• ຄາເຟ່ ອາເມຊອນ ແຈກລົດ Honda Zoomer-X ທ້າຍປີ 2 ຄັນ

ໂດຍ: ສີເປື້ອນມື 27 ທັນວາ 2019 (16.47 ນ.) Read : 211

ວັນທີ 27 ທັນວາ 2019 ທາງຄາເຟ່ ອາເມຊອນ ໄດ້ຈັດງານຈັບລາງວັນເພື່ອຄົ້ນຫາຜູ້ໂຊກດີ ພາຍໃຕ້ໂຄງການ ລຸ້ນໂຊກໃຫຍ່ ໃບບິນຄາເຟ່ ອາເມຊອນ ທີ່ຮ້ານ ຄາເຟ່ ອາເມຊອນ ສາຂາ ໂພນຕ້ອງ ເພື່ອລຸ້ນຮັບລົດຈັກ Honda Zoomer-X ສົ່ງທ້າຍປີ ຈໍານວນ 2 ຄັນ ໃຫ້ແກ່ລູກຄ້າ ອາເມຊອນທົ່ວປະເທດ. ໃຫ້ກຽດເຂົ້າຮ່ວມໃນງານດັ່ງກ່າວ ໄດ້ແກ່: ທ່ານ ມົນໄຊ ບຸນອີ່ມ ຜູ້ອໍານວຍການ ບໍລິສັດ ພີທີທີ (ລາວ) ຈໍາກັດ,​ ທ່ານ ວິສານ ຊາວະລິດຕາມົນ ປະທານກໍາມະການ ບໍລິສັດ ພີທີທີ (ລາວ) ຈໍາກັດ, ທ່ານ ນັນສະຫວ່າງ ສີຄໍາແພງ ຜູ້ບໍລິຫານ ທຸລະກິດ ຄາເຟ່ ອາເມຊອນ ແລະທ່ານ ວັນສະຫວ່າງ ສ່ອງແສງ ຮອງຜູ້ອໍານວຍການ ສາຍການທຸລະກິດ Non-Oil Business ພ້ອມດ້ວຍພະນັກງານ ບໍລິສັດ ພີທີທີ (ລາວ) ຈໍາກັດ ແລະສື່ມວນຊົນທຸກຂະແໜງການ.

ຈຸດປະສົງຂອງການຈັດກິດຈະກໍາດັ່ງກ່າວ ແມ່ນເປັນການຄືນກໍາໄລໃຫ້ກັບລູກຄ້າທີ່ມາໃຊ້ບໍລິການ ທັງໝົດ 65 ສາຂາ ໃນປະເທດລາວ. ກິດຈະກໍາດັ່ງກ່າວໄດ້ຮັບການຕອບຮັບເປັນຢ່າງດີ ນັບຕັ້ງແຕ່ເດືອນ ກັນຍາ 2019 ຜ່ານມາ ເຊິ່ງແຕ່ລະຄັ້ງມີໃບບິນບໍ່ຕໍ່າກວ່າ 4 ແສນໃບ ແລະໃນຈັບລາງວັນໃນຮອບສຸດທ້າຍນີ້ ມີໃບບິນຫຼາຍກວ່າ 1.600.000 ໃບ.

ລາຍຊື່ຜູ້ທີ່ໄດ້ຮັບລາງວັນພາຍໃຕ້ໂຄງການ ລຸ້ນໂຊກໃຫຍ່ ໃບບິນຄາເຟ່ ອາເມຊອນ  ປະຈໍາວັນທີ 27 ທັນວາ 2019 ມີດັ່ງລຸ່ມນີ້:

-    ລາງວັນທີ 1 ລົດຈັກ Honda Zoomer-X ຈໍານວນ 1 ຄັນ ມີ 2 ລາງວັນ ຜູ້ໂຊກດີ ໄດ້ແກ່: ທ່ານ ແສງເພັດ ດາວັນ ຢູ່ບ້ານ ທາດຫຼວງໃຕ້ ເມືອງ ໄຊເສດຖາ ນະຄອນຫຼວງວຽງຈັນ ແລະທ່ານ ນາງ ແສງວິໄລຈິດ ສີສົມພອນ ຢູ່ບ້ານ ນາຍາວ ເມືອງ ແລະແຂວງ ໄຊຍະບູລີ.

-    ລາງວັນທີ 2 ດື່ມເຄື່ອງດື່ມຈາກຄາເຟ່ອາເມຊອນຟຣີ 1 ເດືອນ ມີ 3 ລາງວັນ ຜູ້ໂຊກດີ ໄດ້ແກ່: ທ່ານ ນາງ ຕຸນີ່ ທອງອ່ອນ ຢູ່ບ້ານ ຂົວຫຼວງ ເມືອງ ໄຊເສດຖາ ນະຄອນຫຼວງວຽງຈັນ, ທ່ານ ນາງ ພວງເພັດ ຄໍາສະຫວັດ ຢູ່ບ້ານ ໂພນຕ້ອງ ເມືອງ ຈັນທະບູລີ ນະຄອນຫຼວງວຽງຈັນ ແລະທ່ານ ນາງ ຍຸວະນັນ ພົມພັກດີ ຢູ່ບ້ານ ທ່າແຂກ ເມືອງ ຫາຊາຍຟອງ ນະຄອນຫຼວງວຽງຈັນ.

-    ລາງວັນທີ 3 ຊຸດເຄື່ອງພຣີມ້ຽມຈາກຄາເຟ່ອາເມຊອນ ມີ 5 ລາງວັນ ຜູ້ໂຊກດີ ໄດ້ແກ່: ທ່ານ ນາງ ຄໍາສອນ ສີວົງສາ ຢູ່ບ້ານ ເລົ່າໂພໄຊ ເມືອງ ທ່າແຂກ ແຂວງ ຄໍາມ່ວນ, ທ່ານ ນາງ ຄໍາແພງ ຂັນພົງພານ ຢູ່ບ້ານ ດົງນາໂຊກ ເມືອງ ສີໂຄດຕະບອງ ນະຄອນຫຼວງວຽງຈັນ, ທ່ານ ສຸກສະຫວັນ ວິໄລວົງ ຢູ່ບ້ານ ໜອງດ້ວງ ເມືອງ ສີໂຄດຕະບອງ ນະຄອນຫຼວງວຽງຈັນ, ທ່ານ ຈະເລີນພອນ ຫຼວງສີສົງຄາມ ຢູ່ບ້ານ ທົ່ງສາງນາງ ເມືອງ ຈັນທະບູລີ ນະຄອນຫຼວງວຽງຈັນ ແລະທ່ານ ພູທອນ ວໍລະເພັດ ຢູ່ບ້ານ ໂພນພະເນົາ ເມືອງ ໄຊເສດຖາ ນະຄອນຫຼວງວຽງຈັນ.

ເຊິ່ງລາງວັນທທີ່ມອບທັງໝົດໃນປີນີ້ ມີ ລົດຈັກ Honda Zoomer-X ຈໍານວນ 5 ຄັນ, ດື່ມເຄື່ອງດື່ມອາເມຊອນຟຣີ 1 ເດືອນ ແລະເຄື່ອງທີ່ລະນຶກຈາກຄາເຟ່ອາເມຊອນຢ່າງຫຼວງຫຼາຍ ລວມມູນຄ່າຫຼາຍກວ່າ 100 ລ້ານກີບ. ນອກນັ້ນ, ໃນປີ 2020 ທາງຄາເຟ່ ອາເມຊອນ ຍັງຈະສືບຕໍ່ຈັດໂຄງການດີໆແບບນີ້ຂຶ້ນອີກ ເພື່ອເປັນການຄືນກໍາໄລໃຫ້ກັບລູກຄ້າທີ່ມາໃຊ້ບໍລິການໃນທົ່ວປະເທດ.


ທີ່ມາ:
  • ຮູບພາບ

  • ແທັກທີ່ກ່ຽວຂ້ອງ