• ແຂວງ ສາລະວັນ ສຳປະທານເນື້ອທີ່ດິນ ໃຫ້ຂຸດຄົ້ນຫີນ 3 ເຮັກຕາ

ໂດຍ: ສີເປື້ອນມື 15 ມັງກອນ 2020 (15.10 ນ.) Read : 158

ແຂວງສາລະວັນ ອະນຸຍາດໃຫ້ບໍລິສັດ ວັນລ໋ອງ ກໍ່ສ້າງຂົວທາງ ຈຳກັດຜູ້ດຽວ ສຳປະທານເນື້ອດິນຈຳນວນ 3 ເຮັກຕາ ຢູ່ເຂດບ້ານສັນທົ່ງ ເມືອງ ເລົ່າງາມ ແຂວງ ສາລະວັນ ເພື່ອດຳເນີນໂຄງການຂຸດຄົ້ນຫີນ ແລະ ຈຳໜ່າຍຂາຍທົ່ວໄປ ລວມມູນຄ່າການລົງທຶນທັງໝົດ 5,7 ຕື້ກວ່າກີບ.
ໃນວັນທີ 10 ມັງກອນ ຜ່ານມາ ໄດ້ມີພິທີເຊັນສັນຍາຮ່ວມກັນ ລະຫວ່າງ ຝ່າຍຄະນະສົ່ງເສີມ ແລະ ຄຸ້ມຄອງການລົງທຶນແຂວງສາລະວັນ ໂດຍມີ ທ່ານ ບຸນເຮັ່ງ ໄຊຍະເສນ ຮອງຫົວໜ້າພະແນກແຜນການ ແລະ ການລົງທຶນແຂວງ, ທ່ານ ສົມສັກ ທົງຄຳຫານ ເຈົ້າເມືອງໆເລົ່າງາມ, ທ່ານ ທົງໄຊ ບຸນທິສະຫວັດ ຮອງຫົວໜ້າພະແນກພະລັງານ ແລະ ບໍ່ແຮ່ ແລະ ຝ່າຍບໍລິສັດແມ່ນ ທ່ານ ອຸດົມສິດ ໝື່ນອະນຸກຸນ ຮອງປະທານບໍລິສັດ ວັນລ໋ອງ ກໍ່ສ້າງຂົວທາງຈຳກັດຜູ້ດຽວ, ເຊິ່ງການຂຸດຄົ້ນ ແມ່ນຈະໄດ້ເລີ່ມລົງມືຈັດຕັ້ງປະຕິບັດນັບແຕ່ມືລົງລາຍເຊັນເປັນຕົ້ນໄປ ເປັນເວລາ 5 ປີ(2020-2025) ແລະ ສາມາດຕໍ່ອາຍຸສັນຍາໄດ້ຕາມການຕົກລົງເຫັນດີຈາກຂະແໜງການທີ່ກ່ຽວຂ້ອງ ໂດຍຈະຕ້ອງສະເໜີລ່ວງໜ້າກ່ອນ 3 ເດືອນ ກ່ອນຈະສິ້ນສຸດສັນຍາ, ໂຄງການດັ່ງກ່າວ ເປັນການລົງທຶນໃນຮູບແບບສຳປະທານ ໂດຍທາງບໍລິສັຕ້ອງເສຍພັນທະໃຫ້ລັດ ຈຳນວນ 50 ໂດລາສະຫະລັດຕໍ່ເຮັກຕາຕໍ່ປີ ຫລື 150 ໂດລາສະຫະລັດຕໍ່ປີໃນຈຳນວນ 3 ເຮັກຕາ.

ທີ່ມາ: ປະເທດລາວ Pathedlao
  • ຮູບພາບ

  • ແທັກທີ່ກ່ຽວຂ້ອງ