• Huawei Watch GT2 ແລະ FreeBuds 3 ມີຈໍາໜ່າຍແລ້ວ ທຸກສາຂາທົ່ວປະເທດລາວ

ໂດຍ: ສີເປື້ອນມື 06 ທັນວາ 2019 (14.11 ນ.) Read : 435


ສະບາຍດີທຸກຄົນ ນອກຈາກ HUAWEI ຈະເປັນຜູ້ຜະລິດສະມາດໂຟນອັນດັບຕົ້ນໆຂອງໂລກແລ້ວ ອີກໜຶ່ງຕະຫຼາດທີ່ຕອນນີ້ HUAWEI ກໍາລັງໂຟກັສກໍຄືເລື່ອງຂອງ IoT ແລະ ອຸປະກອນເຊັ່ນ Smartwatch ກໍຈັດຢູ່ໃນກຸ່ມ IoT ໂດຍກ່ອນໜ້ານີ້ໄດ້ມີການວາງຈໍາໜ່າຍ Watch GT ລຸ້ນທໍາອິດ ເຊິ່ງກໍມີກະແສຕອບຮັບທີ່ດີຫຼາຍ ດ້ວຍລາຄາທີ່ທຸກຄົນສາມາດຈັບຕ້ອງໄດ້ ລູກຫຼິ້ນຄົບເຄື່ອງ ແລະ ໜ້າຈໍທີ່ສວຍງາມຄືກັບໜ້າປັດໂມງແທ້ ຈົນມາເຖິງຕອນນີ້ກໍໄດ້ອອກລຸ້ນໃໝ່ລ່າສຸດ HUAWEI Watch GT 2 ທີ່ປັບປຸງສະເປັກໃຫ້ດີຂຶ້ນມາອີກຫຼັກໆກໍຈະເປັນຊິບປະະມວນຜົນ , ການສົນທະນາໂທລະສັບ, ຟັງເພງຈາກລໍາໂພງໃນໂຕເຄື່ອງໄດ້.

ນອກນັ້ນຍັງເປີດໂຕ Huawei FreeBuds 3 ຫູຟັງໄຮ້ສາຍລຸ້ນທໍາອິດຂອງໂລກທີ່ມາພ້ອມກັບລະບົບ Active Noise Cancellation ເຊິ່ງສາມາດຕັດສຽງອ້ອມຂ້າງໄດ້ສູງສຸດເຖິງ 15 ເດຊິເບວເຮັດໃຫ້ການຟັງເພງຕາມຮ້ານອາຫານ, ຖະໜົນຫົນທາງ ຫຼື ບ່ອນຄົນຫຼາຍສຽງຟົດແຊວ ກໍສາມາດເຮັດການຕັດສຽງໄດ້ ໂດຍທີ່ຍັງໄດ້ຍິນສຽງເພງຊັດເຈນ ແຖມຍັງມີ Driver ຂະໜາດ 14 ມມ ຢູ່ທາງໃນບວກກັບ Bass Tube ແຍກ ເຮັດໃຫ້ການຟັງເພງມີມິຕິ ແລະ ເບສແໜ້ນອີກດ້ວຍ. ເປັນແນວໃດນັ້ນເຮົາໄປເບິ່ງສະເປັນຂອງແຕ່ລະຢ່າງລຸ່ມນີ້ເລີຍ:


#ສະເປັກ Huawei Watch GT2

·         ໜ້າຈໍ AMOLED ຂະໜາດ 1.39 ນິ້ວ ຄວາມລະອຽດ 454​ x 454 ພິກເຊວ

·         ແບັດຕາຣີໃຊ້ງານໄດ້ດົນເຖິງ 2 ອາທິດ ຫຼື 14 ມື້

·         ຊິບປະມວນຜົນ Kirin A1

·         ຄວາມຈຸຂອງໂມງ 2GB

·         ເຮັດວຽກດ້ວຍລະບົບປະຕິບັດການ LiteOS

·         ຮອງຮັບ , ອັດຕາການເຕັ້ນຂອງຫົວໃຈ

·         ກັນນ້ໍາມາດຕະຖານ 5 ATM

·         Bluetooth 5.1

·         ສີທີ່ວາງຈໍາໜ່າຍ: ສີນໍ້າຕານ (ໃນກ່ອງແຖມສາຍດໍາ Sport Black)


HUAWEI Watch GT 2 ຮອງຮັບກິລາໄດ້ 15 ປະເພດມີ GPS ໃນໂຕ ແລະ ມີຄວາມຈໍາບັນຈຸເພງໄດ້ເຖິງ 500 ເພງ ເຮັດໃຫ້ການອອກກໍາລັງກາຍພຽງແຕ່ຖື HUAWEI Watch GT 2 ກັບ ຫູຟັງບູທູດກໍພຽງພໍສໍາລັບການແລ່ນແລ້ວບໍ່ຈໍາເປັນຕ້ອງຖືສະມາດໂຟນໃຫ້ຫຍຸ້ງຍາກ.

ຮັບສາຍໂທລະສັບ - ໂທອອກໄດ້ ເຊິ່ງມີໄມ ແລະ ລໍາໂພງໃນໂຕເຮັດໃຫ້ສາມາດກົດຮັບສາຍທີ່ຕົວເຄື່ອງໄດ້ເລີຍ ຄວາມດັງຂອງລໍາໂພງກໍຖືວ່າດັງໃນລະດັບໜຶ່ງ.

ມີລະບົບກວດຈັບການນອນຫຼັບ HUAWEI True Sleep 2.0 ພ້ອມວິເຄາະຄຸນະພາບການນອນສາມາດຕິດຕາມ ແລະ ວິໄຈປັນຫາການນອນຫຼັບໄດ້ເຖິງ 6 ປະເພດ ໃນຂະນະທີ່ກໍາລັງພັກຜ່ອນ ຫຼື ຊ່ວງທີ່ກໍາລັງນອນຫຼັບໂຕເຄື່ອງຈະວັກແທກອັດຕາການເຕັ້ນຂອງຫົວໃຈ ວິເຄາະການຫາຍໃຈ ແລະ ໃຫ້ຄະແນນຄຸນະພາບການນອນຫຼັບໂດຍລວມ ນອກນັ້ນຍັງມີແນະນໍາວິທີແກ້ໄຂປັນຫາເພື່ອເພີ່ມຄະແນນການນອນຫຼັບໄດ້ອີກດ້ວຍ.

ມີລະບົບວັດແທກຄວາມຄຽດດ້ວຍລະບົບ HUAWEI TruRelax ຈະຊ່ວຍວັດແທກລະດັບຄວາມຄຽດຕະຫຼອດໝົດມື້ ໂດຍຄັ້ງທໍາອິດຈະເປັນການຕອບຄໍາຖາມສັ້ນໆເພື່ອແທກລະດັບຄວາມຄຽດ ຫຼັງຈາກນັ້ນຫາກລະດັບຄວາມຄຽດເພີ່ມສູງຂຶ້ນຈະມີການແຈ້ງເຕືອນທີ່ໂຕໂມງ ແລະ ເຂົ້າສູ່ໂໝດການຝຶກຫາຍໃຈ ເພື່ອຊ່ວຍລະບາຍຄວາມຄຽດ ແລະ ປັບສົມດຸນໃນຮ່າງກາຍໃຫ້ມີສະຖານະທີ່ເໝາະສົມກັບແຕ່ລະຊ່ວງເວລາ.

#ສະເປັກ HUAWEI Freebuds 3

·         ສີທີ່ວາງຈໍາໜ່າຍ: ຂາວ ຫຼື Ceramic White

·         Bluetooth 5.1

·         ລະບົບປະຕິບັດການ HUAWEI Kirin A1

·         ຂະໜາດ Driver 14.2 ມມ ແບບ Dynamics

·         ນໍ້າໜັກຫູຟັງຂ້າງລະ 4.5 ກຼາມ, ກ່ອງສາກ 48 ກຼາມ

·         ແບັດຕາຣີ: ຫູຟັງຂ້າງລະ 30mAh, ໂຕກ່ອງ 410mAh

·         ໄລຍະເວລາການສາກ: ຫູຟັງປະມານ 1ຊົ່ວໂມງ, ກ່ອງປະມານ 1ຊົ່ວໂມງ

·         ໄລຍະເວລາການໃຊ້ງານ: ຫູຟັງ 4 ຊົ່ວໂມງ, ກ່ອງສາມາດສາກໄດ້ 20 ຊົ່ວໂມງ

·         ລະບົບການສາກ: USB Type C (6W), ໄຮ້ສາຍ Qi (2W)

ລະບົບການສາກຂອງໂຕກ່ອງແມ່ນໃຊ້ສາຍແບບ Type C ສ່ວນການຄວບຄຸມຕ່າງໆຈະເປັນການກົດປຸ່ມທີ່ຢູ່ເທິງໂຕຫູຟັງ ແຕະຫູຟັງດ້ານຂວາສອງຄັ້ງເພື່ອຫຼິ້ນ ຫຼື ປ່ຽນເພງ ແລະ ດ້ານຊ້າຍເພື່ອປິດ-ເປີດລະບົບຫຼຸດສຽງລົບກວນອ້ອມຂ້າງ ແລະ ເມື່ອຖອດຫູຟັງອອກເພງກໍຈະຢຸດຫຼິ້ນ ເຊິ່ງເມື່ອໃສ່ເຂົ້າຫູຄືນເພງກໍຈະຫຼິ້ນຕໍ່ຄືເກົ່າ ໂດຍລະບົບ Wearing Detection ແລະ ໜ້າຕ່າງ Pop-up ຈະສາມາດໃຊ້ກັບສະມາດໂຟນ HUAWEI ທີ່ໃຊ້ EMUI10 ຂຶ້ນໄປ. 

Huawei FreeBuds 3 ແມ່ນມີການອອກແບບແບບ ເຮັດໃຫ້ໃສ່ສະບາຍ ໃສ່ດົນໄດ້ບໍ່ປວດຫູ ແລະ ທີ່ສໍາຄັນຄືບໍ່ຫຼຸດອອກຈາກຫູເຮົາງ່າຍໆ ສ່ວນລະບົບຕັດສຽງທາງ HUAWEI ເລືອກໃຊ້ຊິບ A1 ພ້ອມເທັກໂນໂລຢີ Aerodynamic Mic Duct ຊ່ວຍຕັດສຽງລົມເພື່ອໃຫ້ການສົນທະນາໄດ້ຊັດຍິ່ງຂຶ້ນ ເຊິ່ງຕັດສຽງລົມໄດ້ສູງສຸດຄວາມໄວ 20km/ຊົ່ວໂມງ ແລະ ມີໂຕ ຊ່ວຍຈັບແຮງສັ່ນສະເທືອນຂອງສຽງອີກດ້ວຍ ເຊິ່ງແນ່ນອນວ່າເຮົາສາມາດໃສ່ໄປແລ່ນອອກກໍາລັງກາຍໄດ້ສະບາຍໆ ແລ່ນໄປລົມໄປ ສັນຍານບໍ່ມີສະດຸດໃຫ້ອາລົມເສຍ.

ສໍາລັບຄົນທີ່ສົນໃຈສາມາດສອບຖາມຂໍ້ມູນເພີ່ມເຕີມໄດ້ທີ່ເພຈ Huawei Mobile (LA) https://www.facebook.com/HuaweimobileLA/ ຫຼື ສອບຖາມໄດ້ທີ່ຮ້ານຄ້າຕົວແທນຫົວເຫວີຍທົ່ວປະເທດ.


ທີ່ມາ: