• ຫາກໂຄວິດຍັງແກ່ຍາວ ລາວເຮົາອາດມີອັດຕາການວ່າງງານສູງ

ໂດຍ: ສີເປື້ອນມື 20 ພຶດສະພາ 2020 (14.48 ນ.) Read : 326

ມາຮອດປັດຈຸບັນ ລາວມີຜູ້ປົວຫາຍດີຈາກໂຄວິດ-19 ທັງໝົດ 14 ກໍລະນີ ຍັງ 5 ຄົນທີ່ຍັງຕິດຕາມອາການ ແລະ ບໍ່ມີຜູ້ເສຍຊີວິດ. ເຖິງແມ່ນວ່າຈຳນວນຜູ້ຕິດເຊື້ອພະຍາດຢູ່ລາວບໍ່ມີຫຼາຍ, ແຕ່ຜົນກະທົບທີ່ມີຕໍ່ເສດຖະກິດ-ສັງຄົມ ເປັນຕົ້ນການປິດຫົວໜ່ວຍແຮງງານ ແລະ ຫົວໜ່ວຍທຸລະກິດ ເຮັດໃຫ້ແຮງງານຈຳນວນຫຼາຍຕ້ອງໄດ້ພັກວຽກ ລວມເຖີງຍົກເລີກສັນຍາແຮງງານ.

ສໍາລັບແຮງງານລາວຈໍານວນ 1 ແສນກວ່າຄົນ ໄດ້ເດີນທາງກັບຈາກຕ່າງປະເທດ ເຮັດໃຫ້ມີຜົນກະທົບຕໍ່ລາຍຮັບ ແລະ ຊີວິດການເປັນຢູ່ຂອງເຂົາເຈົ້າ. ເຊິ່ງນີ້ເປັນພຽງຜົນກະທົບໃນໄລຍະເບື້ອງຕົ້ນເທົ່ານັ້ນ, ຖ້າຫາກສະພາບການແຜ່ລະບາດຂອງພະຍາດໂຄວິດ-19 ຍັງແກ່ຍາວໄປຕື່ມ ລັດຖະບານ ຈະຕ້ອງໄດ້ຫາວິທີການແກ້ໄຂ.

ຊຶ່ງຕາມການຄາດຄະເນໃນເບື້ອງຕົ້ນເຫັນວ່າ: ຜົນກະທົບຂອງພະຍາດໂຄວິດ-19 ໃນປັດຈຸບັນ ຫາກມີການແກ່ຍາວຈະເຮັດໃຫ້ອັດຕາການວ່າງງານພາຍໃນປະເທດ ເພີ່ມຂຶ້ນຈາກອັດຕາປົກກະຕິ 2% ຂຶ້ນເປັນ 25%.

ສໍາລັບຜູ້ເປັນສະມາຊິກກອງທຶນປະກັນສັງຄົມ ທີ່ໄດ້ຮັບຜົນກະທົບແມ່ນຈະໄດ້ຮັບການພິຈາລະນາແກ້ໄຂເງິນອຸດໜູນການວ່າງງານ ຕາມກົດໝາຍວ່າດ້ວຍການປະກັນສັງຄົມ.

ສຳລັບແຮງງານນອກປະກັນສັງຄົມ ແລະ ແຮງງານນອກລະບົບ ທີ່ໄດ້ຮັບຜົນກະທົບຮຸນແຮງ ກໍໄດ້ຮັບການພິຈາລະນາບັນເທົາທຸກຕາມຄວາມເໝາະສົມ.

ທີ່ມາ: ກະຊວງແຮງງານ ແລະ ສະຫວັດດີການສັງຄົມ.
ຮູບພາບ: ເສດຖະກິດ-ການຄ້າ.


ທີ່ມາ: ເສດຖະກິດ-ການຄ້າ.
  • ຮູບພາບ

  • ແທັກທີ່ກ່ຽວຂ້ອງ