• ນາຍົກ! ແນະນຳໃຫ້ກະຊວງພະລັງງານ ກວດຄືນຄ່າກະແສໄຟຟ້າທີ່ປະຊາຊົນເຫັນວ່າແພງຂຶ້ນ

ໂດຍ: ສີເປື້ອນມື 25 ພຶດສະພາ 2020 (15.04 ນ.) Read : 972

ກອງປະຊຸມລັດຖະບານສະໄໝສາມັນ ປະຈຳເດືອນພຶດສະພາ 2020 ເມື່ອວັນທີ 21-22 ພຶດສະພາ 2020, ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ, ສະມາຊິກລັດຖະບານເຂົ້າຮ່ວມຢ່າງພ້ອມພຽງ.

ໃນກອງປະຊຸມ ໄດ້ພິຈາລະນາບັນຫາສໍາຄັນຕ່າງໆ, ແຕ່ໃນສ່ວນລາຄາກະແສໄຟຟ້າໄດ້ມີຄໍາແນະນໍາດັ່ງຕໍ່ໄປນີ້: ໃຫ້ກະຊວງພະລັງງານ ແລະ ບໍ່ແຮ່ ກວດກາຄືນກ່ຽວກັບຄ່າກະແສໄຟຟ້າ ເຫັນວ່າສັງຄົມມີຄວາມສົນໃຈຫຼາຍ, ເນື່ອງຈາກຄ່າບໍລິການຊົມໃຊ້ກະແສໄຟຟ້າເພີ່ມຂຶ້ນສູງ.

ພ້ອມນີ້, ກໍໃຫ້ອະທິບາຍຊີ້ແຈງຢ່າງສົມເຫດສົມຜົນກ່ຽວກັບຄ່າກະແສໄຟຟ້າໃຫ້ສັງຄົມມີຄວາມເຂົ້າໃຈ ແລະ ມີຄວາມສະຫງົບ.

ນອກນັ້ນ, ກໍ່ໃຫ້ກວດຄືນລະບົບການຕິດຕັ້ງ ແລະ ເດີນສາຍໄຟຟ້າໃນໄລຍະຜ່ານມານີ້ ເຫັນວ່າຈໍານວນອັກຄີໄພເພີ່ມຫຼາຍຂຶ້ນ ໂດຍສະເພາະໄຟຟ້າລັດວົງຈອນ ເຮັດໃຫ້ບ້ານເຮືອນຂອງປະຊາຊົນຖືກໄຟໄໝ້ ແລະ ກະທົບຕໍ່ການດໍາລົງຊີວິດຂອງເຂົາເຈົ້າ.


ທີ່ມາ: Somsavine Vssp ແລະ ເສດຖະກິດ-ການຄ້າ
  • ຮູບພາບ

  • ແທັກທີ່ກ່ຽວຂ້ອງ