• "ເປີດໃຈເຈົ້າຂອງສິນຄ້າ ດີເວີ້"ລົ້ມໄດ້ກໍລຸກໄດ້ ຈຶ່ງເຮັດໃຫ້ເຮົາມີວັນນີ້ “DeVer Brand”

ໂດຍ: ສີເປື້ອນມື 18 ພຶດສະພາ 2020 (14.56 ນ.) Read : 143

ຈາກຜູ້ຍິງຕົວນ້ອຍທີ່ພະຍາຍາມເຮັດທຸກສິ່ງທຸກຢ່າງ ກວ່າຈະປະສົບຜົນສໍາເລັດໄດ້ກໍເຄີຍຜິດພາດ ແລະລົ້ມເຫຼວກັບຫຼາຍໆເລື່ອງ ບໍ່ວ່າຈະເປັນໜີ້ສິນທີ່ຕົນເອງບໍ່ໄດ້ສ້າງຂຶ້ນ ແລະເຮັດຫຍັງກໍລົ້ມລະລາຍໄປໝົດຈົນບໍ່ມີບ່ອນຢູ່ອາໄສທີ່ແນ່ນອນ. ເຫດການທີ່ຜ່ານມາໃນວັນນັ້ນມັນເປັນບົດຮຽນທີ່ຄອຍເຕືອນໃຈໃຫ້ມີໃຈສູ້ຈົນມີວັນນີ້.

ທ່ານ ນາງ ວິໄລຄໍາ ທັນບຸນເຮືອງ (ໄໝ) ອາຍຸ 29 ປີ ເຈົ້າຂອງຜະລິດຕະພັນ ດີເວີ້ (Dever) ປະເທດລາວ ໄດ້ໃຫ້ສໍາພາດວ່າ: ກ່ອນທີ່ຕົນເອງຈະຕັດສິນໃຈມາສ້າງແບຣນສິນຄ້າເປັນຂອງຕົນເອງນີ້ ໃນເມື່ອກ່ອນກໍເຄີຍເຮັດຫຼາຍຢ່າງ ແຕ່ກໍບໍ່ປະສົບຜົນສໍາເລັດຈກເທື່ອ ຍ້ອນອຸປະສັກຫຼາຍຢ່າງທີ່ເຂົ້າມາບັ່ນທອນຈິດໃຈ ແຕ່ກໍບໍ່ເຄີຍຄິດທີ່ຈະທໍ້ຖອຍ ແລະສູ້ຊົນມາຈົນເຖິງທຸກວັນນີ້ ເພາະໄດ້ຮັບກໍາລັງໃຈດີໆຈາກຄົນອ້ອມຂ້າງ.

ການເລີ່ມຕົ້ນສ້າງແບຣນ ດີເວີ້ (Dever) ໃນເບື້ອງຕົ້ນໃຊ້ທຶນພຽງເລັກນ້ອຍ ເຊິ່ງມັນກໍເປັນການເລີ່ມຕົ້ນທີ່ດີ ເນື່ອງຈາກໄດ້ຮັບກະແສຕອບຮັບຈາກສັງຄົມເປັນຢ່າງດີ, ມີຍອດຂາຍເພີ່ມຂຶ້ນເລື້ອຍໆ ແລະເປັນທີ່ຮູ້ຈັກຂອງຄົນໃນວົງກວ້າງ. ດີເວີ້ ເຮັດໃຫ້ ໄໝໃຊ້ໜີ້ໃຫ້ຄອບຄົວຈົນໝົດ ພ້ອມທັງສາມາດຊື້ລົດ-ຊື້ດິນໃຫ້ພໍ່ແມ່ ແລະສົ່ງນ້ອງຮຽນອີກສອງຄົນ. ນອກຈາກພໍ່ແມ່ ແລະນ້ອງແລ້ວ ກໍຍັງມີອີກໜຶ່ງຄົນທີ່ ຕ້ອງໄດ້ເບິ່ງແຍງລ້ຽງດູ ນັ້ນກໍຄື ລູກນ້ອຍ. ໄໝ ເຊື່ອໝັ້ນສະເໝີວ່າ ຄວາມດີ ແລະຄວາມກະຕັນຍູກັບຜູ້ທີ່ໃຫ້ກໍາເນີດ ຈະນໍາພາເຮົາໄປພົບແຕ່ສິ່ງດີໆ ແລະປະສົບຄວາມສໍາເລັດໃນສິ່ງທີ່ຕົນເອງຄາດຫວັງໄວ້. ຢາກໃຫ້ທຸກຄົນຄິດວ່າ ອຸປະສັກທີ່ເຂົ້າມານັ້ນຈະເຮັດໃຫ້ເຮົາເຂັ້ມແຂງຂຶ້ນ ເໝືອນກັບຟ້າຫຼັງຝົນຍ່ອມສວຍງາມສະເໝີ ຖ້າໃຈຂອງເຮົາບໍ່ຍອມແພ້ ຈັກມື້ໜຶ່ງມັນຈະຕ້ອງເປັນມື້ຂອງເຮົາ ແລະມື້ນີ້ ໄໝກໍຮູ້ສຶກພູມໃຈໃນຕົວເອງທີ່ສາມາດເຮັດໃຫ້ຄອບຄົວສະບາຍໄດ້.

ສໍາລັບຜະລິດຕະພັນໃໝ່ຂອງ ດີເວີ້ ທີ່ຫາກໍເປີດໂຕໃນທ້າຍເດືອນ ກຸມພາ 2020 ຜ່ານມາ ແມ່ນ  ດີເວີ້ ໄຟເບີ້ ດີທ໋ອກ (DeVer Fiber Detox) ເປັນຜະລິດຕະພັນລ້າງສານພິດລໍາໄສ້ ເໝາະສໍາລັບຄົນທີ່ຢາກຫຼຸດນໍ້າໜັກ, ຢາກມີຮູບຮ່າງງາມ, ຖ່າຍໜັກຍາກ, ຜິວພັນບໍ່ໃສ... ຜະລິດຕະພັນດັ່ງກ່າວຈະຊ່ວຍໃນການເຜົາຜານໄຂມັນ, ລ້າງລໍາໄສ້ໃຫ້ສະອາດ, ດັບກິ່ນປາກ, ໜ້າທ້ອງຫຍຸບ,​ ບໍາລຸງຜິວພັນ ແລະປ້ອງກັນມະເຮັງລໍາໄສ້ ທີ່ສໍາຄັນແມ່ນສານສະກັດຈາກທໍາມະຊາດ ສາມາດຮັບປະທານໄດ້ທຸກເພດທຸກໄວ.

ສໍາລັບທ່ານໃດທີ່ສົນໃຈເປັນຕົວແທນຈໍາໜ່າຍ ສາມາດຕິດຕໍ່ພົວພັນທີ່ເບີໂທ 020 7777 3706 ແລະຕິດຕໍ່ທາງເພຈເຟສບຸກ: DeVer office.


ທີ່ມາ:
  • ແທັກທີ່ກ່ຽວຂ້ອງ