• ເອັສຊີຈີ ມອບທຶນການສຶກສາໃຫ້ນ້ອງໆ “SCG Sharing the Dream”

ໂດຍ: Admin Mahason 02 ມັງກອນ 2018 (03.20 ນ.) Read : 644

ໃນວັນທີ 22 ທັນວາ 2017 ຜ່ານມາ ທາງບໍລິສັດ ເອັສຊີຈີ ໄດ້ທໍາການຈັດງານມອບ-ຮັບ ທຶນການສຶກສາແກ່ບັນດານ້ອງໆນັກຮຽນມັດທະຍົມຕອນປາຍ ຈໍານວນ 160 ທຶນ ໃນນະຄອນຫຼວງວຽງຈັນ ແລະແຂວງ ຄໍາມ່ວນ ຈໍານວນ 140 ທຶນ, ໂດຍໄດ້ຮັບທຶນການສຶກສາ ຄົນລະ 1,625,000 ກີບ ພ້ອມທັງອຸປະກອນການສຶກສາ ແລະກິດຈະກໍາ Educational Workshop ເພື່ອແນະນໍາແນວທາງການສຶກສາ. ໃຫ້ກຽດເຂົ້າຮ່ວມໄດ້ແກ່: ທ່ານ ນາງ ຂັນທະລີ ສີລິພົງ ຫົວໜ້າຫ້ອງການກະຊວງສຶກສາທິການ ແລະ ກີລາ, ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກີລາ ແລະທ່ານ ປໍລະເມດ ນິສາກອນເສນ Vice President-Regional Business, SCG Cement-Building Materials ພ້ອມດ້ວຍແຂກທີ່ມີກຽດອື່ນໆ.

ເອັສຊີຈີ ກຸ່ມບໍລິສັດຊັ້ນນໍາທີ່ມຸ່ງສ້າງຄວາມຍືນຍົງໃນອາຊຽນ ສານຕໍ່ໂຄງການ “SCG Sharing the Dream” ໃນ ສປປ ລາວ ເຊິ່ງເປັນໜຶ່ງໂຄງການກິດຈະກໍາເພື່ອສັງຄົມຂອງ ເອັສຊີຈີ ທີ່ເນັ້ນສົ່ງເສີມການພັດທະນາສັກກະຍາພາບເຍົາວະຊົນຂອງບັນດາປະເທດໃນອາຊຽນ ເພື່ອສ້າງໂອກາດທາງການສຶກສາໃຫ້ເຍົາວະຊົນທີ່ເປັນຄົນເກັ່ງ ແລະດີ, ມີຄວາມກະຕືລືລົ້ນທີ່ຈະສຶກສາຕໍ່, ມີຄວາມກະຕັນຍູ ແຕ່ຂາດແຄນເງິນທຶນ ໄດ້ພັດທະນາສັກກະຍາພາບຂອງຕົນ ເພື່ອເປັນອະນາຄົດທີ່ດີຂອງຊາດຕໍ່ໄປ. ປັດຈຸບັນໂຄງການໄດ້ມອບທຶນການສຶກສາໃຫ້ນັກຮຽນປີລະ 5000 ກວ່າຄົນ ໃນທົ່ວພູມິພາກອາຊຽນ.




ທີ່ມາ:
  • ແທັກທີ່ກ່ຽວຂ້ອງ