• ຈີນ ບັນລຸເປົ້າໝາຍການປ້ອງກັນປະເທດປີ 2020

ໂດຍ: ສີເປື້ອນມື 29 ພຶດສະພາ 2020 (14.44 ນ.) Read : 360

ຕາມຂ່າວຊີອາໄອຂອງ ຈີນທ່ານ ສີ ຈິ້ນຜິງ ເລຂາທິການກາງ ພັກກອມມູນິດ ປະທານປະເທດ ແລະ ປະທານຄະນະ ກຳມະທິການ ທະຫານກາງ ຈີນ ໄດ້ເຂົ້າຮ່ວມ ກອງປະຊຸມ ເຕັມຄະນະຂອງ ຄະນະຜູ້ແທນ ທະຫານ ແລະ ຕຳຫລວດ ຕິດອາວຸດ ທີ່ພວມເຂົ້າຮ່ວມ ປະຊຸມ ສະພາຜູ້ແທນ ປະຊາຊົນ ແຫ່ງຊາດຊຸດທີ 13 ຄັ້ງທີ ວ່າຂະນະທີ່ ຈີນ ປ້ອງກັນ ຄວບຄຸມ ການ ແຜ່ລະບາດ ຂອງພະຍາດ ໂຄວິດ-19, ​ແຕ່​ວຽກງານຕ່າງໆ ຂອງກອງທັບ ຄວນດຳເນີນ ການຕໍ່ໄປ ເພື່ອບັນລຸເປົ້າໝາຍ ການປ້ອງກັນ ປະເທດ ແລະ ການສ້າງສັນ ກອງທັບປີ 2020 ຢ່າງເດັດຂາດໃຊ້ ຄວາມພະຍາຍາມ ເພື່ອປະຕິບັດຕາມ ພາລະໜ້າທີ່ຕ່າງໆ ທີ່ມອບໝາຍ ໂດຍພັກ ແລະ ປະຊາຊົນ. ພ້ອມ​ທັງ ກ່າວເນັ້ນໜັກວ່າ: ສະຖານະການ ພະຍາດລະບາດ ໃນຄັ້ງນີ້ ສົ່ງຜົນກະທົບ ເລິກ​ເຊິ່ງ ຕໍ່ໂຄງ ສ້າງຂອງໂລກ ທັງໄດ້ສົ່ງຜົນ ກະທົບ ຕໍ່ຄວາມໝັ້ນຄົງ ແລະ ການພັດທະນາ ຂອງຈີນ ຢ່າງຫລວງຫລາຍ ອີກດ້ວຍ.
 ດັ່ງນັ້ນ ຄວນຮັກສາ ຄວາມລະມັດ ລະວັງ ເຝິກຊ້ອມ ທະຫານ ຢ່າງເຂັ້ມງວດ ພ້ອມ ຮັບມືກັບ ສະຖານະການ ທີ່ສະລັບຊັບຊ້ອນ ຢ່າງທັນການ ແລະ ມີປະສິດທິຜົນຮັກສາ ອະທິປະໄຕ ຄວາມໝັ້ນຄົງ ຜົນປະໂຫຍດ ການພັດທະນາ ແຫ່ງຊາດຄຸ້ມຄອງ ຄວາມໝັ້ນຄົງ ທາງຍຸດທະສາດ ຂອງປະເທດຊາດ.

ທີ່ມາ: ປະເທດລາວ Pathedlao
  • ແທັກທີ່ກ່ຽວຂ້ອງ