• ຈີນ ສົ່ງອຸປະກອນການແພດໄປຊ່ວຍຟີຈິຕ້ານໂຄວິດ-19

ໂດຍ: ສີເປື້ອນມື 02 ມິຖຸນາ 2020 (11.59 ນ.) Read : 114

ຕາມຂ່າວຈາກ ຊິນຮວາຂອງຈີນ, ເມື່ອບໍ່ດົນມານີ້, ຈີນ ສົ່ງອຸປະກອນ ການແພດ ຊ່ວຍເຫລືອ ດ້ານສາທາ ລະນະສຸກ ຂອງ ປະເທດ ຟີຈິ ເພື່ອຕໍ່ສູ້ກັບ ການແຜ່ລະບາດ ເຊື້ອພະຍາດ ໂຄວິດ-19 ເປັນຕົ້ນ ຊຸດກວດເຊື້ອ 1.008 ຊຸດ ໂດຍມົນທົນກວ່າງຕົງ(ກວາງຕຸ້ງ)ທາງພາກໃຕ້ ຂອງປະເທດຈີນ ຈັດຫາອຸປະກອນ ການ​ແພດ ຫລາຍຢ່າງ ເປັນຕົ້ນ ໜ້າກາກ ທາງການແພດ 20.000 ອັນ, ຖົງມືໃຊ້ແລ້ວຖິ້ມ 5.000 ຄູ່,ໜ້າກາກ ສຳລັບ ການຜ່າຕັດ 1.000 ອັນ ແລະ ຊຸດປ້ອງກັນ ໃຊ້ແລ້ວຖິ້ມ 500 ຊຸດ. ຈົນເຖິງ ປັດຈຸບັນນີ້ ຈີນ ໄດ້ມອບເງິນ ຊ່ວຍຟີຈິ ຕໍ່ສູ້ກັບໂຄວິດ-19 ລວມທັງໝົດ 400.000 ໂດລາສະຫະລັດ.
ນອກນີ້ ຈີນ ຈະຮ່ວມມື ກັບປະເທດ ໃນໝູ່ເກາະ ມະຫາສະມຸດ ປາຊີຟິກ ເພື່ອຍົກລະດັບ ການປະສານງານ ດ້ານການປ້ອງກັນ ການແຜ່ລະບາດ ໂຄວິດ-19 ຕໍ່ໄປ ຢ່າງຈິງຈັງ.

ຮຽບຮຽງຂ່າວໂດຍ ສະໄຫວ

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ