• ກຸງສີ ລິດຊິ່ງ ຈັດງານສະຫຼອງຜົນສໍາເລັດ ຄົບຮອບ 5 ປີ

ໂດຍ: ສີເປື້ອນມື 22 ມັງກອນ 2020 (14.49 ນ.) Read : 141

ໃນວັນທີ 21 ມັງກອນ 2020 ຜ່ານມາ ບໍລິສັດ ກຸງສີ ບໍລິການເຊົ່າສິນເຊື່ອ ຈໍາກັດ (ກຸງສີ ລິດຊິ່ງ) “Krungsri Leasing Service Co., Ltd” ໄດ້ຈັດງານລ້ຽງສະເຫຼີມສະຫຼອງ ຄົບຮອບ 5 ປີ ທີ່ໂຮງແຮມ ແລນມາກ ແມ່ຂອງ ຣີເວີໄຊ.

ຈຸດປະສົງຂອງການຈັດງານ ເພື່ອຂອບໃຈລູກຄ້າ ແລະບັນດາພັນທະມິດທີ່ໃຫ້ການສະໜັບສະໜູນ ບໍລິສັດ ກຸງສີ ບໍລິການເຊົ່າສິນເຊື່ອ ຢ່າງຕໍ່ເນື່ອງໃຫ້ບັນລຸຕາມເປົ້າໝາຍທີ່ຄາດຫວັງໄວ້ ເຮັດໃຫ້ບໍລິສັດຄົງຢູ່ຈົນເຖິງປັດຈຸບັນ ຄົບຮອບ 5 ປີ.

ປັດຈຸບັນ ກຸງສີ ລິດຊິ່ງ ໃຫ້ຄວາມສໍາຄັນກັບນະວັດຕະກໍາ ແລະເຕັກໂນໂລຊີເປັນຢ່າງສູງ ພ້ອມທັງທຸ້ມເທກັບຊັບພະຍາກອນ, ທີມງານ ແລະເງິນທຶນຈໍານວນມະຫາສານ ເພື່ອພັດທະນາລະບົບໃຫ້ຮອງຮັບສິນຄ້າ ແລະບໍລິການ ເພື່ອຕອບສະໜອງຄວາມເພິ່ງພໍໃຈສູງສຸດຂອງລູກຄ້າ.

ພວກເຮົາຂະຫຍາຍທຸລະກິດໃນຫຼາຍຜະລິດຕະພັນ ນອກຈາກລົດໃຫຍ່ໃໝ່, ລົດໃຫຍ່ມືສອງ, ສິນເຊື່ອເພື່ອຄົນມີລົດ, ສິນເຊື່ອເຊົ່າຊື້ໃນລາຍຍ່ອຍ ເພື່ອຕອບສະໜອງຄວາມຕ້ອງການທີ່ຫຼາກຫຼາຍຂອງລູກຄ້າ. ນອກນີ້, ບໍລິສັດຍັງມີຖານລູກຄ້າຫຼາຍກວ່າໝື່ນຄົນ ເຊິ່ງຖືວ່າເປັນບໍລິສັດລະດັບແຖວໜ້າໃນການເຮັດທຸລະກິດເຊົ່າສິນເຊື່ອໃນ ສປປ ລາວ ແລະເປັນທີ່ຍອມຮັບໃນວົງກວ້າງ.

ໃນອະນາຄົດ ມີແຜນໃນການແຂ່ງຂັນ ໃນເສດຖະກິດທີ່ມີການເຕີບໃຫຍ່ຢ່າງໄວວາ ລວມເຖິງການແຂ່ງຂັນໃນຫຼາຍດ້ານ ເຮັດໃຫ້ບໍລິສັດ ກຸງສີ ລິດຊິ່ງ ມຸ່ງເນັ້ນໃນການພັດທະນາລະບົບ ແລະການວາງຮາກຖານທຸລະກິດຢ່າງຢືນຍົງ ເພື່ອກ້າວສູ່ຄວາມເປັນເລີດດ້ານການໃຫ້ບໍລິການສິນເຊື່ອ ອັນດັບ 1 ໃນໃຈຂອງຊາວລາວ.

ກຸງສີ ລິດຊິ່ງ ບໍ່ພຽງແຕ່ຈະຄົ້ນຄິດ ແລະພັດທະນາ Business Model ໃໝ່ໆ ທີ່ຈະຂັບເຄື່ອນສູ່ຄວາມເປັນເລີດໃນທຸກໆດ້ານເທົ່ານັ້ນ ທາງເຮົາຍັງນ້ອມຮັບເອົາແນວຄິດການເປັນ Adaptive and Learning Organization ຫຼືການເປັນອົງກອນທີ່ຮຽນຮູ້ ແລະປັບຕົວຢ່າງຕໍ່ເນື່ອງ ເຂົ້າມາສູ່ຈິດໃຈຂອງພະນັກງານ ແລະຜູ້ບໍລິຫານບໍລິສັດ ກຸງສີ ລິດຊິ່ງ ທຸກຄົນ.


ທີ່ມາ:
  • ຮູບພາບ