 750 ຕື້ເອີໂຣ ເພື່ອຮັບມືກັບ ໄພຄວາມສ່ຽງ ຈາກພະຍາດ ໂຄວິດ-19.

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ