• ອັດຕະປື ຊັບຊ້ອນແຕ່ງຕັ້ງ ຫົວໜ້າພະແນກ ທະຫານຄົນໃໝ່

ໂດຍ: ສີເປື້ອນມື 03 ກຸມພາ 2020 (12.05 ນ.) Read : 279

ທະຫານແຂວງ ອັດຕະປື ປະກາດແຕ່ງຕັ້ງ ຫົວໜ້າພະແນກຮອງພະແນກຂອງກອງບັນຊາການ ໃນວັນທີ 30 ມັງກອນ 2020 ຜ່ານມານີ້, ໂດຍການເຂົ້າຮ່ວມຂອງ
ສະຫາຍ ພັນເອກ ໂຊກໄຊ ພິມມະລາ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງອັດຕະປື.
ມີຄະນະພັກ 5 ຫ້ອງຂອງກອງບັນຊາການທະຫານແຂວງ, ຫົວໜ້າພະແນກຮອງພະ
ແນກພ້ອມພະນັກງານ ທີ່ກຽມເຂົ້າຮັບເບ້ຍບຳນານເຂົ້າຮ່ວມ,ອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ໃນພາກ III ໝວດ I ມາດຕາ 33 ວ່າດ້ວຍດ້ວຍອາຍຸກະສຽນຮັບເບ້ຍບຳນານຂອງນາຍທະຫານ .
ອີງຕາມໜັງສືສະເໜີຂອງກອງບັນຊາການທະຫານແຂວງອັດຕະປື ສະບັບເລກທີ 240 ລົງວັນທີ 17 ທັນວາ 2019 . ພັນໂທ ຄຳສະໄໝ ໄຊຍະສັກ ຜ່ານຂໍ້ຕົກລົງ ຂອງກົມ
ໃຫຍ່ການເມືອງ ເລກທີ 062 ລົງວັນທີ 6 ມັງກອນ 2020 ວ່າດ້ວຍການອະນຸມັດໃຫ້ນາຍທະຫານ ຢູ່ກອງບັນຊາການທະຫານແຂວງອັດຕະປື ພັກການເພື່ອກຽມຮັບເບ້ຍບຳນານ, 1; ສະຫາຍ ພັນໂທ ນາງ
ຊອນພະຈັນ ດວງມະນີ ຫົວໜ້າພະແນກສະຫະພັນແມ່ຍິງ, 2; ສະຫາຍ ພັນໂທ ບຸນຍົດ ສອນວິໄລ ຫົວໜ້າພະແນກປະກັນສັງຄົມ, ອີງຕາມກົດໝາຍນາຍທະຫານ (ສະບັບປັບປຸງ) ໃນພາກ II ໝວດ 4
ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ, ຂໍ້ຕົກລົງ ຂອງກົມໃຫຍ່ກາຍເມືອງກອງທັບເລກທີ 063 ລົງວັນທີ 6 ມັງກອນ 2020 ວ່າດ້ວຍການແຕ່ງຕັ້ງຂັ້ນພະແນກການ ຂອງກອງບັນຊາການທະຫານແຂວງອັດຕະປື.
ແຕ່ງຕັ້ງສະຫາຍ ພັນຕີ ຄຳກ້ອນ ໄຊພູບານ ເປັນຫົວໜ້າພະແນກປະກັນສັງຄົມ, ແຕ່ງຕັ້ງ ສະຫາຍ ພັນຕີ ນາງ ອຸທະລີ ສີລາເພັດ ເປັນຫົວໜ້າພະແນກສະຫະພັນແມ່ຍິງ, ແຕ່ງ
ຕັ້ງ ສະຫາຍ ຮ້ອຍເອກ ສຸກມີໄຊ ສະແຫວງສືກສາ ເປັນຮອງພະແນກປະກັນສັງຄົມ ທະຫານແຂວງ ອັດຕະປື.
ນີ້ແມ່ນເປັນການຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່, ໂອກາດດັ່ງກ່າວ ສະຫາຍພັນເອກ ໂຊກໄຊ ພິມມະລາ ຍັງໄດ້ຊີ້ນຳຜູ້ທີ່ໄດ້ຮັບໜ້າທີ່ໃໝ່ຈົ່ງເພີ່ມທະວີຄວາມຮັບຜິດຊອບຕໍ່ໜ້າທີ່ວຽກງານທີ່ໄດ້ຮັບມອບໝາຍ, ປັບປຸງແບບແຜນວິທີເຮັດວຽກໃຫ້ສອດຄ່ອງ ເພີ່ມທະວີຄວາມສາມັກຄີໃຫ້ເປັນປືກແຜນ່ແໜ້ນໜາ,ປະຕິບັດຫຼັກການລວມສູປະຊາທິປະໄຕເຮັດວຽກເປັນໝູ່ຄະນະເພື່ອພ້ອມກັນເຮັດສຳເລັດໜ້າທີ່ປົກປັກຮັກສາ ແລະ ສ້າງສາພັດທະນາປະເທດຊາດ .
ໂດຍ: ໄກ່ຕ໋ອກ ຫຼວງອາໄພ.

ທີ່ມາ: Attapeu Media
  • ຮູບພາບ

  • ແທັກທີ່ກ່ຽວຂ້ອງ